Sewalefyal@
صفحة الفيس بوك
عدد الزوار (Unique)
قائمة المدونات الإلكترونية
-
بِك يا الله ..قبل 3 أسابيع
-
مرحلة بلا طعمقبل 10 أشهر
-
طوفان الأقصى ثورة عالميةقبل 11 شهرًا
-
التمسك بالأملقبل عام واحد
-
-
-
-
-
إلى أين أنت ذاهب يا "شيخ "بالله عليكقبل 5 أعوام
-
-
-
-
-
رسايل لـ مي عز الدينقبل 6 أعوام
-
رمضان طب علينا، من العطش ياويلناقبل 7 أعوام
-
-
السكوت علامة الرضاقبل 7 أعوام
-
سلمان الفاتح!قبل 7 أعوام
-
المشاركة والمقاطعة.. وجماعات المعارضة.قبل 8 أعوام
-
وقد بَطُلَ العجب... !!قبل 8 أعوام
-
-
زائر الليل ..قبل 8 أعوام
-
باص الحكومة و قطار القطاع النفطيقبل 8 أعوام
-
كاريكاتير مابعد أسعار النفطقبل 8 أعوام
-
صديقي... الشيخقبل 9 أعوام
الثلاثاء, يونيو 29, 2010 | 
مرسلة بواسطة
Sami
لم تتميز احدى ادارات الدوله بعمل موظفيها الدؤوب ..و لم يكن صيتها جاء من وراء ادارتها المتفانيه في العمل وفي التقييم ...شهرتها جاءت من شهرة " الكباتشينو" الخاص بهالاداره ..و بالتحديد مبدعها و صاحب الانامل الذهبيه " جنكير" البنغالي.
شهرة "كباتشينو" جنكير تعدت الافاق ... الكل يتكلم عن لذة طعم " كباتشينو" جنكير .. و الكل يتحلا برائحتها الزكيه التي تعبق الممرات و منها لكل الادارات المجاوره .. و الكل يتكلم عن سر الرغوه الكثيفه " المنتفشه" و التي تضفي نوع من الجمال و الرونق لهذا الشراب الساحر.
عندما تدخل الاداره ..ستجد نفسك اينما تولي وجهك ..ستشاهد من يرتشف هذا الكباتشينو ..و عندما تحظى برشفه منه ستتفهم سبب ادمان موظفي الاداره بهذا الشراب الرائع ..و ستستوعب سبب كثرة الزيارات لتلك الاداره .
موظفه معروف عنها " اللقابه" و حب الاستطلاع ..ارادت ان تفاجئ جنكير و هو يضع لمساته السحريه على شرابها المفضل ..
دخلت عليه و بكل احترام و ادب و شوية " بقشيش" طلبت منه ان يخبرها عن سر و اصول الصنعه .. و في الحال وافق جنكير على الطلب و بدأ اولى خطوات الوصفه
جنكير : شوي حليب .... الموظفه : طبيعي مو شي جديد
جنكير :شوية قشطه ...الموظفه : انزين و بعد
جنكير: شوية نسكافيه ...الموظفه : طبعا
جنكير: شكر و ماي حار ...الموظفه : اوكي و بعدين
جنكير خلط المكونات ...الموظفه : ليلحين ما ضفت شي جديد
حط جنكير "عود" قام ينفخ علشان تبرز الفقاعات ...الموظفه:.وييييييييييع ...قطيييييعه
خارج الموضوع :
صورة الاسبوع من نصيب الاخت العزيزه " شاي الضحى " مجرد ما شفت الصوره ابتسمت
المكان و الزمان : ايرلندا 2008
15 التعليقات:
اييييو
والله كنت شاكه ان الموضوع فيه انَه
الله يغربل ابليسك يا جنكيز
كلمة تقرقع بقلبي
انت محارب مدونتي؟؟
لو اللي اكتبه بطل ايوز لك!!
الزين ...مدونتج رقم 1 و المدونه الثانيه بالنسبه لي تبعد عن مدونتج بعد العبدلي عن خط الوفره..وايد راح يزعلون مني ..لكن هذا رايي ..لكن قررت اني ما اقرا اي قصه لها حلقات الا بعد الانتهاء من القصه كاملة ..ما ابي اطيح بغلطة " فضه و شاهين " خليتينا انكون تحت رحمة الله ثم رحمتج :))
لووووووووووووووووول
صج ويييييييييععععععع هههههه الحمدلله ان وزارتنا مافيها كافتيريا !!
:)))
ضحكتني يا سامي
عيل بتنظر وايد
المزاج هاليومين مولي
وكل جزء يبعد عن الجزء اللي بعده اسابيع
كلم بنات افكاري خل يرحموني انا بعد
:)
ازيدك من الشعر بيت
اللي قاعده انشرهم الحين قصتين
ليه غاب بدري
ومرجانة والسندباد
وعندي فكرة حق قصة يديده
تهقا ابلش فيها
!!
اي رحمه
هممم
تذكرت اغنية اي معزة
شخباااري
:)
** والله احنا نشرب و بس و الله يعلم هذول شيسووون و شيبربسوون بالمطبخ
الحمد لله رب العالمين ..
ما أحب الكبتشينو ولا يحبني :|
عاد أنا وسواسية رقم واحد في نظافة اللي آكله أو أشربه ..
الله يغربل بليس جنكير .. سبب لي غثيان P:
قالوا أيش .. صاحب الانامل الذهبيه " جنكير" البنغالي .. :|
لاااء :(
وانا امطيحة بالادارة الي يمنا على بو كابتشينو "زهير" لا يعلى عليها :((
الله يسامحك
ويييييييع الله يقطع بليس جنكير
عشان جذي ما أثق في جنكير وربعه
أسوي الكابشينو بالبيت
وأحطه بالمق وآخذه معاي
أنظف وأحلى ؛)
الصوره تونس ذكرتني بأيام الطفوله:)
لووووول
مرات في اسرار الافضل انك ما تعرفها :>
Engineer A ... الحمدالله اني ما اشتغل بوزاره :)
الزين ..تحملي تتكتبين قصه ثالثه :)) ..العمر يخلص لكن الافكار ما تخلص :)
ميمة السبيت ..مثل ما قال "لو كويت (حقوقي سابقا ) " في اسرار الافضل ما انعرفها :)
..pen seldom ... ما نقطع انامله هالجنكير :)
بوك مارك ...لوول ..اعتقد زهير "يحوس" البياله بصبعه :))
لوير ...شغلج عدل :)
لو كويت ... انا وايد وسواسي في ما يتعلق بالاكل ..صعب اطبق نصيحتك :)
ويييع استغفر الله شنو هالكابتشينو هههههههههههه
وشكرا لاختيارك الصوره :)
وان شاءالله دوم تبتسم
LOL
بعد كل واحد ونفسه بالطبيخ
:p
الحمدلله من داومت وثيرموس القهوة يتجدمني ويقزر علي طريج الدوام
حتى بطل الماي ما اشتهي اطلبه منهم واييب بطولي معاي واذا احتجت زيادة قمت امششه بالوت وايب قبل لا امسكه من ايدهم!
لايكون قصدق "لقافه "
لوووول وييييييييييييع والله ما اشرببه قطييييعه
الله يعينا على الدنيا وبلاوييها خخخ
تقبل مروري
شاي الضحى ..انتي المشكوره على الصوره :)
جندله .. هذا انا الي اسويه بعد :)
Unique Girl .. اهلا و سهلا :)
إرسال تعليق