Sewalefyal@
صفحة الفيس بوك
عدد الزوار (Unique)
قائمة المدونات الإلكترونية
-
بِك يا الله ..قبل 3 أسابيع
-
مرحلة بلا طعمقبل 10 أشهر
-
طوفان الأقصى ثورة عالميةقبل 11 شهرًا
-
التمسك بالأملقبل عام واحد
-
-
-
-
-
إلى أين أنت ذاهب يا "شيخ "بالله عليكقبل 5 أعوام
-
-
-
-
-
رسايل لـ مي عز الدينقبل 6 أعوام
-
رمضان طب علينا، من العطش ياويلناقبل 7 أعوام
-
-
السكوت علامة الرضاقبل 7 أعوام
-
سلمان الفاتح!قبل 7 أعوام
-
المشاركة والمقاطعة.. وجماعات المعارضة.قبل 8 أعوام
-
وقد بَطُلَ العجب... !!قبل 8 أعوام
-
-
زائر الليل ..قبل 8 أعوام
-
باص الحكومة و قطار القطاع النفطيقبل 8 أعوام
-
كاريكاتير مابعد أسعار النفطقبل 8 أعوام
-
صديقي... الشيخقبل 9 أعوام
الأربعاء, يونيو 23, 2010 | 
مرسلة بواسطة
Sami
في عز معمة الاجتماع ...دخل علينا السكرتير موجها الحديث لحمد.. طالبا منه الذهاب لمكتب المدير ..و في الحال توجه للمكتب .. طرق باب المكتب فدخل ..ليجد المدير جالس مع احد المستثمرين الاستراتيجيين ..ما ان وقعت عينيه بعيني الضيف حتى احس بطاقه سلبيه جعلته يكتفي بالسلام عن بعد متجنبا المصافحه .
المدير : حمد اعرفك بفلان الفلاني مدير شركة .... وده يتعرف عليك .
حمد : و النعم هذي الساعه المباركه .
الضيف ( المستثمر الاستراتيجي ) .. متحفز ..و بصوت شبه معصب : هلا حمد ..حاولت اكلمك من الصبح لكن سكرتيرك " الحمار" يقول انك ما تستقبل مكالمات اليوم .
تبادل حمد و المدبر النظرات في ذهول تام , غير متوقعين ردة فعله الغير مبرره
حمد : اولا اهو مو سكرتيري .. اهو سكرتير القسم و ثانيا اهو مو حمار ..انا الي قلتله ما يستقبل مكالمات
الضيف ( المستثمر الاستراتيجي ) : ليش ؟
حمد : لاني وايد مشغول اليوم و ما كان عندي وقت
الضيف ( المستثمر الاستراتيجي ) : خلاص خلاص ..ناده خله يعتذر مني
حمد : لأ ما راح اناديه ..اهو ما سوا شي غلط ..قتلك انا.. الي قلتله ما يحول مكالمات علي .
الضيف ( المستثمر الاستراتيجي ) بجفاسه : يلا عيل انت اعتذر مني
حمد : انزين ..أنا اسف و اعتذر منك .
الضيف ( المستثمر الاستراتيجي ) : اعتذارك مو مقبول
حمد : على راحتك ..انا مضطر امشي ..تأخرت على الاجتماع
المدير : الله معاك ..الله يعطيك العافيه
حمد يفضفض لي عن شعوره ازاء هذا الموقف
انا و لله الحمد اتمتع بسرعة البديهه في ردودي ..لكن ما ادري هالمره خانتني سرعة البديهه ..و اسات لنفسي ..ما كان من المفروض اتأسف منه ..على الرغم من ان الموضوع صار امس ..لكن تأثيره مازال مسيطر على نفسيتي.. لكن في نفس الوقت خلاني استشعر عقوبة " المتكبر" في الدنيا و الاخره .. و اعيد النظر على طريقة تعاملي مع الي اقل مني حظ بالحياة
اورد لكم احاديث و أيات من القرأن الكريم تذكر عقوبة المتكبر
وعن النبى صلى الله عليه وسلم ) قال : " لا يدخل الجنة أحد فى قلبه مثقال ذرة من كبر "مسلم .
وقال الله تعالى : " ان الله لا يحب كل مختال فخور " لقمان 18
وقال صلى الله عليه وسلم : " اختصمت الجنة والنار , فقالت الجنة : مالى لا يدخلنى الا ضعفاء
الناس وسقطهم ؟ وقالت النار : أوثرت بالجبارين والمتكبرين " رواه البخارى .
وقال تعالى : " ولا تصعر خدك للناس ولا تمش فى الأرض مرحا , ان الله لا يحب كل مختال فخور
" لقمان 13
خارج الموضوع
كنت على طريف الغي سالفة صورة الاسبوع ... لكن تفاجأة بصوره واصلتني عبر بريدي الالكتروني ..و اسعدني كثيرا عندما عرفت ان صاحبة " الصوره " هي "الراقيه " بوك مارك .
المكان : كوالالمبور – حديقة الفراشات
الزمان : فبراير 2008
15 التعليقات:
صباح الخير
اييييييه يا سامي كلن عنده هم
بالنسبه لحمد .. انا اشوف تصرفه صحيح
أدري سالفة الاعتذار مو من حق الاخ المتكبر لكن
كان راح يدش في معمعه .. ف اهو ريح نفسه
عندي قناة إن كل متكبر من داخله فاضي
ونافخ روحه على الطل
يكفي الطاقة السلبية تشع منه
الله يعينه على نفسه ويعين الناس عليه
وبالنسبة لك إنت سويت اللي يبيه جدام مديرك
وهذا أكثر من كافي
وواضح إنه غلطان
صباح الفراشات الحلوة
:)
والله في ناس ياربي مادري شلون صايرين!!
ليش التكبر وعلى شنو؟ ما احترم الشخص اللي يقلل من احترام الغير لو منو ماكان، وليش الغلط على خلق الله والاسلوب الغير راقي اكيد واستخدام الفاظ عجيبة واهانة وتحقير شخص؟!!
انا انقهرت واحتريت من السالفة زين جذي؟ :)
بس صج صج حقدت على المستشار وحمد مع انه باعتذاره منه قصر الشر مثل مايقولون بس كان من باب أولى ان المستشار يعتذر حق السكرتير لأنه غلط بحقه عليه وقل أدبه!!
الله المستعان..
وصورة الاسبوع عجيبة يعطيك العافية
لو كنت مكانه لأثرت
1. أن لا أعتذر .. فلست مضطرة للإعتذار
2. أنسحب كما انسحب
هذه النوعية من البشر .. صعب التعامل معها ونرفض محاولة التعامل معها..
حمد لم يسء لنفسه أبدا ..
she is me
مادري ليش يشوفون نفسهم؟! على شنو؟ مادري
من تواضع لله رفعه
موقف يحز بالنفس
سواء للسكرتير أو حمد
من تواضع لله رفعه
**
والصورة فازت لأنها تستحق الفوز ولا ماكو منافس فـ فازت بالتزكية؟ ;)
عن أبي هريرة قال : قال رسول الله - صلى الله عليه وسلم - : ( قال الله عز وجل : الكبرياء ردائي ، والعظمة إزاري ، فمن نازعني واحداً منهما قذفته في النار ) ، وروي بألفاظ مختلفة منها ( عذبته ) و ( وقصمته ) ، و ( ألقيته في جهنم ) ، و ( أدخلته جهنم ) ، و ( ألقيته في النار ) .
تخريج الحديث
الحديث أصله في صحيح مسلم وأخرجه الإمام أحمد و أبوداود ، و ابن ماجة ، و ابن حبان في صحيحه وغيرهم ، وصححه الألباني .
_-_-_-_-_-_-_-_-_-_-
منزاعه من يقوى عليها ...؟؟
من يتجرأ عليها خاسر لا محالة
بصراحه موقف قوي عن نفسي احتقر إلي يسب في الشغل يتكلم في هالإسلوب .. مرضى ناس صج مو صاحيه
مرات الواحد يسوي شي او يقول كلمة تطلع منه بدون تفكير
بعدين يظل يتحسف عليها فترة طويلة ..!
تصير عادي
اما على طاري الصورة
والله عندي لك خوش صورة صارلي فترة ادور عليها مادري وين راحت
اذا لقيتها برسلك اياها :)
تدري...
اللي سواه أنا اشوفه قمّة في الذكاء والدبلوماسية
وقمة في سرعة البديهة...
لأن لو ما إعتذر..كان راح يصعد الموضوع...ويسويها سالفه
وممكن من كلمة يحول الموضوع الى شي كبير
وينمسك أي خطأ على صاحبك
لكن ذكاء إجابته...
خلته يبين انه انسان تافه وفاضي وياهل بعد
وهالشي في صالحه
والدليل انه توهق وماعرف
شيسوي فقام قال اعتذارك مو مقبول!
شنو يعني انك تطلب اعتذر وبعدين اتقول اعتذارك مو مقبول؟؟؟
شنو يعني؟؟ ترى مالها معنى؟؟اللي يطلب الاعتذار يعني يبي الشخص الي جدامه يفهم ان اللي سواه غلط ومو لازم يكرره
طيب اهوا اعتذر
انزين انت ماقبلت اعتذاره
فشنو لازم الحين يفهم؟؟
انه لازم يسوي اللي مو لازم يسويه!!!
يعني هالانسان مع احترامي للجميع
يتعامل بغباء!
ف.اللي اشوفه انه من الذكاء اعتذاره..وانسحابه عقب
هم لصالحه
يعني انا خذيتك على قد عقلك واعتذرت
ولحين انا مشغول وموفاضي حق يهالتك!
:)
ترى لايزعل رفيجك انا اشوفه موقف وايد قوي
ولو كنت مكانه كنت بسوي نفس الشي!
لأن الإنسان التافهه لازم الواحد يجاريه لما انشوف وين بتوصل معاه..
ومساك الله بالخير
اعتذارك منبعه طيب قلبك .. وكلمن يعمل بأصله وأنا اخوك ..
والصورة جدا جميلة ما شاء الله ..
تحياتي .. وتقديري
واي مي ... صبحج الله بالنور و الكرامه :)..اوافقج الراي ..وهذا الي انا قلت له :)
نيكون .. شرايج بالصوره ؟ ..المتكبر يعكس حالة النقص عند المتكبر
Engineer A... ما تلاحظين ان التكبر ظاهره بالكويت ؟
she is me... وجهة نظر .. لكن بهالمواقف مو دائما تسعفج سرعة البديهه
شاي الضحى..صح لسانج ..ما في مبرر لكائن من كان ان يتكبر
بوك مارك ..انا لو مو مقتنع و لو 1% من الصوره ..جان ما علقتها في المدونه :) بهالامور ما اجامل ..الله يعطيج العافيه على هالصوره الاكثر من رائعه :)
جودي ..انا حبيت اذكر هالموقف بس علشان اذكر بعقوبة هالتصرف ..التكبر ظاهره هني للاسف
حقوقي..ضروري تدورها ..محد دزلي صور :)
سلة ميوه ... تروالي لو زميلي يقرا تعليقج ..اكيد راح يرتاح :)..السوالف معاج ممتعه :)
احمد الحيدر .. تقصد اعتذار زميلي !..احمد انت تمتلك مدونه راقيه جدا جدا
اعتذر منه!!!
غلطان
هذا ما صار جذي الا لأن لقى جدامه ناس ضعاف في مواقف كثيره مما ادى الا استفحال صفة الكبر عنده
لو لاقي احد يعلمه حجمه
وان الناس سواسيه امام القانون وبالتعامل جان ما حسب مصاير الناس تحت رحمته
الله يعينه
اكو دراسات علمية سايكولوجية تقول امثال الأخ
تربى تحت سلطة ام لاعنة خيره اهو وابوه
وتصرفاته هذي نوع من التعويض عن افتقاد السلطه والقوة بالبيت
وحتى لما يتزوج
هو تربة خصبه ان زوجته تسوي فيه مثل ما سوت امه
عشان جذي يحاول يثبت لنفسه قبل الناس ان زمام الأمور دايما بيده
وان قوي ومحد يقدر يتخطى معاه خطوط اهو راسمها
الله يعنيه
صفة الكبر طلعت ابليس من الجنه
قولي أي شركة صاحبنا مستثمر فيها خل اضغط على السهم عدل وانزله القاع واخلي اسهمه اتصير طرشي :)
اخوي شوفلك بالدوانية منو مستقبلة ضايع وطرشه عليه خل ينام فيه :)
موقف المستثمر مثل ويهه ولا ما كان بدأ الحوار بكلمة (حمار)!!! ربك يتكفل فيه!
زين .. كلامج عدل .بس ما تعتقدين ان هالصفه منتشره انتشار النار في الهشيم في مجتمعنا بالذات ..و خاصه عند البنات .
بوذياب .. تصدق ..ماكو الا هالطريقه :)
مشاعرها ..ليش انتي شفيتي ويهه؟! :) ..يقولون يشبه جورج كلوني .. شتوقعين من واحد سوقي :)
إرسال تعليق