حكمة الشهر

ما ينفعك يا كويت بالعسر واللين إلا عيالك وخذي العلم مني

Sewalefyal@

صفحة الفيس بوك

عدد الزوار (Unique)

من نحن ؟

نبش في المدونة !!

قائمة المدونات الإلكترونية

Followers

اكيد مرت عليكم حزمه من المشاعر البغيضه مثل

حاس بضيجه و متكدر

شوية خنقه .. جنه واحد كاتم على انفاسك .

شايل هم ..و الدنيا سوده جدامك

تييلك تعليقات من نوع

شفيك مخنجر

اليوم عاقد النونه

حدك مخندر

ها ويهك اصفر كركمي ..عسى ماشر ..مريض ؟

تكتشف ان ما عندك جواب ...عدوى التساؤل تحوشك

شفيني اليوم مغلق " بتشديد الغين " و حالتي حاله

ما تلقى جواب

اهني لازم تتعوذ من الشيطان ..و عقبه تفز من مكانك ...تروح تغسل ويهك بماي بارد ...تتيدد ..تصلي ركعتين ..تقرا ما تيسر لك من القرأن

تلقى نفسك تغيرت 180 درجه ... روحك هدت .. الطمأنينه رجعت واضحه على ملامحك

تكتشف بعدها ان حايشك حارج من البيديان الي كليته امس ..و كان هذا سبب الضيجه :)



15 التعليقات:

..pen seldom يقول...

وأحيانا كثيرة ..

لا يكون فيك شيء .. لكن تعب بسيط , قد سبب أرهاق في ملامحك .. أو تذكرك لموقف سابق ضايقك قليلاً حينما تذكرته ..

ولكن حينما تكثر التساؤلات والنظر حولك
وكأن بك " أعظم المصائب " ..

تصاب بالهم فعلاً ..!!

...

ان شاء الله دوم سبب الضيقة من " اللي أكلته "

ولايكون هم أو حزن يطقى على القلب ..

:)

تحياتي ..

الزين يقول...

ههههههههههههههههههههههههههههههههههه

ههههههههههههه

قول لي سامي
البيديان اييب الضيجه

!!

الله يسعدك ضحكتني
وبما اني من محبين البيديان بكل اطباقه
فالظاهر الضيجه المتواصلة اللي معاي الظاهر منه

شرايك نسوي حمله على البيديان ونمنع بيعه الا بتصريح
خوفا على امزجة الناس المساكين اللي مجبورين يقضون الصيف بهالحر

يازين سوالفك ياسامي
عسى ربي يحفظك

الزين يقول...

سوري بس بجواب على ردك علي بالبوست اللي فات هني
بعد اذنك يالشيخ

بالنسبه للبنات فالوضع مختلف
وطبعا ما اعمم
البنت ساعات تكون متحفظه بزيادة شويه عشان تحط خطوط حمره للطرف الآخر عشان لا يتعدى حدوده معاها
مو بالضرورة السالفة تكون كبر او غرور
لأنك لو عرفتها عن قرب راح تتفاجأ ببساطتها

مجتمعنا وايد يحكم على البنت
وبما انها الطرف الأضعف في مجتمع ذكوري بحت
فهي ملزمه ان يكون عندها نمط معين من السلوكيات عشان تحمي نفسها من اي شي ممكن يجرحها

انا معاك ان فينا من الكبر شويه
حتى على بعضنا البعض
بس ما نعمم

على العموم الكبر صفه كريهه الله يبعدنا عنها
لأن جمال الأمور بتلقائيتها وبساطتها
وجمال الإنسان بسماحته وتقبله للآخرين

شكرا لك يا سامي

why me يقول...

يا حلو هالبوست

ان دل يدل على خفة دمك يا سامي


ومن ناحيه قراأة القرآن .. ف هي عظيمه جدا في تغيير النفسيه




إسأل مجربه

:)

ومسائك فل

BookMark يقول...

يعني
معًا .. نحو مائدة خالية من البيديان؟

:)

panadool يقول...

الزميل الغالي سامي



البيديان مسكين ماله ذنب

ماتتصور أشكثر أحبه
(:


موضوع ضيقة الخلق وتعكير المزاج أنا شخصيا أعاني من هالشيئ وايد وبدون سبب ... لابيديان ولاغيره
من الله تييني الحاله
يمكن لأني مزاجي الى حد كبير

بس هذي نصايح من أخوك بندول
أول شيئ ذكر الله لأن بذكره تطمئن القلوب

ثاني شيئ المشي , مزاجك وهرمونات جسمك وأعصابك كلها تتغير
وأدري الجو حار فمالك إلا المشي ليلا وأقترح عليك ممشا المركز العلمى وايد خوش

ثالث شيئ
الهواية أو سو الشيئ اللى تحبة
فلم تسوق أكل اللى هو علشان تغطي على المزاج المتعكر


أشرب سجاير تري يعدل الأعصاب مع المزاج
((:

والقهوة التركية تري خوووش


وشقولك بعد
الروتين والجو بالصيف والبيديان من أسباب الكدر والضيقة


تحياتى ياحلو

الجودي يقول...

ظلمت البيديان أنا أحبه عاد
بس ترى صج اصحاب المعدة الخفيفه ما يتحملونه من صغار السن و المسنين ...

أما اعلاج الغلقة إلي اقترحته صج صج عجيب ومجرب ماكو على كلام رب العالمين

تحياتي

AM.SA.CHANNEL يقول...

يزاك الله خير ..

و أنا الصراحة من أحرج كل أقول اعوذ بالله من الشيطان الرجيم و أتم أتنفس و أستغفر دقاااااايق و أهدا و حتى ساعات أقوول شحقى محرجه السالفة ما تسوى .. !!

Sami يقول...

pen seldom...لو ركزنا شوي لكتشفنا ان 60% من همومنا تتعلق بامور تافهه و صغيره ..الله يبعدنا و اياكم عن الهموم و الكدر .

الزين ...لوووووول ...الزين انتي عندج اختيارات وايد في ما يتعلق بالاكل ..اما انا النباتي اختياراتي محدوده ..يعني ما لي مفر من البيديان ...حيتاكل يعني حيتاكل .
اما بالنسبه لجوابج على سؤالي ..اشوف ان وجعت نظرج صحيحه 100% ;)

واي مي ..مشكوره على اطرائج و على روحج الحلوه ..القرأن له مفعول السحر على النفس :)

بوك مارك ...لوووول ..بالنسبه لي صعبه كوني نباتي ..مع هذا راح اكرر مقولتج .. معًا .. نحو مائدة خالية من البيديان


بنادول...انا قاعد اقرا تعليقك و انا ارتشف القهوه التركيه ..الابتسامه تارسه ويهي ..مشكرو على هالنصايح القيمه :)

الجودي ...ما توقعت ان البيديان يحتل مكانه كبيره في قلوبكم :)

AM.SA.CHANNEL ...صاجه ..نسيت لا اذكر النفس العميق ..فعلا وايد يفيد :)

q8-lawyer يقول...

صاج ركعتين لربك بآخر الليل مع دمعتين تروح هالضيجه عنك وربي يشرح صدرك


واعليه مسكينه هالبيديانه ؛)

Sami يقول...

لوير ...مفروض أنا اكسر خاطركم ..مو البيديان :(

خااالف تعرف يقول...

العزيز سامي

قواك الله بوست حلو وسوالفك ماتنمل

والركعتين علاج لكل هم
اسألني
كل ماقفلت معاي ماده وارتفعت درجه التناحه!!!

حقوقي يقول...

لووووووووووووول
اهم شي البيديان اللي امس

:)

Sami يقول...

خالف تعرف ..اهلا و سهلا :) و شكرًا على الاطراء

حقوقي..ها شلون الاجازه :)

Unique Girl يقول...

اي والله وانت الصاج لازم نصلي ركعتين ونهدي واخرتها راح نعرف من شنو

تقبل مروري