حكمة الشهر

ما ينفعك يا كويت بالعسر واللين إلا عيالك وخذي العلم مني

Sewalefyal@

صفحة الفيس بوك

عدد الزوار (Unique)

من نحن ؟

نبش في المدونة !!

قائمة المدونات الإلكترونية

Followers


إضافة صورة
مسلم: «ناصر المحمد رجل المرحلة. صفقوا لي»
صدقوه وصفقوا
مسلم: «يسقط ناصر المحمد. صفقوا لي»
صدقوه وصفقوا
مسلم: «من يفكر مجرد تفكير في حل مجلس الأمة يجب أن يحبس. صفقوا لي»
صدقوه وصفقوا
مسلم: «لابد من حل مجلس الأمة وإسقاط المنبطحين من نواب. صفقوا لي»
صدقوه وصفقوا
مسلم: «إلا الدستور. صفقوا لي»
صدقوه وصفقوا
مسلم: «لابد من تغيير مواد في الدستور صفقوا لي»
صدقوه وصفقوا…!!!
الشرهة مو على مسلم الذي تعكس تصريحاته حالة انفصام سياسية، ولكن الشرهة على (الـ……) التي تصدق كل ما يدعيه.

نبيل الفضل

اعترف نبيل لسانه متبري منه و مرات يخوره ..لكن و الحق يقال نبيل اكثر واحد قادر يوقف بويه هالاشاكل واشباههم و يعريهم لنا

رأيي بلي قاعد يصير ... انا لا اثق في حكومه يديرها ناصر المحمد ..و لا اقبل ان اكون ضمن معارضه يقودها مسلم و طاحوسه .. الطبطبائي و رميته

ضحوك بنوان البنوان

الرابط

صالح النصرالله

تصريحات بعض نواب الحكومه ضد د هلال الساير و تلويحهم بالاستجواب المشبوه ذكرني بقصيدة الشاعر صالح النصرالله اللي تقول

يا كويت بالمرة علي لا تعتبين

لاني بمنك ولا نتي يا كويت مني

ماني ولدك اللي بالأول تخبرين

لانتي بأمي اللي عليه تحني

من يوم فضلت علينا البعيدين

صرتي عذاري بان منك التجني

عيالك طردتينا وحنا المودين

وخذتي عيال غيرنا بالتبني

ناس ارغدوا وأثروا وهم مستريحين ولي اشتقوا ما حصلوا إلا الهبني

يوم السفر والغوص وبيوتك الطين روحي اسألي الهيرات يا كويت عني

تعطيك عنا العلم وتخبرك زين

وتذكر لك أيام لنا قد مضني

بين السفر والغوص راحت لنا سنين

يشتان منها القلب ويهبلني

تقطع غبيب تدهر كالبراكين

عقل الذليل يكون فيها يجني

ونصارع أمواج البحر مستميتين

أبدا فلا نرتاح أو نرجهني

كله لعينك بس أبغيك ترضين

ندعي العمار الغالية يرخصني

يوم صفا جنبك وزرعك غدا زين والخضر هلا والعجاف ادبرني

حنا غدينا من جباك محرومين

واللاش بارضك دالهن ومتهمني

ما ينفعك يا كويت بالعسر واللين

إلا عيالك وخذي العلم مني

هم عزوتك وهما غناتك عن الدين وهما الذرى لين الليالي اظلمني

وللا الغريب لو جاد وياك الحين

عليه ما يبرح يدور التجني

يبدي البشاشة ويظهر العطف واللين ومن تحت ثوبه خنجر لك يسني

بس ينطرك تبغين تطيحين

حتى يغرسه وخذي العلم مني