Sewalefyal@
صفحة الفيس بوك
عدد الزوار (Unique)
قائمة المدونات الإلكترونية
-
بِك يا الله ..قبل 3 أسابيع
-
مرحلة بلا طعمقبل 10 أشهر
-
طوفان الأقصى ثورة عالميةقبل 11 شهرًا
-
التمسك بالأملقبل عام واحد
-
-
-
-
-
إلى أين أنت ذاهب يا "شيخ "بالله عليكقبل 5 أعوام
-
-
-
-
-
رسايل لـ مي عز الدينقبل 6 أعوام
-
رمضان طب علينا، من العطش ياويلناقبل 7 أعوام
-
-
السكوت علامة الرضاقبل 7 أعوام
-
سلمان الفاتح!قبل 7 أعوام
-
المشاركة والمقاطعة.. وجماعات المعارضة.قبل 8 أعوام
-
وقد بَطُلَ العجب... !!قبل 8 أعوام
-
-
زائر الليل ..قبل 8 أعوام
-
باص الحكومة و قطار القطاع النفطيقبل 8 أعوام
-
كاريكاتير مابعد أسعار النفطقبل 8 أعوام
-
صديقي... الشيخقبل 9 أعوام
الاثنين, يوليو 05, 2010 | 
مرسلة بواسطة
Sami
طول عمري ما كان عندي هاجس انهاء معامله حكوميه
لكن في الاونه الاخيره اضطريت اني ادخل الوزاره لانهاء بعض معاملات الشركه التي اعمل بها
تجربه اليمه و كابوس ما تتمنى حتى عدوك يختبرها
على الرغم المعاناة و المواقف السخيفه الي تتعرض لها , الا ان هذا الامر لا يخلوا من الاستفاده و معرفة الثغرات المهمه لانجاز اي معامله حكوميه
حبيت اني انقل لكم نجربتي مع الوزاره و النصايح الي تلقيتها من المتمرسين في هذا المجال
على بركة الله نبدء
عندكم ثلاث انواع من الموظفين ...موظف عيمي و موظف بدوي و موظف حضري
بس تدخل على مكتب الموظف العيمي ..راح تشوف ويه بشوش و مبتسم
و هني لا تستبشر خير بهالبشاشه و الانشكاح ..لان موضوعك يحتاج الى ابعد من جذي
مصطلحاتك لازم اتغير ..و تكون من نوع " شلونك ولد عمي " او " الله يرحملي والديك "
اذا قدملك اي عصير او شربت لازم تشربه ..بعدين بناته يبورون ..جذي يعتقدون !!
و اذا حسيته عصقل معاك .. بهالحاله لازم تلجأ لجذبه بيضه ..و تباغته " انا جني شايفك بحسينية .." وهني تكون ضمنت التوقيع
مبروك انهاء المعامله
بس تدخل على الموظف البدوي ..لازم تلقى عنده واحد ملتحي متبتب يسولف معاه
و راح تشوف على طاوله جانبيه دلة قهوه عربيه و صحن ارطب او تمر ..الحبيب مفسفس راتبه كله على القهوه و التمر ...اخدم نفسك و دش بالموضوع
لازم تدخل معاه من منطلق قبيلتك و لازم تدور اي رابطة نسب ..راح تلقى لا تحاتي
اما اذا كنت ما تنتسب لقبيله فالله يعينك ..الحل الوحيد انك تنخاه ..الموظف البدوي شوي عاطفي ممكن تكسر خاطره
الموظف البدوي يحب المصطلحات من نوع " طال عمرك " , " طويل العمر " , " ابشر " , " يسلم راسك ". "سم"
مبروك انهاء معاملتك
اول ما تدخل على الموظف الحضري راح تشوف واحد سكبه قاعد يعابل بالاي بود ...ماسك الاي فون يكلم امه " يمه شنو غدانا اليوم ...ذبحتونا كل سمج ..سمج ...من زمان على المجبوس دياي "
بعد ما ينهي مكالمته ..عرف عن نفسك ..راح تلقى ان ثلاث ارباع طوايفك يصيرون له ..بس لا تستانس هذا مو مبرر عنده علشان يمشي معاملتك ..مسرع ما يدقرك بجمله .."روح اختم المعامله و وقعها من بوسالم و بعدها روح الاداره القانونيه يصدقونها ..بعدين عطها السكرتاريا يسجلونها "وارد" ..عقبها يا محفوظ السلامه لازم تروح جنوب السره ..توقعها من وكيل الوزاره ..بعدها انزل عطلها طابع ..و بعدين تصعد الدور الثالث عند التكاليف تدفع الي عليك ..و تيب لي وصل بالتكاليف و براءة ذمه و اعتماد توقيع ..و يصير خير انشاءالله"
مبروك مقدما انهاء معاملتك بعد ثلاث اشهر
19 التعليقات:
صباح الخير
بعد هذي اللي ماشي الحين
بس انا عجبني الموظف الحضري
;pp
أووووف ذكرتني بالمعاملات!!!
ابي أفهم شي واحد...ليش يحبون يشحططون الناس؟؟
ترى حتى عندنا بالمستشفى!!
وايد paper work
يعني أحس مامار عليهم شي اسمه تكنلوجيا!!! و كمبيوتر
وفك عمرك...
شخباري الأاختام والتواقيع!!!
قطيعه ..والله لا يقول اتكون رايح وتبي شي بنفس اليوم...
كلمن يقولك بصوت واطي
حامض على بوزك!!!!
:)
صبحك الله بالخير
** صباح الورد :
- والله ضحكتني و الحضري اذا ماقعدت تشرحله مأساتك و اهو قاعد يعلق بالفيس بوووك و لا مسنجر و ماله خلق يسمع اصلا
واااو عجيب البوست
يبتهااا
مع اني والا مرة جربت اسوي معاملة
p;
شر البلية ما يضحك
كله بصوب والملتحي المتبتب بصوب
تعال ليش المتبتبين عندهم خفة طينة ودم؟
:)
سامي نسيت تحط الموظفات
ترا فلم بروحهم والله لوووول
البدوية فيلم بروحها والحضرية فيلم وحتى العيمية
انا اطالب ببوست خاص عن الموظفات p:
I second le koweit
naby post 3an al mowthafat
هههههههه
قاعده اتخيل الاشكال
اي اي نبي عن الموظفات :q
حرام عليك حصرتهم في هالفئة المريضة
مسااااالخيرات :)
عاد وزاراتنا يموتون على الروتين إلي يعطل الشغل ما أدري متى بتطورون حرام عليهم تعطيل مصالح الناس
عيل أتوقع إذا صارت معاملتك عند موظف مصري بالوزاره أحسن من الكويتي
وهم المصري يبيلك تضبطه بس أتوقع أسهل من تضبيط الموظف الكويتي؛p
أنا أحتج
(:
شكو الحسينيه بالموضوع
(:
عجيب البوست الصراحه
تسلم إيدك
سوالفك توسع الصدر على هالاهوب اللي بره
تحياتى يالخوش
هههههههههههههههههه حلوه الصــراحة، و عن البدوي بس قوله من العايلة و إذا من العوايل المحببه له تنتهي المعاملة في أسرع وقت ..
'
و الله يا سامي الموظفين الحكوميين بجميع طوائفهم و انتمائتهم صايرين دعلة
مرات الومهم و مرات الوم نفسي
ممم
مو كلهم ناس وناس بس الحضري ما أدري ليش جذي صج وايد يعكضون شغل الأوادم لووول وبعد مو كلهم
بس عندنا مو جذي بالعكس نركض وراهم نبي نخلص شغلهم علشان اتعرف إحنا إشلون حريصين على راحت المراجعين p;
هاهاها
جبتها ياولد جبتها
وشبلاك يا رجال على بديوك
عاد تبي الصج سامي .. ما يمشي شغلك الا البدوي
الحضري قانوني زيادة على اللزوم
.. والعيمي غالبا ما يمشي الا ربعه ( مو كل طبعا)
هممممممم طبعا هذي قلة قليلة
لان اصابعك مو سوا << هذا اللي راح الكل يقولة ..
انزين يعني في ناس تقول والله ما اقدر امشيك الا لما تخلص الاجراءات ..!؟ حلو .. انزين ليش ماخليت جماعتك يسون هالاجراءات ..
انزين هالشي نقول هذولا ناس مرضى او عنصريين ..
في موضوع بشطح شوي دام يبتها ع طاري اللوية اللي تصير للمواطن عشان يخليص معاملته .. اهو اللي باط جبد جبدي .. الطابع .. اوكي تبون احط طابع ..
حطو لكم بكل وزارة كبينة مو تحطونها واخر شي فاضية ..
وتقولك روح للمكان لفلاني لعل وعسى تلقى ..
يبة اهو بربع .. بنص .. بدينار .. خلني ادفع للموضف ويحط من عندة الطابع ..
يعني اموووت واعرف ليش يحبون يخلون المواطن يهلك
أتذكر رحت مرة وزارة (ماراح أذكر أسمها عن الفضايح) لتصديق معاملة. دخلت غرفة فيها ثلاث موظفين قاعدين حول طاولة. أخذ اواحد منهم المعاملة وعباها، عطاها الثاني ليختمها وسلمها للثالث ليوقعها.
يوم سألتهم: العمل هذا مايقدر يقوم فيه واحد منكم؟ طردوني.
إرسال تعليق