حكمة الشهر

ما ينفعك يا كويت بالعسر واللين إلا عيالك وخذي العلم مني

Sewalefyal@

صفحة الفيس بوك

عدد الزوار (Unique)

من نحن ؟

نبش في المدونة !!

قائمة المدونات الإلكترونية

Followers






رمضان حار ياي على الابواب

تكفون ثم تكفون ثم تكفون

لا تخلصون الفيمتو

انا طول السنه ناسيه و ما ادري عن هوا داره

اتنسه فيه بس برمضان ..فعن النحاسه و شفاحه

الحاضر يبلغ الغايب

لازم بهالمناسبه كلنا نتكاتف و نتعاون مع بعض علشان يعدي هذا الشهر على خير

يعني شنو ؟

خوش سؤال

تبوز ...ما نبي

طناقر عبيد ..بدارك بروحك

تجنبوا سوالف من نوع ..شنو اليوم فطوركم او والله اليوم فطورنا

الي وده يعتكف بالمسيد , خله يعتكف ما عندي مانع , و لكن هذا مو معناتها انا ما ياخذ شور يومي

مو حلوه اندش المسيد مصبوغ بريحة اعطنتكم

و مو حلوه بعد سجاد المسيد متروس بقع شوربة عدس و مرقة لحم

و لا انا غلطان

الكلام الي بقوله الحين موجه لربات البيوت

عليكم مسؤولية منع طبابيخكم من دخول المسيد

و الا راح تحملون ذنب عدم خشوعنا بالصلاة

من يقدر يخشع و ريحة باجي كبه او خبز عروق تكفخ خشمه و عادة ما تكون مخلوطه مع ريحة العرق



و سلامتكم

كل رمضان و انتم بخير


صورة الاسبوع هذا و الاسبوع الياي من نصيب المدون المبدع لوكويت

14 التعليقات:

le Koweit يقول...

لووووووول
عاد الريحة اوووف
خصوصا صلاة المغرب
توهم شايلين الاكل
والله جنك داش مطعم هندي من الريحة :/


بس تعال
تقول اهل الجهراء لا تصلون بمساجدنا
وين مساجدكم p:
وليش اهل الجهرا يصلون فيها شنو المميز فيها؟


والحمدلله ان الصورة عجبتك :)

Shaikha يقول...

شوربة دعس ؟
ترىVIMTO
P;

Sami يقول...

لوكويت ...بيني و بينك فكرت فيها ..فلت اشيلها احسن ..خاصة ان لنا معارف وايد بالجهرا ..ما يسوا انطق :)

شيخه ..ازيدج من الشعر بيت ..كتبت المسؤولبه ..بس انتي ما لجحتيها :)

جاكليته يقول...

كلامك عدل .. وميه ميه
بس هم لازم ترحم البعض ... يعني بالشهر هذا تلاقي الكل يتسابق على الصلاه والمسجد .. الكل ودخ ياخذ أجر ... فاغفل عن البعض .. وتاخذ اجر اكثر ..
وان شاءالله البعض اللي ريحتهم استغفر الله .. ينتبهون على عمرهم وينظفون أجسامهم رحمة بغيرهم .

يعطيك العافيه ..وكل رمضان وانت تشم ريحة الناس حلوة .. وماتشوف بقعه الشوربات على الزوليه :))

سلة ميوّة يقول...

ابي اصور واحط صوري معاكم وتختارونها صورت الاسبوع :)
اشلون:)؟؟؟؟

وانت بخير وصحة وسلامة يارب

مساك الله بالخير...

اخوي الله يسامحك نسيتنا...

نسيت اتوصيهم علينا احنا يالدكاتره

لا يوون المرضى ويفشون خلئهم فينا
جنهم صيام واحنا فاطرين:)

ونسيت اتوصي الناس الي بالشوارع
عن العيله حزت الفطور جنه سفرة الفطور بطير


و ربي يبلغنا واياكم رمضان

خوش بوست
ودّي

الزين يقول...

نسيت تذكر اللي اييبون عيالهم يحوسون بين المصلين طول الصلاة
وكل ساعة ياهل كافخك او طايح عليك
والياهل اللي كل ما وقفت امه صاح
وكل ما سجدت سكت
وهذا بصوب واللي ياييبه خداماتها وياها عشان يجابلون اليهال واهي تصلي
والخوات يقعدون باخر الصف ياكلون بفك وعصير مع اليهال
اي خشوع قول لي
!!

واللي منتشله والكحه هالكتها
ليش يايه بعرف
عشان الأجر
انتي تستاجرين وتعدين اللوادم
حتى الله ما يرضى
!!

اصلا الحريم بكبرهم مالهم داعي يروحون المسجد
صلاتهم في بيتهم آجر لهم

هي سنه وحده رحت المسجد برمضان
وحرمت بعدها
يازين صلاتي في داري بهدوئي وخشوعي
ومناجاتي لرب العالمين واختلائي بنفسي مع الله فقط

:)

على العموم انا اصلا ما احب الأماكن المزحومه
فما عليكم مني

سلام

ميمة السبيت يقول...

** استغفرالله شهاللوعة من الصبح الله يهداك اووقف عند باب المسيد عشان الهوى

و الله مادري شتحبون بهالفيمتو استغفرالله حق الحارج

غير معرف يقول...

بارك الله فيكم استحملو
عفية على شبابنا والله اللي يصلون بالمسيد
:)
استانست ان شاء الله دوم ما تقطعون صلاة المسيد
عادي أجر استحملوا الريحة علشان تنسد نفسكم عن الاكل
ريجيم طبيعي

الحياة حلم يقول...

الزين انا اوافقج الصراحة
احب اصلي بالبيت امسك مصحفي و اصلي
و ادعي على كيف كيفي
بس المشكلة الناس يبطون جبدي لما يسئلون
ما تروحيييين الجيااام!!!
يعني انا بصلي علشان يشوفون اهم و لا علشان نفسي
يغثون والله ويخلوني اضطر اقول لا انا اصلي بالبيت
وانا ماودي اقول ودي الشي يكون بيني و بين ربي
اخاف يصير رياء
و لا حتى لما يسئلونج قاعدة تقرين قرآن؟؟
ياربي فجو لا تحرموني الأجر كل واحد قاعد يتفاخر انة قرا و صلى
و انا ساكتة بين ناريين بين انة يصير شكلي جني يهودية بينهم
وبين اني ادش بالرياء و العياذ بالله

BookMark يقول...

هذا الإزعاج يكاد لا يخلو من مسجد ومصلى،
الله يهديهم بس

ولا تحاتي اذا خلص الفيمتو نتنقص لكم بطلين مهياوة،
بس ديربالك تتسحر فيها ترى تعطش دبلات :)

حلوة الصورة

الزين يقول...

اسمح لي يا سامي بفتح قناة حديث مع الحياة حلم عندك
امون صح
!!

الحياة حلم
وانتي الصاجه
يااازين الصلاة بالبيت
الخشوع فيها عجيب
والتسبيح على راحتج
والدعاء على راحتج
ولا احد يعطيج كوع كل ما سجد
ولا داس على ريولج كل ما وقف
ولا كح واتشو
ولا واق وويق
وانا بيني وبينج ما تعجبني الهلاقة وقلة السنع
وقلبي حار وممكن انزر
فما يسوى علي
ضاع الأجر كله

واللي يسئلج وين تصلين قولي بارض الله الواسعه
مابين الله وبينا حجاب ولا نحتاج مسجد عشان سبحانه يتقبل منه
واذا قالوا لج آجر لج
قولي المره آجر لها الصلاة في بيتها

وعلى القرآن عمرج لا تقولين وين واصله
لووووول
ادري نحيسه
بس ما اعلم
والختمه مو لهم عشان نماري فيها
الختمه لرب العباد هو بس سبحانه اللي يعلم
الباجي بالطوفه
:)

وحيا الله الحياة حلم
ومشكووور يا سامي

q8-lawyer يقول...

هههههههههههه بوست عجيب :-)

أحلى شي رمضان حار ياي على الأبواب

الله يكون بعونه شلون عقب سنتين
بكون أحر من جذي شراح نقول!!!

وانا نفسك ناسيه الفيمتو طول السنه
ماعدا برمضان وشوال إذا صمنه الست

ولا تنسى أعصاب الناس إلي تسوق
الصبح والظهر حزة طلعة الدوامات
ياااااالهوي شدعوه سووا كنترول مو لهدرجه

الجودي يقول...

خليتني أحاتي رمضان السنه

بس إن شاء الله سهالات ..

دوام وحر و جباريت الله المستعان

ربي يبلغك الشهر و يرزقك أجره إن شاء الله

Sami يقول...

جاكليته ...شكرا جزيلا :)

سلة ميوه ..هذي الساعه المباركه ..دزيهم على ايميلي :)

الزين ...ما ابي اخرب سوالفكم انتي و الحياة حلم :)))

ميمة السبت ...لووول ما اواطنه ..بس برمضان تهف نفسي فيه

غير معرف ...لوول شكرا عمو

الحياة حلم ...انا عطيني ويه :))

بوك مارك ...اعوذ بالله ..ما اعتقد انتي تسوين مهياوه :))

لوير ...صورتج فازت :)) الله يعطيج العافيه

الجودي ..اجمعين يارب :)