حكمة الشهر

ما ينفعك يا كويت بالعسر واللين إلا عيالك وخذي العلم مني

Sewalefyal@

صفحة الفيس بوك


عدد الزوار (Unique)

من نحن ؟

نبش في المدونة !!

قائمة المدونات الإلكترونية

Followers


طول عمري ما كان عندي هاجس انهاء معامله حكوميه

لكن في الاونه الاخيره اضطريت اني ادخل الوزاره لانهاء بعض معاملات الشركه التي اعمل بها

تجربه اليمه و كابوس ما تتمنى حتى عدوك يختبرها

على الرغم المعاناة و المواقف السخيفه الي تتعرض لها , الا ان هذا الامر لا يخلوا من الاستفاده و معرفة الثغرات المهمه لانجاز اي معامله حكوميه

حبيت اني انقل لكم نجربتي مع الوزاره و النصايح الي تلقيتها من المتمرسين في هذا المجال

على بركة الله نبدء

عندكم ثلاث انواع من الموظفين ...موظف عيمي و موظف بدوي و موظف حضري


الموظف العيمي


بس تدخل على مكتب الموظف العيمي ..راح تشوف ويه بشوش و مبتسم

و هني لا تستبشر خير بهالبشاشه و الانشكاح ..لان موضوعك يحتاج الى ابعد من جذي

مصطلحاتك لازم اتغير ..و تكون من نوع " شلونك ولد عمي " او " الله يرحملي والديك "

اذا قدملك اي عصير او شربت لازم تشربه ..بعدين بناته يبورون ..جذي يعتقدون !!

و اذا حسيته عصقل معاك .. بهالحاله لازم تلجأ لجذبه بيضه ..و تباغته " انا جني شايفك بحسينية .." وهني تكون ضمنت التوقيع

مبروك انهاء المعامله


الموظف البدوي


بس تدخل على الموظف البدوي ..لازم تلقى عنده واحد ملتحي متبتب يسولف معاه

و راح تشوف على طاوله جانبيه دلة قهوه عربيه و صحن ارطب او تمر ..الحبيب مفسفس راتبه كله على القهوه و التمر ...اخدم نفسك و دش بالموضوع

لازم تدخل معاه من منطلق قبيلتك و لازم تدور اي رابطة نسب ..راح تلقى لا تحاتي

اما اذا كنت ما تنتسب لقبيله فالله يعينك ..الحل الوحيد انك تنخاه ..الموظف البدوي شوي عاطفي ممكن تكسر خاطره

الموظف البدوي يحب المصطلحات من نوع " طال عمرك " , " طويل العمر " , " ابشر " , " يسلم راسك ". "سم"

مبروك انهاء معاملتك


الموظف الحضري


اول ما تدخل على الموظف الحضري راح تشوف واحد سكبه قاعد يعابل بالاي بود ...ماسك الاي فون يكلم امه " يمه شنو غدانا اليوم ...ذبحتونا كل سمج ..سمج ...من زمان على المجبوس دياي "

بعد ما ينهي مكالمته ..عرف عن نفسك ..راح تلقى ان ثلاث ارباع طوايفك يصيرون له ..بس لا تستانس هذا مو مبرر عنده علشان يمشي معاملتك ..مسرع ما يدقرك بجمله .."روح اختم المعامله و وقعها من بوسالم و بعدها روح الاداره القانونيه يصدقونها ..بعدين عطها السكرتاريا يسجلونها "وارد" ..عقبها يا محفوظ السلامه لازم تروح جنوب السره ..توقعها من وكيل الوزاره ..بعدها انزل عطلها طابع ..و بعدين تصعد الدور الثالث عند التكاليف تدفع الي عليك ..و تيب لي وصل بالتكاليف و براءة ذمه و اعتماد توقيع ..و يصير خير انشاءالله"

مبروك مقدما انهاء معاملتك بعد ثلاث اشهر

19 التعليقات:

why me يقول...

صباح الخير


بعد هذي اللي ماشي الحين

بس انا عجبني الموظف الحضري


;pp

سلة ميوّة يقول...

أووووف ذكرتني بالمعاملات!!!

ابي أفهم شي واحد...ليش يحبون يشحططون الناس؟؟
ترى حتى عندنا بالمستشفى!!
وايد paper work

يعني أحس مامار عليهم شي اسمه تكنلوجيا!!! و كمبيوتر
وفك عمرك...

شخباري الأاختام والتواقيع!!!


قطيعه ..والله لا يقول اتكون رايح وتبي شي بنفس اليوم...


كلمن يقولك بصوت واطي
حامض على بوزك!!!!


:)

صبحك الله بالخير

ميمة السبيت يقول...

** صباح الورد :

- والله ضحكتني و الحضري اذا ماقعدت تشرحله مأساتك و اهو قاعد يعلق بالفيس بوووك و لا مسنجر و ماله خلق يسمع اصلا

aL-NooR . يقول...

واااو عجيب البوست
يبتهااا
مع اني والا مرة جربت اسوي معاملة
p;

Zaid يقول...

شر البلية ما يضحك

BookMark يقول...

كله بصوب والملتحي المتبتب بصوب

تعال ليش المتبتبين عندهم خفة طينة ودم؟
:)

le Koweit يقول...

سامي نسيت تحط الموظفات
ترا فلم بروحهم والله لوووول
البدوية فيلم بروحها والحضرية فيلم وحتى العيمية
انا اطالب ببوست خاص عن الموظفات p:

الزين يقول...

I second le koweit

naby post 3an al mowthafat

شاي الضحى يقول...

هههههههه

قاعده اتخيل الاشكال

اي اي نبي عن الموظفات :q

الدســتور يقول...

حرام عليك حصرتهم في هالفئة المريضة

غير معرف يقول...

مسااااالخيرات :)

عاد وزاراتنا يموتون على الروتين إلي يعطل الشغل ما أدري متى بتطورون حرام عليهم تعطيل مصالح الناس

عيل أتوقع إذا صارت معاملتك عند موظف مصري بالوزاره أحسن من الكويتي

وهم المصري يبيلك تضبطه بس أتوقع أسهل من تضبيط الموظف الكويتي؛p

panadool يقول...

أنا أحتج
(:

شكو الحسينيه بالموضوع

(:

عجيب البوست الصراحه

تسلم إيدك
سوالفك توسع الصدر على هالاهوب اللي بره

تحياتى يالخوش

AM.SA.CHANNEL يقول...

هههههههههههههههههه حلوه الصــراحة، و عن البدوي بس قوله من العايلة و إذا من العوايل المحببه له تنتهي المعاملة في أسرع وقت ..

غير معرف يقول...

'

enter-q8 يقول...

و الله يا سامي الموظفين الحكوميين بجميع طوائفهم و انتمائتهم صايرين دعلة
مرات الومهم و مرات الوم نفسي

الجودي يقول...

ممم

مو كلهم ناس وناس بس الحضري ما أدري ليش جذي صج وايد يعكضون شغل الأوادم لووول وبعد مو كلهم

بس عندنا مو جذي بالعكس نركض وراهم نبي نخلص شغلهم علشان اتعرف إحنا إشلون حريصين على راحت المراجعين p;

Rami يقول...

هاهاها
جبتها ياولد جبتها
وشبلاك يا رجال على بديوك
عاد تبي الصج سامي .. ما يمشي شغلك الا البدوي
الحضري قانوني زيادة على اللزوم
.. والعيمي غالبا ما يمشي الا ربعه ( مو كل طبعا)

نـ(المطيري)ـازكـ يقول...

هممممممم طبعا هذي قلة قليلة

لان اصابعك مو سوا << هذا اللي راح الكل يقولة ..

انزين يعني في ناس تقول والله ما اقدر امشيك الا لما تخلص الاجراءات ..!؟ حلو .. انزين ليش ماخليت جماعتك يسون هالاجراءات ..

انزين هالشي نقول هذولا ناس مرضى او عنصريين ..


في موضوع بشطح شوي دام يبتها ع طاري اللوية اللي تصير للمواطن عشان يخليص معاملته .. اهو اللي باط جبد جبدي .. الطابع .. اوكي تبون احط طابع ..

حطو لكم بكل وزارة كبينة مو تحطونها واخر شي فاضية ..

وتقولك روح للمكان لفلاني لعل وعسى تلقى ..

يبة اهو بربع .. بنص .. بدينار .. خلني ادفع للموضف ويحط من عندة الطابع ..

يعني اموووت واعرف ليش يحبون يخلون المواطن يهلك

basees@bloggspot.com يقول...

أتذكر رحت مرة وزارة (ماراح أذكر أسمها عن الفضايح) لتصديق معاملة. دخلت غرفة فيها ثلاث موظفين قاعدين حول طاولة. أخذ اواحد منهم المعاملة وعباها، عطاها الثاني ليختمها وسلمها للثالث ليوقعها.

يوم سألتهم: العمل هذا مايقدر يقوم فيه واحد منكم؟ طردوني.