Sewalefyal@
صفحة الفيس بوك
عدد الزوار (Unique)
قائمة المدونات الإلكترونية
-
بِك يا الله ..قبل 3 أسابيع
-
مرحلة بلا طعمقبل 10 أشهر
-
طوفان الأقصى ثورة عالميةقبل 11 شهرًا
-
التمسك بالأملقبل عام واحد
-
-
-
-
-
إلى أين أنت ذاهب يا "شيخ "بالله عليكقبل 5 أعوام
-
-
-
-
-
رسايل لـ مي عز الدينقبل 6 أعوام
-
رمضان طب علينا، من العطش ياويلناقبل 7 أعوام
-
-
السكوت علامة الرضاقبل 7 أعوام
-
سلمان الفاتح!قبل 7 أعوام
-
المشاركة والمقاطعة.. وجماعات المعارضة.قبل 8 أعوام
-
وقد بَطُلَ العجب... !!قبل 8 أعوام
-
-
زائر الليل ..قبل 8 أعوام
-
باص الحكومة و قطار القطاع النفطيقبل 8 أعوام
-
كاريكاتير مابعد أسعار النفطقبل 8 أعوام
-
صديقي... الشيخقبل 9 أعوام
الاثنين, أبريل 12, 2010 | 
مرسلة بواسطة
Sami
وصلت الدوام مبكرا كعادتي كل يوم .. يملؤني النشاط و الحيويه .. و انا في طريقي لبهو المصاعد لمحت سيدة ذات و جه مألوف تنتظر المصعد ...عندما انتصفت الطريق ..تدخل تلك السيدة للمصعد ..و عندما وصلت للبهو تذكرت "وين شفتها ...اهي ما غيرها .. صاحبة الهوشه " ...المصعد الذي هي بداخله مفتوح ينتظرني و بصوت واضح منها " تفضل اخوي " ..طبعا دخلت و شوفوا شسويت
1) سلمت عليها .
2) صافحتها ..لاحظوا صافحتها .
3) قلتلها شلونج و بصوت عالي بعد .
ردت علي و بتعابير خاليه من الدهشه او الاستغراب و بابتسامه كلها ثقه.. " يا هلا صباح الخير "
4) رديت عليها هم بصوت عالي " ما ادري ليش " صباح النور و السرور
5) و يوم وصلت الدور ..طلعت من المصعد و انا اقولها اشوفج على خير .. تبون الصراحه انا اليوم ما اترقع .
دخلت الشركه التي اعمل بها و انا اضحك ضحكه من نوع " شر البلية ما يضحك " و عقب ما تقصيت عنها ..وجدت انها تشتغل بمنصب كبير باحدى الشركات الزميله و ما عندها عرج من فوق حسب ما توقعت ..طلعت كويتيته قح قح "
يا ليت الي عنده مواقف محرجه يشاركنا فيها ..علشان يخفف علي هول الموقف
19 التعليقات:
من صجك !!
اهيا ماغيرها !!
صج شر البلية مايضحك !!
اي هوشه
هممم
طايفني شي
!!
بوك مارك ..شفتي شلون :)
الزين ..علامج نسيتيها اهي ما غيرها الي خلتج انتي و Why me و بوك مارك تسوون ديوانيه عندي :)
LOOOOOL
بس داشع أضحك .. واقولك صباح فل
وين راح تعليقي؟
رجع لي تعليقي لو سمحت
لول
تعيش وتاكل غيرها :)
صارلي موقف على الخط السريع ...
الشارع زحمة حده وواقف وانه ياي مسرع ..
ماقدرت اللزم بريك فا اضطريت احذف على الامان عشان اخفف السرعة ...
اول ماوقفت على الامان جان تنزل ذيج المره اللي عندها برادو عنابي وتزفني وتقول اني بغيت ادعمها لووول :) طبعا انه مارد على حريم فا اذوني صارت حمره وقلت اسف حقج علي ومشيت .. والاخت ماقصرت كملت زفته وانه ركبت السيارة وظلت تتحلطم ...
وبنفس اليوم بس بالليل كنت بالسالمية فا عند اللفة جان تطلع سيارة بويهي رونق سايد وقفت وابتسمت ( يعني نغزة )
طلعت اهيا نفسها مالت البرادو جنه ماكو غيرها بالديرة وهالمره اهيا غلطانه :)
ولكن اتعرفون الحريم طلعتني انه غلطان ونزلت فيني زف وتحلطم وهالمره تقول انت وين داش وظلت فترة جذي ليمن هديتها ومشيت وماقلت وله كلمه ....
ما اقول الا الله يعين ريلها
واسف اني طولت عليك
loooool
شنو اسالفة بعرف
وعجبتني لكل يال مقال خخخخ
انزين شنو الهوشه بعرف ؟
ترى اول مرة ادش هالمدونة الجميلة
هممم
اللي لحقوك بالسيارة اعتقد
!!
ياكافي الشر
وصافحتها بعد
:)))
طلعت خواف يا سامي
لوووول
مسى الخير
انا طايفني شي!
مادري عن الهوشة...
امممم
مرة صار فيني موقف وايد وايد محرج
كنت داشة غلط المواقف و الا وحده بويهي
ماخلت سبه ماقلتها وماخلت كلمة
عاد انا مبتسمة واتلقى السب بدم بارد
يعني الساعه 7 الصبح...مو وقته اعكر مزاجي..
وزيادة ..انا الغلطانه::) المهم
دخلت العيادة وعلى الساعه تسع والا الاخت مبسطة وقعدت جبالي
والا اهي الي سابه
ويها انقص
قط الوان
وقالت لي على طريقة الافلام
انتي؟؟؟
انا يتني الضحكة وسويت باصلي وطوفت...مارديت وقلت خير
عسى ماشر شتشكين
..
جان اتقولي
وووووووعععععععععع مابيج انتي اتعالجني!!!
الممرضة اطالعها واطالعني
وانا بقيت عيني..يعني فوق وابل السب الي قلتيه هم اتخربطين بعيادتي
لا وقطّت الورقة بويهي جني خدامه اشتغل عندها وقطتها لكلمتين وهي ماشيه
مالت على هالويه حاطين ناس ... يعالجونه قطع عمه بهالويه....
وطلعت...
روحي ..يعل حوبتي ما اتعداااااااااااج
ومساءك سُكر
لووووول
صدفه عجيبه
عاد اهيا ذاكرتك؟ ولا تمشي وتزف بالاوادم
الله يعينها على نفسها
ان كنت من رافضي ولد متعه فلن تأمن من بوعبدالملك وجماعته
وان كنت علماني مخنث فكريا فلن تأمن من بوعبدالملك وجماعته
وان كنت ليبرالي حمار فكريا فلن تأمن من بوعبدالملك وجماعته
وان كنت من اهل السنه والجماعه فأنا ارحب فيك
خوووش صدفه
بس سؤال ليش بصوت عالي تبي تتحرش مرة ثانيه لووووووول يعني انا اللي ذاك اليوم
خلها يمكن ناسيه لاتخليها دقق بويهك شكلها ناسيه ههههههه
ماانقرصت اول مرة ؟
Why me ... يا حبج حق الشماته :))
بو ذياب .. النسرات زايدين بهالديره :)) بس زين سويت ..باجر تتبلى عليك
زين ..بس جني بديت اشك انها مو اهي ..سيارتها غير !!
سلة ميوه .. لووول ..الحين ارتحت حسيت ان في ضحايا للهليق
شاي الضحى ..و الله احتمال تشبها .. بس هم فشله صافحتها و اشوفج على خير
ابوعبد الملك .. ( ولد متعه , مخنث فكريا , حمار فكريا ) ليش هالانحدار الاخلاقي ..جذي انت مو قاعد تخدم قضيتك ..اذكرك بقول الله قول تعالى : " ياأيها الذين آمنوا لايسخر قوم من قوم عسى أن يكونوا خيراً منهم ولانساءٌ من نساءٍ عسى أن يكن خيراً منهن ولاتلمزوا أنفسكم ولاتنابزوا ..." و قال تعالى "لا يحب الله الجهر بالسوء من القول إلا من ظلم " و قال الرسول صلى الله عليه و سلم « ليس المؤمن بالطعان ، ولا اللعان ، ولا الفاحش ، ولا البذيء » "
Crazy Girl in a Good Way ..لا والله موخوش صدفه :)) بس جني بديت اتشكك انها مو الي في بالي ..لان سيارتها غير و وايد امدحوها ..بس ليش ما استغربت يوم سلمت عليها !!
افا شدعوه ما ترد على تعليقي
انا غير المعرفة @@
i hope you just skipped it by mistake
......
غير معرف ..انا اسف اسف ..هذي الساعه المباركه ..نورت المدونه
لووووووووول
اذكرها سالفة الهلاقة بالشارع... لو انا منك جان قلت السلام عليكم او صباح الخير و بس مو تقوم تصافحها ههههه حلوة كلمة اصافحها اعجبتني :D
سبب ان تحديثاتي ماتطلع لك
انك مادريت بالفلم الهندي الي صار لي:)
وعلى أثره
تم تغيير عنوان المدونة
www.salatmaiwa.com
تحياتي
هههه..الستر زين ..!!
إرسال تعليق