-
طوفان الأقصى ثورة عالميةقبل عام واحد
-
-
-
-
خطوة أولى نحو الثقافةقبل 6 أعوام
-
ليالي اوجينيقبل 6 أعوام
-
حرية الراي العامقبل 7 أعوام
-
عبدالرحمن الراشد والهروب الى الأمام!قبل 7 أعوام
-
الإلحاد، يعتلي منصة الإدراكقبل 7 أعوام
-
-
هل للحزن طقوس !؟قبل 8 أعوام
-
-
وقد بَطُلَ العجب... !!قبل 8 أعوام
-
-
أضرب بِهِ صدرَك !قبل 8 أعوام
-
كاريكاتير مابعد أسعار النفطقبل 9 أعوام
-
يتعلم التحسونة براس القرعانقبل 9 أعوام
-
عرض منتجاتقبل 9 أعوام
-
اعادة الجدولةقبل 9 أعوام
-
لأنه بروح المدونات..سينجح!قبل 9 أعوام
-
شباب الكويت و الحراك السياسي تاريخياً ..قبل 10 أعوام
-
اموال الباطل زقووووووم فى بطونكمقبل 10 أعوام
-
هذا قدرناقبل 10 أعوام
-
قصيدة وضاح في صالح الملاقبل 10 أعوام
-
فوضى التحركقبل 10 أعوام
السبت, أبريل 03, 2010 | 
مرسلة بواسطة
Sami
الاطفال احباب الله ....براءه تمشي على الارض ..ما عساي ان اقول عن اجمل ما في الارض ..من منا لم يتعرض لمواقف مع هؤلاء الاطفال جعلت الارض تزلزل من تحت قدميه .. و كانت جل امنياته ان تنشق الارض لتبلعه .
المواقف كثيره ..اخترت منها ما يصلح للنشر ..اليكم المواقف
موقف مع " الشتره"
عند طاولة البوفيه ..اقف مع احدى قريباتي نتبادل الاحاديث الوديه ..جائت سيرة "السن" و اختلافنا كان على نص سنه ..هي تقول بانها اصغر مني بثلاث سنوات و نص و انا اؤكد بانها اصغر بثلاث سنوات فقط ..كانت اختها ذات الاربع سنوات "قاطه الاذن و قاعده تصوخ " و ارادت اتدلي بدلوها هي الاخرى و تحسم هذا الخلاف ... و بالفعل احسمت هذا الخلاف بصرخه مجلجله جعلت كل الحضور يترقب المشهد ناحيتنا .
تقول" الشتره" الصغيره
" اهي اكبر منك ...تعال اوقف يمها ..شوف اكبر منك " ...بولعت بريجي و تلعثمت شوي و بعد ما تمالكت نفسي ..حاولت افهمها ان " مو معناته انها اطول مني يعني بالضروره اكبر مني " ...للاسف ما اقتنعت .
معاناة يعانيها كل "قصاصه" مثلي .
موقف مع " وكيح"
تجمع عائلي اخر ..الكل كاشخ و على سنقة عشره ..و خاصه البنات ..فجاه دخل علينا "عافور" عمره خمس سنوات ..نفض " الاكو و الماكو " ..و توقف عن احدى البنات ..خزها مدة 30 ثانيه ..لكن حسب ما قالت "جنها 30 سنه" .. و صرخ ذيج الصرخه .." انتي متيييييييييييينا " ..لاحظوا الـ ييييييييي ...دلاله على حجم المتن .
موقف مع " هتلي "
اجتمعن الصديقات على شاي الضحى ...لم يعكر صفو هذا الجلسه غير "كتلة البرائه" الذي اخذ يجول و يصول بين الكراسي و " الغنفات" ..مع كثير من الحزم طلبت امه ان يجلس بالقرب منها و ان يهدأ ...كانت فرصه بالنسبه له ان يتأمل و يتفرس " ويوه" الزائرات ..و ايضا فجأه و بدون مقدمات ..هكذا هم الاطفال دائما ما يباغتون " فجأه و بدون مقدمات"...اعترض حديثهم بكل برأه ..و ابدى وجهة نظره بالزائرات و قال ..." انا ما احب الويوه الطواليه "...يعني بذلك الوجوه الطويله ,
يحليله دمه خفيف
المواقف كثيره ..اخترت منها ما يصلح للنشر ..اليكم المواقف
موقف مع " الشتره"
عند طاولة البوفيه ..اقف مع احدى قريباتي نتبادل الاحاديث الوديه ..جائت سيرة "السن" و اختلافنا كان على نص سنه ..هي تقول بانها اصغر مني بثلاث سنوات و نص و انا اؤكد بانها اصغر بثلاث سنوات فقط ..كانت اختها ذات الاربع سنوات "قاطه الاذن و قاعده تصوخ " و ارادت اتدلي بدلوها هي الاخرى و تحسم هذا الخلاف ... و بالفعل احسمت هذا الخلاف بصرخه مجلجله جعلت كل الحضور يترقب المشهد ناحيتنا .
تقول" الشتره" الصغيره
" اهي اكبر منك ...تعال اوقف يمها ..شوف اكبر منك " ...بولعت بريجي و تلعثمت شوي و بعد ما تمالكت نفسي ..حاولت افهمها ان " مو معناته انها اطول مني يعني بالضروره اكبر مني " ...للاسف ما اقتنعت .
معاناة يعانيها كل "قصاصه" مثلي .
موقف مع " وكيح"
تجمع عائلي اخر ..الكل كاشخ و على سنقة عشره ..و خاصه البنات ..فجاه دخل علينا "عافور" عمره خمس سنوات ..نفض " الاكو و الماكو " ..و توقف عن احدى البنات ..خزها مدة 30 ثانيه ..لكن حسب ما قالت "جنها 30 سنه" .. و صرخ ذيج الصرخه .." انتي متيييييييييييينا " ..لاحظوا الـ ييييييييي ...دلاله على حجم المتن .
موقف مع " هتلي "
اجتمعن الصديقات على شاي الضحى ...لم يعكر صفو هذا الجلسه غير "كتلة البرائه" الذي اخذ يجول و يصول بين الكراسي و " الغنفات" ..مع كثير من الحزم طلبت امه ان يجلس بالقرب منها و ان يهدأ ...كانت فرصه بالنسبه له ان يتأمل و يتفرس " ويوه" الزائرات ..و ايضا فجأه و بدون مقدمات ..هكذا هم الاطفال دائما ما يباغتون " فجأه و بدون مقدمات"...اعترض حديثهم بكل برأه ..و ابدى وجهة نظره بالزائرات و قال ..." انا ما احب الويوه الطواليه "...يعني بذلك الوجوه الطويله ,
يحليله دمه خفيف
الاشتراك في:
تعليقات الرسالة (Atom)
14 التعليقات:
لووووووووووول
والله اليهال يفشلون
وايد صارت لي مواقف تفشل مع اليهال الي عندنه بالعايله
وهم اذكر مواقف تفشل انا سويتها او قلتها لما كنت صغيره
بس خلها مستوره ههههههههههه
شكرا :)
يحليلهم :)
زين هذي قارنت بينك وبين وحدة من عمرك .. الي عندي يقارنون نفسهم فيني ويقولون احنا اكبر منج لوول
واهم شي المتينة (مع تكرار الياء)
مسكينة اتوقع شالت شلايلها واطلعت
انتي متيييييييييييينا ؟!
LOOOL
هذي العفويه ولا بلاش!
وعليا! شنو شعور الانثى لما تكون كاشخه واييها هالنزغه ويفشلها جدام الكل!
اممممم
مادري ليش مع اني احب الاطفال
بس اختلف معاكم
مافي ياهل بريء!!!
الطفل في خبث فظيع!! يعني انت قاعد بمانت الله يغافلك و يدز باقة ورد بنص المكان!
تنكسر المزهرية...وتنترس الصالة ماي.. واهوا واققف على كتر بعيون دائريه كلها براءة!!! وين البراءه
بس يظلون مصدر الضحكة والبسمة:)
خوش بوست
ودّي
بقول لك سر
انا ما احب اليهال كلش ملش
وفي يهال صج مليقين
:$
ترى ما اقصد يهالكم
والياهل اذا صار حركي وايد ولسانه طويل بعد العن
هذا عاد اللي ما اعطيه ويه كلش
عموما كل اليهال يمرون بسن الملاقه هذا
ويليه سن الشيانه
ويليه سن الشطانه
ويتبعه سن منو آنا
وعقبه سن الخسبقه
لين الواحد يتاهل
اقصد يتزوج
يوصل لسن الضياع
:$
وتالي من زود الضياع يدخل بسن الهداية
يا يلتزم
يا يتأزم
تالي سن لحق على اللي طافك
تالي سن كح وطيح
تالي يالله حسن الخاتمه
:)
وهالخرابيط كلها من سوالف بزرانكم
خوووش مواقف
:)
اليهاااااااال مو صج انا استمتع اطلع معاهم و اقعد معاهم.
و موضوع الطول تعذبت فيه عشان اقول حق ولد اختي ان امه اكبر مني بس ليلحين مو مصدق يقول اني انا اكبر علما بأنها اكبر مني بسبع سنيين.
اما المتينه الله يعيييييييينها
ههههههههههه
امبيه صاجه اليهال
عليهم موااااقف محرجه
بس تطلع عفويه وتخلي الواحد يضحك:)
لووول
مشكلة :)
قبل ثلاث دقائق تحديدا وفي قاعة البزنس في احدى المطارات الخليجية
مستمتع بهدوء المكان ومتعة القراءة
مر علي يأهل اجنبي مليق وطق الغنفة الجلدية الي قاعد عليها بقوة
الهيس خرعني وخلاني اطمر وعطاني خزة ومشى
الشي الجميل ان الموقف صار في نفس اللحظة الي قاعد اقرأ فيها البوست
قلت في قلبي صاج والله ياسامي
شاي الضحى ...دائما توقعي الغير متوقع مع اليهال :)
بوك مارك ...ويه هانت علي مشكلتي :)
سلة ميوه...صح كلامج الحين نادر ما تلاقين ياهل برئ
الزين ...لوول ..دمعت عيوني من الضحك يوم وصلت عند مرحلة " كح و طيح "
مي ...حوش مواقف كقراءه ..لكن مو خوش مواقف تتعرضين لها :))
GaolzaLez...اي بس انت بالموقف الافضل..انت الأطول :)
q8-Lawyer ...تقصدين و انت الصاج !! :)) ...المواقف مع اليهال ما تخلص :)
عين بغزى...اي والله مشكله :))
رامي ..أنا قاعد ارد عليك من قاعة البزنس بمطار الكويت :)) تفاجاة اليوم بسفره طارئه ..ترجع بالسلامه :)
في آخر فقرة لك ..
اول سطر - كلمة رقم 11 ..
هل هي خطأ مطبعي ؟ أم سقطت منك النقطة سهواً ..
- والمزاح جانباً ..!
LOL
صخر ...اوبس ...صلحت الخطأ :)
Why... اهلا و سهلا :)
إرسال تعليق