حكمة الشهر

ما ينفعك يا كويت بالعسر واللين إلا عيالك وخذي العلم مني

Sewalefyal@

صفحة الفيس بوك

عدد الزوار (Unique)

من نحن ؟

نبش في المدونة !!

قائمة المدونات الإلكترونية

Followers

في اشياء ما تكلفك شي ..ببلاش ..لكن مردودها عالي عليك و على غيرك ..الا و هي الكلمه , انت تختار ما بين

تقول " كبر راسك علينا " ... او تقول " افتقدناك "


تقول " قم من مكاني يلا قم " ...او تقول " و لا عليك امر ..مكاني " او تخيله يقعد ما راح تنقلب الدنيا


تقول " يا حليلها هذي بنتج ؟ " ...او تقول " يحليلها هذي اختج؟ "


تقول " سمرييتي صرتي حكوكه " ..او تقول " مسويا تان ؟"


تقول " من راح بليا عزيمه نام بليا فراش " ..او تقول " لا و الله عندي شغل ..يا ليتك قايلي مبجر ..مشكور على العزيمه "


تقول " ما فيك الا العافيه ..قاعد تغلى علينا " ...او تقول " اجر و عافيه ..سلامات ما تشوف شر "


تقول " يالهيس الاربد " ..او تقول " يا الهيس" بدون الاربد ( هذي لك رامي)


تقول " قوم انت ييب لك ماي يا التنبل " ... اوتقول " انشالله اييب لك ماي على طريجي "


تقول " زعل بو يعل " ...او تقول " ليش زعلان .. ما يصير خاطرك الا طيب ..امسحها بويهي "


قال تعالى [ أَلَمْ تَرَ كَيْفَ ضَرَبَ اللّهُ مَثَلاً كَلِمَةً طَيِّبَةً كَشَجَرةٍ طَيِّبَةٍ أَصْلُهَا ثَابِتٌ وَفَرْعُهَا فِي السَّمَاء تُؤْتِي أُكُلَهَا كُلَّ حِينٍ بِإِذْنِ رَبِّهَا وَيَضْرِبُ اللّهُ الأَمْثَالَ لِلنَّاسِ لَعَلَّهُمْ يَتَذَكَّرُونَ ] [إبراهيم:24-25]

10 التعليقات:

شاي الضحى يقول...

بوست جميل وكلمات اجمل :)

بس والله ساعات في ناس مو كفو تكلمهم عدل

اعجبتني مسويه تان هههههههه


شكرا :>

Engineer A يقول...

فعلاً في كلمات الواحد يقطها قبل لا يثمنها ويكون تأثيرها سلبي على الغير ..

يعطيك العافية على هالبوست "السامي" :)

panadool يقول...

هذا اللى كتبته إسمة الذوق بالكلام

وياريت الناس وخصوصا عندنا بالكويت يتكلمون مثل ما كتبت

شكرا عالبوست ياحلو

Crazy Girl in aGood Way يقول...

أنا اشوف الكلام الطيب حييل له تأثير في علاقتك في الناس



شكرًا على البوست

صح لسانك

الجودي يقول...

كلام حلو بس وين إلي يطبق اتحس الناس تستمتع بأذية الغير ...

الله يهديهم و يصلحهم ... ولا الكلام الحلو ماكو مثله و تأثيرة وايد حلو ...

شكرا على البوست

عين بغزي يقول...

طبيعتنا قاعد تسحبنا الي عالم انظف و جميل ولكن هناك بعض الشياطين يسحبونا في الاتجاه المعاكس

مصيبه !!

BookMark يقول...

صح لسانك :)

Sami يقول...

شاي الضحى ..اكيد :))

Engineer A .. :)) شكرا جزيلا

بنادول .. انشالله انا اطبقه :))

الجودي ..اهلا و سهلا :))

عين بغزى .. بهالبوست قاعد انصح نفسي .. ساعات اختار اني اكون جفس على اني اكون مؤدب :))

بوك مارك ..صح بدنج :))

q8-lawyer يقول...

إي والله صاج الملافظ سعد

عاد أحلى شي وإلي يعجب أمي
ياحليلها هذي إختج بدال هذي بنتج:)

Sami يقول...

َq8-lawyer.. لووول