-
طوفان الأقصى ثورة عالميةقبل عام واحد
-
-
-
-
خطوة أولى نحو الثقافةقبل 6 أعوام
-
ليالي اوجينيقبل 6 أعوام
-
حرية الراي العامقبل 7 أعوام
-
عبدالرحمن الراشد والهروب الى الأمام!قبل 7 أعوام
-
الإلحاد، يعتلي منصة الإدراكقبل 7 أعوام
-
-
هل للحزن طقوس !؟قبل 8 أعوام
-
-
وقد بَطُلَ العجب... !!قبل 8 أعوام
-
-
أضرب بِهِ صدرَك !قبل 8 أعوام
-
كاريكاتير مابعد أسعار النفطقبل 9 أعوام
-
يتعلم التحسونة براس القرعانقبل 9 أعوام
-
عرض منتجاتقبل 9 أعوام
-
اعادة الجدولةقبل 9 أعوام
-
لأنه بروح المدونات..سينجح!قبل 9 أعوام
-
شباب الكويت و الحراك السياسي تاريخياً ..قبل 10 أعوام
-
اموال الباطل زقووووووم فى بطونكمقبل 10 أعوام
-
هذا قدرناقبل 10 أعوام
-
قصيدة وضاح في صالح الملاقبل 10 أعوام
-
فوضى التحركقبل 10 أعوام
الخميس, يناير 06, 2011 | 
مرسلة بواسطة
Sami
انا لما انعزم على ملجه محفوفه او عرس كبير
اكون متحفز و متزهب حق السؤال التقليدي الي اهو
يلا متى تزوج
لكن يظل في مواقف تكون فيها انت عاجز عن الرد ..و لسانك يربط من شدة هول الموقف
انا صارلي موقفين كانت فيها ابتسامتي الصفرا اهي ابلغ رد
مره كنت معزوم على ملجه محفوفه
وصلت متأخر شوي ..دخلت الكل كان قاعد
واحد من الموجودين ... علق بصوت عالي يسمعه الجميع
يلا سامي ..الملاج موجود ..فرصه تزوج الحين
رد الثاني .. اي عاد و النعم فيه سامي الكل يتمناه ...( لي هني ممتاز انا حدي منشكح و مستانس )
كمل كلامه ...و الله لو سامي بنت جان تزوجته ...( هني انا انا شرقت بريجي .. و قمت اكح كح ..الحبيب قصده يمدحني )
الموقف الثاني شيبه بالاول
و هناك لقيت يدتي مع صديقاتها
انا قاعد اسولف مع الي على يميني ..لكن اذني رايحه على سوالف يدتي مع صديقتها
يدتي: ترا فلانه ولدت ..يابت بنت
صديقتها: هو مو توها والده ..يايبه ولد
يدتي: اي هذا الثاني
صديقتها : اهي مو كبر سامي
يدتي: اي ..لو سامي بنت ..جان تزوج و عيل بعد
17 التعليقات:
يعني المشكله انك ولد خخ ..
احس المواقف عاديه ..
ويالله ان شاءالله ماتدور السنه الا وانت متزوج وابو بعد :)
اول مره انه انتو الشباب تواجهون نفس المشكلة اللي نواجهها ؟؟
الموضوع قسمة و نصيب و كل شي بوقته راح يصير بس اسئلة الناس محرجة
المشكله انك كرجل ما اعتقد انه الموضوع يسبب احراج مثل البنات
البنت لما ينقالها وييه ما تزوجتي لي الحين ؟؟ شنو ممكن تسوي يعني ؟؟
و مرات ترى ممكن تكون البنت ناجحة بحياتها و سعيدة بس دام مو متزوجة بنظر الناس انها ناقصة
الزواج مو شي سهل او لعبة الزواج يحتاج تأهيل نفسي و منعوي
مادري انت مواليد اي سنة بس انا من اشد المؤيديين ان الزواج للبنت بعد ال 25 و الرجل فوق 30 و انه الوحده تييب ياهل و اثنين و ثلاثة ورا بعض مو شرط يكون سبب نجاح الزواج
اسفة وايد اشتطيت لكن هذي رسالتي في الحياة :) ودي اني انصح وايد ناس بخصوص هذا الموضوع
لو انت بنت جان خطبتك حق اخوي.
P;
لول لا جد سامي عادي وايد تصير ..
لو بنت و لو صبي .. تصير تصير P;!
مو محرج الموضوع مجرد "لو" .
يا كره اللولوة -من لو مو الاسم-
ما تنلام اذا انسدت نفسك... لا تواخذهم... نيتهم صافية
:)
تعيش وتفتكر او تكبر وتنسى بهالحالة
وان شاالله نفرح فيك عن قريب, تستاهل الطيب سامي
ويك اند مجيد
:)
يستعبط الي بالملجة صح!
لووول
معليش يا سامي
كلام الناس وحنتهم ماتخلص
الي مومتزوجة قالولها ليلحين ماتزوجتي؟!
ولي تزوجت ليلحين ماحملتي؟
ولي احملت وخلفت ليلحينج بس ياهل واحد؟
ولي سطرت يهال ورى بعض كلوها ..
ومانخلص
بس ماينلامون يبون يفرحون فيك
:)
احمدربك انك ريال لان احنا البنات تبتدي الحنه ليش ماتزوجتي او بمعنى مسكينه ماتزوجت واذا تزوجت ها ماكو شي بالطريج مع نصايح بالدكيور الفلاني والدوا الفلاني والقرايه الفلانيه واذ حملت ها متى شهرش منو دكتورج اي مستشفى بتولدين فيه ,من وين جهزتي حق استقبالج ...واشياء وايد لو اقعد اعدها ماراح اخلص
لوووول
الا صج سامي
متى اتزوج؟
P:
هههههههههه
نفس الحاله .. فلا تتضايق ..
كلنا نآزرك في هذا الهجوم :)
خلاص سامي برحمك من هالمواقف البايخه واتكرم عليك واخطبك حق خالتي لووووول
يمعووود سهالات ماكو الا الخير .. وفال حلوو البوست الجاي بتقول لنا ترا تزوجت :)
** ابيه شفيهم عليك لوووول صراحة موقف كلش مووو خوش الله يعينك
بس صج سامي يعني لي متى شناطر ترا اذا حاط عينك على جوجو لاتنطر مخطوبه ;p
شيسكتهم اول شي متى تتزوج بعدين ليش ماياك ياهل تالي خاويه اتوقع اخر شي من اللقافة لو ودهم يقولون متى تموت
هههههههههههه
اي تزوج وارتاح من هالاسئلة
ماتوقع احد بيقولك متى بتاخذ الثانية ؟
للحين مو متزوج ؟!!
لوووول أتغشمر والله
عادي هذي الأسئلة متعودين عليها
يالله إن شاء الله تتزوج وتفرح أهلك وأحبابك :)
موفق أخوي
صج المواقف محرجة ..
بس صدقني ما قالوا
جذي الا صج بخاطرهم
يفرحون فيك و انت قريب منهم :)
وترى اللي يقولك جذي عشتو
يتحلى عليك ترى ..
يعني اسهمك مرتفع ..;)
وبعد انت لا تصير حساس
من هالسالفة طوف ..
و كل شي بوقته حلو :)
خخخخ كلنا بالهوا سوا
الناس ما تخل حد بحاله ..
لو كنت عزوبي قالوا ليش ما تزوج ولي تزوجت متى بتعيل ولي عيلت متى عيالك بيتزوجون وهلم جرى ..
والله يرزقك ببنت الحلال اللي تريحك وتسعدك :)
تقبل مروري
يه يه يه
شعليه سامي قايم حظك
وان اشوف ليش العوانس زايدين
لالالالا انت لازم تتزوج عشان تفج عقدة العوانس
:)
الا صج متى تتزوج ؟؟؟
لووووووووول والله ضحكني الموقف...دير بالك ترا الثالثة ثابتة...
:)
دمت بود
هههههههه شفيهم على "لو كنت بنت .. "
ميخالف اخوي سامي
تكبر وتنسى ماعليه ;)
كل عام وانت بخير
إرسال تعليق