حكمة الشهر

ما ينفعك يا كويت بالعسر واللين إلا عيالك وخذي العلم مني

Sewalefyal@

صفحة الفيس بوك

عدد الزوار (Unique)

من نحن ؟

نبش في المدونة !!

قائمة المدونات الإلكترونية

Followers


ياني ايميل يوضح الفرق بين الريال و المره

و انا بنقل لكم موضوع الايميل مع بعض الاضافات الخفيفه و بعد ما سويت عملية تكويت للاسلوب


شوفوا الريال لي بغى يسحب فلوس

1) يوقف السياره و يفتح الدريشه

2) يحط البطاقه و الرقم السري

3) يحط المبلغ المطلوب

4) يسحب البطاقه و الفلوس و الايصال و يتوكل على الله


الحين شوفوا المره لي بغت تسحب فلوس

1) تتعدى ماكينة السحب

2) ترجع قري شوي

3)ترفع السايد بريك

4)تنهي مكالمتها مع رفيجتها

5)تفتح جنطتها و تقعد دور و دور و دور لين تلقى بطاقة السحب

6)تفتح الباب علشان توصل ماكينة السحب

7) ادخل البطاقه

8) تحط الرقم السري .. يطلع الرقم غلط

9) تفتح جنطتها مره ثانيه

10) تدور الورقه الي كاتبه فيها الرقم السري

11) بعد جهد جهيد تلقى الرقم السري

12) تحط البطاقه مره ثانيه

13) تنقل الرقم السري

14) تقعد تفكر اسحب اميه و الا ميتين

15) تقرر تسحب خمسميه دينار

16) تعدل بكلتها او حجابها على ما تطلع الفلوس

17) تسحب الفلوس

18) تفتح جنطتها تدور البوك

19) تعد الفلوس و تحطها بالبوك

20) تتاكد من البكله مره ثانيه

21) تمشي نص متر

22) بعدها تتذكر انها ما خذت الإيصال

23) ترجع قري مع نظرة احتقار للسياره الي واقفه وراها

24) تاخذ الإيصال

25) ترد تتصل على رفيجتها

تكمل طريجها ..بعد ثلاث كيلوات تنزل السايد بريك

20 التعليقات:

BookMark يقول...

لوول شدعوة هذي كلش امدمقة

الصحيح انها بس تفتح الباب .. وتلطع الي وراها شوي مو وايد

Sami يقول...

بس وايد قريب من الواقع :)

I7na 3shagnaha يقول...

unfair !
:)
akeed diffrent age

الزين يقول...

التعميم يظلم نسبه كبيره من البنات

والوصف فيه مبالغه شويه

:)

صباح الخير

Sami يقول...

احنا عشقناها و الزين ... ما اقدر اجمل الواقع :)

غير معرف يقول...

لا يا شيخ كل هذا بالمره تعرف ناقصة عقل مو كامل عقلها مثلكم معشر الرجال تكفون سامحونااي والله سامحونا هذا مو منا بس يوم صنعونا كان العيب موجودمن الاول يعني موبيدينا يا الله اخذوا الحريم علي علتهم والله يعينكم عليهن

الزين يقول...

تجمل الواقع

!!

ما قلنا جمله
بس كن منصف

التعميم بحد ذاته غلط
في كل الأحوال وعلى جميع الأصعده

النقد واجب اذا كان بناء وبغرض الإصلاح
لكن نقد مبالغ فيه هذا عمره ما يعمر غير المخوخ الفاضيه

سوري وما اعنيك انت طبعا

بس عن جد سامي
انت مقتنع ان كل البنات بهالشكل!!

اذا كانت هذي قناعتك فهذي مشكله اكبر من مشكلة اللي كتب الإيميل وبعثه لك

:)

Sami يقول...

غير معرف .. لووول
الزين .. و لا تزعلين ..انا راح انزل النسبه من 97.9% الى 15%

سلة ميوّة يقول...

من زمان عنك ياسامي
فقدناك من غير شر


هههههههههههه ايميل ظريف...ضحكني...


عساك عالقوة

Engineer A يقول...

تعميم ظالم :)

انا شخصيا بس افتح الباب واكون مزهبة البطاقة من قبل بس المشكله ما اطول المكينه لازم ابطل الباب شوي واخذ الفلوس والوصل واطلع على طوووول :)

رُوحٌ ضَائِعَه... يقول...

لووووول
و الله الصراحه راي من راي بوك مارك ..
بس نفتح الباب و ننزل ههه بعد شنو نسوي اذا احنا مجكنمين ونتفه مانطول وخو انتاو ماشاء الله حتى ماله داعي تمدون ايدكم لوول

انا عشان هالسيناريو كله ازهب البطاقه و البوك بره و الفلوس موضروري تدخل بالبوك الحين الحين ..

هههه وله تدري احسن شي .. ليش اروح خدمه السيارات ؟؟ انزل احسن لي :)
وله اذا كلش كلش .. اخواني اشمهنتهم ؛q

ههههه قواك الله وشكرا على الضحك ..
و في النهايه الله يعينكم علينا ؛)

Sami يقول...

سلة ميوه ...ما تفقدين غالي يا رب .. أنا الي افتقدت سوالفج الحلوه في تويتر :))

مهندسه أبرار ..عاش من شافج ..مدونتج ولهانه عليج :)

روح ضائعه ... ترى حتى أنا مجكنم .. و وايد افتح الباب علشان اوصل أحط البطاقه :))

غير معرف يقول...

لوووول سامي
انا ولا مرة سحبت بالمكينة
كله اروح اصفط وانزل لاني ادري بيصير كل هذا


تذكرت مرة طالعة ويا رفيجتي واخوها ياهل
وصار هالموقف لوووول وجدمت السيارة وعدلت ملفعها وخلت اخوها يطلع من الدريشة وقعدنا يمكن 10 دقايق واخر شي ما سحبنا ومشينا
ههههههه

ebtsamh يقول...

يا بخت المظلوم بالجنه ..

دائما اغلب مواضيعك ضد المرأة ..

Sami يقول...

غير معرف .. الله ينصر دينج :) ..و شهد شاهد من اهله :)

ابتسامه .. صج ؟ ..عيل لازم اكتب شي ينصف المراه :)

غير معرف يقول...

لالالا كل هذولا نساء ورجال ضد المراءة ولا واحد معاها حرام مساكين احنا الحريم كله ضالميينا الرجال والادهي والامر الحريم اللي ضد الحريم وحده اخوها يطلع من الدريشه احنا وين الله ويفقنا والنساويين هاذي موجوده والحبيب استانس لقاله شاهد ومنا

Shaikha يقول...

انا مريحه عمري، اطرش السايق.
على مال البس ، يكون راح و رد.

لول بس لي اضطريت اسحب، غالباً الرقم غلط!

Sami يقول...

غير معرف :)

شيخه .. شفتي شلون :)

غير معرف يقول...

جازتلي سالفة السايد بريك..
أشدنه راعي الإيميل ما جذب..

ما تستعوب أنه مسحوب لين تشم ريحة اعطبته.. :))))

على فكرة والله في تحامل :i


ودمتم

kal ho na ho

Sami يقول...

على فكره انا متابعج عدل .. مو بس انا الي متحامل :)