Sewalefyal@
صفحة الفيس بوك
عدد الزوار (Unique)
قائمة المدونات الإلكترونية
-
بِك يا الله ..قبل 3 أسابيع
-
مرحلة بلا طعمقبل 10 أشهر
-
طوفان الأقصى ثورة عالميةقبل 11 شهرًا
-
التمسك بالأملقبل عام واحد
-
-
-
-
-
إلى أين أنت ذاهب يا "شيخ "بالله عليكقبل 5 أعوام
-
-
-
-
-
رسايل لـ مي عز الدينقبل 6 أعوام
-
رمضان طب علينا، من العطش ياويلناقبل 7 أعوام
-
-
السكوت علامة الرضاقبل 7 أعوام
-
سلمان الفاتح!قبل 7 أعوام
-
المشاركة والمقاطعة.. وجماعات المعارضة.قبل 8 أعوام
-
وقد بَطُلَ العجب... !!قبل 8 أعوام
-
-
زائر الليل ..قبل 8 أعوام
-
باص الحكومة و قطار القطاع النفطيقبل 8 أعوام
-
كاريكاتير مابعد أسعار النفطقبل 8 أعوام
-
صديقي... الشيخقبل 9 أعوام
الاثنين, يناير 17, 2011 | 
مرسلة بواسطة
Sami
وصلني عبر " الواتس اب " هذا الحوار الي يتم بعد صالون الحلاقه ..انقله لكم بدون تنقيح
الحريم
الأولى : الله ، قصيتي شعرج !! والله طالع يهبّل عليج ...
الثانية: صج ؟ بس حسيت يوم شفت نفسي في المنظره ..جنه منتفش !
الأولى : لا والله .. الا طالع يهبل ، وانا ودي اسوي نفس تسريحتج بس احس ان ويهي متروس شوي ولا تمشي معاي هالتسريحة ، واشوف انه ما يمشي مع ويهي الا هالتسريحة اللي تشوفيني دايم فيها .
الثانية : من صجج انتي !! شايفه ويهج شحلاته ، وتمشي معاه كل التسريحات وتطلع احلى بعد ، مو مثلي .. ما أقدر اختار الا تسريحه وحده تخلي الناس ما ينتبهون حق رقبتي اللي جنها رقبة زرافة .
الأولى : شهالكلاااام .. والله رقبتج حلوه ..وودي رقبتي مثلها عشان محد ينتبه حق جتوفي اللي جنهم جتوف لاعب كره قدم مو بنت
الثانية : صج انج مو صاحيه ، والله كل البنات اللي اعرفهم في الجامعة يتمنون جتوف مثل جتوفج ، لو لي جتوف مثل جتوفج جان ما اتبهذل لما اشتري ملابس يديده
الرياييل
الأول : نعيما ً ..
الثاني : الله ينعم بحالك
الاشتراك في:
تعليقات الرسالة (Atom)
21 التعليقات:
لووووول
تو ما نور المكان :)
لووووول
ترى انا مستمتعه بهالسلسلة الخفيفة الظل والطينه
كملها بليز
:)
هههههه ..
خو لازم بعد انطول الحوار
هيهيهيهيهيهي بس صراحه ارقبه وجتوف
انا من زمان قايله انتوا اريح واحسن منا بالهمواضيع ماعندكم عوار راس
بس دايما اخش هالتصريح بداخلي خوفا من نظرات الشك و الريبه و طبعا الحريم راح يشوفوني بنظره + شهقه .. هذي الي ما ادافع عن المرأه .. =\ عشان جذي ياخوي خل هالكلام بيني وبينك يزاك الله خير ;q
ههه و اليوم رحت سحبت جان اذكر بوستك الي طاف جان اقرر انزل ..هه بس هم طولت لان atm كانت معلوله مو مني =\
هههههههه
و خفف من " الهجوم علينا " في ناس ماتستوعب انها غشمره وخوفك الحريم يسون انقلاب ضدك .. بس اقولك من الحين .. انا بصف بصفك بس بالسر ;q
خوفك باجر لي بغيت اترشح بمجلس الامه - بعيد الشر عنك - ماتفوز لان الحريم ضدك وكما هوا معلوم ما شاء الله احنا واايدين ؛q
عذرا على القرقره و السموحه :)
قواك الله ؛))
الرياييل
الأول : قاص شعرك؟
الثاني : اي..
الأول: كااااك شكلك فلم!
الثاني: ادري اسكت..
الزين .. !!! صج ؟
روح ضائعه .. ليش ما تبين انشر تعليقج ؟
غير معرف ...حلوه منج لوول
لووول منو قال لا تنشره @@
ههه انشره انشره وجنه العيد بعد
الي اقصده بالسر مو معناه ماينشر بس جذي شوي اكشن بالسالفه ههههه
السموحه ؛))
هههههههههههههههههههههههههههههههههههههههههههههههههههههههه
و أنا أقووووول " صح " ههههههه
love the details
:)
صجات
صجات
على الأقل تعطيني فرصه اداحرك شويه
:)
AM.SA.CHANNEl.. :)
احنا عشقناها ..So am I :)
الزين .. حلو بين الوقت و الاخر نداحر بعض
عيل اسمع شقالتلي صديقتي لما قصيت شعري قصير ,شهالطاسه اللي حاطتها على راسج ؟مع ان والله العظيم كل من شاف قصتي اعجبته,ووايد سألوني وين قاصتها ,بس شتقول عن نحاسة الحريم
خف علينا شوية!
ترى نسوي انقلاب !
باختصار
الحريم بكل شي عبااااله :)
غير معرف .. " نحاسة الحريم " موضوع راح اكلم فيه قريبا
بوك مارك .. الله يكافينا شر الانقلابات ..بعد احداث تونس صرت اتوقع كل شي :)
سامي
ترى نسأل عن الصالون ومنو إلي قصة شعرها إذا أول مره ما اتعرفه في سوالف و أسئلة مختلفه و إذا مجربه الصالون أسئلة و تعليقات من نوع ثاني بعد يعني يا التجربة ناجحه <<<بتمدح الصالون و إلي يشتغلون . التجربة مو ناجحه <<<بتقول تجربتها و اتذم الصالون و تمدح إلي هي تقص عندهم هالأيام
يعني سالفه ما تنتهي بنعيما و بس أصلا نعيما و بس جنه تقولها مو حلو :/
يالله إلي بعده ناطرين مافي جعبتك
هذرة زايدة ونحب التفاصيل في الديتيلز على قولة احمد حلمي
سامي يبيلك جزء ثالث بطريقة دراسة البنات -ما نطوف الفاصلة-
والولد ياخذ الزبدة ويقدم احسن بالامتحان!
حلوه..
:)
لوووووووووول...حلوة....حكمة من ربك ولله في خلقه شؤون....
عاد لا تصير ضد الحريم:)
الجودي .. و منكم نستفيد :)
جندله .. نزلت الجزء الثالث :)
الليوان .. اهلا و سهلا :)
مجرد امنيات .. جزء ثالث و عقبه توبه :)
إرسال تعليق