Sewalefyal@
صفحة الفيس بوك
عدد الزوار (Unique)
قائمة المدونات الإلكترونية
-
بِك يا الله ..قبل 3 أسابيع
-
مرحلة بلا طعمقبل 10 أشهر
-
طوفان الأقصى ثورة عالميةقبل 11 شهرًا
-
التمسك بالأملقبل عام واحد
-
-
-
-
-
إلى أين أنت ذاهب يا "شيخ "بالله عليكقبل 5 أعوام
-
-
-
-
-
رسايل لـ مي عز الدينقبل 6 أعوام
-
رمضان طب علينا، من العطش ياويلناقبل 7 أعوام
-
-
السكوت علامة الرضاقبل 7 أعوام
-
سلمان الفاتح!قبل 7 أعوام
-
المشاركة والمقاطعة.. وجماعات المعارضة.قبل 8 أعوام
-
وقد بَطُلَ العجب... !!قبل 8 أعوام
-
-
زائر الليل ..قبل 8 أعوام
-
باص الحكومة و قطار القطاع النفطيقبل 8 أعوام
-
كاريكاتير مابعد أسعار النفطقبل 8 أعوام
-
صديقي... الشيخقبل 9 أعوام
الأحد, ديسمبر 05, 2010 | 
مرسلة بواسطة
Sami
اقام النائب احمد السعدون بديوانه ندوه بعنوان " الا الدستور"
و حضرها مجموعه من النواب
الهدف من الندوه واضح من عنوانها
الا الدستور
لحد يقرب من الدستور
مرجعيتنا الدستور
لكن ما حدث بالامس في ديوان السعدون لا يمت الى الدستور بأي صله
و اهني انا اتسائل
شنو تبون بالضبط
دولة مؤسسات ...دولة قانون ..المتضرر يحتكم للقضاء
او
دولة الغاب ... دولة القوي ياكل الضعيف ..دوله الواحد يحتكم بذراعه او بقبيلته
انا اعلم بأن احمد السعدون و بقية النواب المتواجدين بالندوه غير مسؤولين عما جرى بجويهل
و لكن
كان بأمكانهم ايقاف الندوه التي تدعوا لاحترام الدستور بعد وقوع جريمه في حق الانسانيه و الدستور
الان
كل النواب و السياسيين و جماعة "الا الدستور " و المطالبين بالحريات و بخاصه
من حضر هذه الندوه و من نظمها
يجب عليهم ادانة هذا الفعل الاجرامي و الغير دستوري
و على الحكومه القيام بواجبها اتجاه المعتدين و تطبيق القانون عليهم
ما كان على السيد محمد جويهل الذهاب للندوه وهو يعلم بأن اغلب الحضور من خصومه و بخاصه المتضرر من طرحه
مشحون من اسلوبه المستفز
اتمنى ان تكون هذه الحادثه خيره لك و للبلد
اتمنى انك تغير اسلوبك في الطرح و خاصه ان منطلقاتك وطنيه
و تتذكر هذه الايه الكريمه (ولو كنت فظاً غليظ القلب لانفضوا من حولك)
و بالنهايه ما اقول الا
خطاك السو و الله يقومك بالسلامه و يكشف ضرك
16 التعليقات:
امبيه اهو يمكن غلط وياب الشي لنفسه بروحة لهم..
بس هم هذا مو اسلوب لردعه ..
اللي اعرفه ان جويهل عقب ما صار له مشكله بالمستشفي مع اعوان بورميه ما يروح اي مكان الا مع حمايه او يكون متخفي عن اعين الناس ..
بس بندوة امس كان بايعها ...
لا وبعد يقوم بحركات استفزازيه ..
اعتقد كان هدفه انه يخرب الندوه ..
اذا فهمت شقاعد يصير بالبلد
فهمني
لأني جد جد مو فاهمه
!!
مايستاهل جويهل
الله يقومه بالسلامه ان شالله
امس كان كاسر خاطري وايد بس الصراحة لما دريت انه تافل على الشاشة يعني اهو البادي جنه قاعد يقولهم طقوني غصب
هذي نتيجة من يسب الناس و يمس اعرضهم و يشهر بفضايحهم
كنت متوقعة من زمان ان بيي يوم بصير فيه جذيه وايد تمادى
مع انة افكاره صحيحة بس لو طارحها بسنع و مستوى ارقى جان ما صار فيه جذي
شتسوي إذا الناس الي تتكلم بالدستور ماتعرف شي عنه!
وماظنتي الي حاشه كل هذا راح يتعظ
هذا إذا ماصار بطل قومي بعد
قلة العقل مشكله انا شخص متحطم
الله المستعان
مو اشويه إلي صار و يعور القلب
جنهم طلعوا حرتهم بكل الأوضاع فيه .. أحسهم طقوا كل إلي زاعجهم في البلد و صارت براسة ..
ما عندي خلفية لطرحه و الحين بشوف شنو كان يقول إلي ادبغوا بهذه الصورة ..!!!!
" غير معرف " ...اسمحلي حجبت تعليقك لاسباب انت تعرفها :)
شي عجيب!!
ومو معقول اللي يصير!
بعيدا عن السياسه..
وبعيدا عن اي شي غير الانسانيه...
سؤالي...
هذا الشي صار بالكويت؟؟؟
حسافتج ياكويت...صج صج حسافة
الجويهل ما عليه شرهه
الشرهه علي الناس المفروض واعيه ورايحه ندوه عن الدستور ويتوحدون علي انسان اعزل وحيد ويفترسونه كالوحوش
الشرهه علي راعي البيت اللي ما وقف الدم اللي سال عند بابه ولا حتي حاول
الشرهه علي من شاف او صور وما دافع عن الانسان الاعزل او علي الاقل يشهد ويبلغ عن الجناه
الشرهه علي من شجع او برر للهمجيه والوحشيه لخلاف شخصي مع الضحيه
ذكروني بمنظر الصهاينه المتوحشين
اشرهه علي العاقل اما السفيه فما عليه شرهه
"منطلقاتك وطنية" !!!!!!!!!!
مادري يا جماعة شفيكم تغيرتوا ؟!!!!
لالالا شنو منطلقاته وطنيه
يطلع بالتلفزيون ويصنف المجتمع
خلف السور واللي برا السور وولد بطنها وظهرها
انا احس البعض يخاف يقول الحق
الله ياكويت صرنا نخاف نقول الحق
مثير الفتنه امثال الجويهل يجب ان يقطع رأسه
وان شاءالله يكون عبره لغيره
اذا كان محد ردعه اكيد الناس بتمد ايدها
واهو ياي مكان الناس مايحبوونه
وزين يسوون لان محد سواله شي
ما اوقف مع الجويهل ولا ضده بس اتفق مع كلامك 100% هذا الكلام الي يجول بخاطري بصراحة تسلم
الجويهل سيخرج من الاميري ليلقن اتباع المسلم والبراك والسعدون دروس - عديدة- لن ينسونها طيلة حياتهم !
رورو الشخبوطه .. مثل ما قلتي هذا مو مبرر
غير معرف ... مره ثانيه هذا مو مبرر
الزين .. فتنه
برغي ...امين
غير معرف ..وجهة نظر
بوك مارك... و الله انشاء الله يتعظ
انسان ..صح لسانك :)
الجودي .. الله المستعان :)
سلة ميوه ..فعلا حسافتج يا كويت
غير معرف ..بالضبط :)
لو كويت ..نتغير للافضل :)
غير معرف ..اتفق معاك بجزئية المفروض ما اييب طاري بره و داخل السور
طموحه مملوحه .. ترى اول مره تتفقين معاي على شي :)
صخر ... نتمنى ذلك لكن بالقانون
إرسال تعليق