حكمة الشهر

ما ينفعك يا كويت بالعسر واللين إلا عيالك وخذي العلم مني

Sewalefyal@

صفحة الفيس بوك


عدد الزوار (Unique)

من نحن ؟

نبش في المدونة !!

قائمة المدونات الإلكترونية

Followers


رفيجي قالي سالفه , ودي اشاركم فيها

امس بعد ما مر ياخذ ولده " بو ست سنين " من مدرسته ...و اهو بالسياره دار بينهم هالحوار

الولد : يبه علاوي رفيجي كله يقول سيدنا الحسين ... يبه منو سيدنا الحسين

الاب : احنا سيدنا محمد صلى الله عليه و سلم ....و الحسين حفيد الرسول

الولد : يعني ما نقدر نقول "سيدنا " الحسين ؟

الاب : امبله نقدر نقول سيدنا الحسين .. سيدنا الحسين رضي الله عنه و سيدتنا عائشه رضي الله عنها و كل عيال و زوجات الرسول " رضي الله عنهم "

الولد : يبه الابله تقول لا تيون يوم الخميس

الاب : ليش

الولد : لان الشيعه عندهم عطله ...و رفيجي علاوي يقول انت لاز م اداوم ..انت سني ..يبه شنو يعني شيعه و سنه

الابو تفاجأ من هالسؤال الغير متوقع و اهو بالهعمر

الاب : شوف حبيبي ... الشيعه و السنه مثل برشلونه و ريال مدريد ..يلعبون ضد بعض داخل اسبانيا ..بس بره كلهم ايمثلون اسبانيا

الولد : يبا منو فينا برشلونه ؟

الاب : يلا اذلف زين

عن نفسي ...ما عرفت اني سني الا بعد ما كملت الاربعتش .

متى المفروض يعرف الشخص انتمائه الديني من وجهة نظركم؟

24 التعليقات:

رورو الشخبوطه يقول...

وقفت قلبي حسبالي الخميس عطله وانا ماخذه اجازه قلت بيروح علي خخخ..

السنه احس يعرفون انتمائهم عادة متاخر مو مثل الشيعه لانه عندهم شعائر دينيه اكثر ويعلمون عيالهم من الصغر عدل ع مذهبهم ..

اما السنه ع منهج المدرسه و الاهل بس ..

انا عرفت اممممم يمكن اخر سنه بالمتوسطه لانه الوضع عندنا غير احنا اغلب منطقتنا مثل المذهب نادر اللي غير عنا ..

والحسين مو حفيد الرسول رفيجك خرب معلومات ولده وزفه بعد خخخ..

Sami يقول...

نبهتيني على الخطأ الغير مقصود

Mohammad Al-Yousifi يقول...

الولد له مستقبل كنائب في المجلس

مبروك من الحين

NewQ8 Bride يقول...

عيال هالوقت مشكلة ، و الله ما اذكر عرفنا هالمعلومة الا اخر سنة بالمتوسط

و شلون عرفت ؟؟ وحده يت قالت لي انه ابوها طق اختها عشان تبي تتزوج واحد شيعي و اهما سنة

و قعدت افكر و لما دريت اني سنية شلون اذا ابي اتزوج واحد شيعي و ما كنت فاهمه شالسالفة اصلا

غير معرف يقول...

اشلون الحسين مو حفيد الرسول؟؟؟؟؟؟؟ :o

غير معرف يقول...

بخصوص الحسين مو حفيد الرسول منو يطلع ولد الجيران مثلا

ناعمة الهمس يقول...

حوار عجيب والله

خالف تعرف يقول...

للاسف ان هذه المعلومة

برأيي غير مهمه
الا في بعض الامور

Made n Q8 يقول...

انا اذكر بالابتدائي اسالتني وحده انتي سنيه ولا شيعيه وحزتها مااكنت ادري شسالفه ولا فهمت شقصدها!

غير معرف يقول...

الإمام الحسين هو حفيد الرسول صلى الله عليه وهلى آله وسلم

معقولة ما عندكم أبسط المعلومات العامة؟

يعني لو الواحد يسألكم عن آخر موديل تلفونات نقالة أو أحدث معرض بالافنيوز, خمسين واحد راح يطمر ويجاوب صح

:)

غير معرف يقول...

الحسين سبط الرسول صلي الله عليه وسلم ابن بنته فاطمه زوجه علي بن ابي طالب كرم الله وجهه

يقال لابن البنت سبط وابن الولد حفبد

غير معرف يقول...

أحلى شي سالفة ريال مدريد وبرشلونه:)

بالنسبة حق متى الواحد يعرف انتماء الديني أنا أتذكر ان أحنا من أيام الابتدائي واحنا نسأل هالسؤال؟

تحب حرف س ولا ش ؟

يعني كنا عارفين انتمائنا بس ماكانت في بالنا الافكار الي منتشرة الحين :)

مافي فرق بالنهاية.....

دمت بود

aL-NooR . يقول...

اذكر انا عرفت بالضبط بالمتوسط تقريبا ..كانت ام صديقتي شيعية و ابوها سني ..كانت تقولي انهم ما يدرون يصيرون على منو ..كنت مثل الاطرش بالزفة .. قتلها صيري شهر جذي و شهر جذي عشان لا تملين ..كان عبالي تمارين ولا رياضة او شيء @@


انا ابوي كان محرصنا من احنا صغار في مواضيع ما تتناثش برة اطار البيت و اللي يتكل فيه راح يوصلني ..كنت اموت من الخوف و انا صغيرة ..اللي اهي
سني ..شيعي .. بدوي .. حضري.. اصيل ..اسمر ..عيمي ...ابيض .
كنت مستحيل اقول كلمة من هالكلمات .. بس الحين احس اليهال يتناقشون ..

BookMark يقول...
أزال المؤلف هذا التعليق.
الجودي يقول...

المفروض بالنسبة لي من الصغر يعني و إنت اتعلم ولدك او بنتك الصلاة اتعلمها اصول الدين عدل المفروض :)


يمكن عرفة بسن صغير بس ما عرفة الفرق يعني غير المسميات و تقريبا على الثانوية أو يمكن بالجامعه بديت اهتم بالموضوع و اقرأة علشان اعرف الفرق بينهم و بس

بس صحيح الشيعة يحرصون على عيالهم من عمر صغير اذكر مره بنات معاي في المتوسطه يقولون احنا غلط يدخلونا هني كان المفروض نروح المدرسه الإيرانيه نعرف في أمور دينا و كنت قاعده بالوسط أقولها إيه و صح صاجه و فجئة التفت علي قالت لي إنتي شنو و كان ردي بكل براءة س شفت نظرة لي الحين مو ناسيتها لوووول تعرف نظرة و إنتي شكو اتناقشين الموضوع معانا اتوقع من بعدها عرفت إن أكيد في فرق بينا لوووووووول و الخوات حسبالهم أنا منهم و كانوا يطبون فينا و لآن الموضوع ماكان يهمني وايد فما كنت حاطه في بالي إن كلامهم هذا قاعدين ينتقدونا :)

سامي

ترى صور النيو يير نزلوا فريش رحلة آخر نوفمبر أول ديسمبر شوف يمكن ايوز لك شي :)

سلمان السعدون يقول...

سلام عليكم

يعطيك العافية لو قايل العربي والقادسية أبرك

بالنهاية كلنا كويتين

:)

Seldompen يقول...

من وجهة نظري ..

في السن اللي توجب عليه الصلاة ..
وبعضهم يعرفون من وأهما أصغر , بأختلاف الأهل وطريقة تربيتهم طبعاً ..

=)

فعلاً حوار عجيب .. وأسلوب الأب لتوضيح الفكرة شيء مو طبيعي ؛)


وكثيرة المواقف اللي تصير بسبب الأطفال في ما يخص هذه المواضيع , وهذا أمر طبيعي جداً ..

تحياتي ..

فواز يقول...

هههههههههههههههههههههههههههه

احلى شي قوم اذلف زين

يذكرني بابوي
ورد الاب على ولدة بهالطريقه وايد ابرك واحلى وارقى

جزيل الشكر على هالمواضيح الحلوة الحامضه نفس الوقت

والاخ خادم العترة رجاءا في فرق ممكن يشبه بين القادسيه والرازيل اي ممكن لكن مع العربي انسا الملكي وبس محد يقايش ويانا
بالنهاية كلنا كويتين

Unknown يقول...

أعتقد كنت بثالثة متوسط يومها وكنت ألعب بالشاليه مع أختي ومروا علينا بنات أكبر منا وسألتني وحدة فيهم: إنتي سنية وللا شيعية؟؟ شنو تتوقع قلت لها؟؟؟

-أنا قدساوية!!!!

لوووووووووووول!!

Sami يقول...

مطقوق ..تهقا :)

New Bride... والله في زواجات ناجحه

غير معرف 1 و 2 ...من قال غير جذي :)

ناعمة الهمس .. :)

خالف تعرف ..اتفق معاك

Made n Q8... وايد مبجر على هالتفكير

غير معرف 3 ... ليش احنا شقلنا :)

غير معرف 4 ... مو ملاحظ ان الحوار بالكويتي !

مجرد امنيات ..اكيد ما في فرق

النور ... الكل حر بمعتقداته

الجودي .. ويه ذكرتيني عندي صور من المهندسه ابرار

خادم العتره ..منو فينا القادسيه ؟ :))

pen seldom..المفترض يعلمونه ثقافة الاختلاف ..قبل لا ايعلونه توجهه الديني

فواز .. الله يخلي لك الوالد :)

LoOli.. لوول

غير معرف يقول...

بالله شنهو الفايده من النقشات هاذي شنهو نستفيد من هالنقشات وين تودينا يا جماعه الزبدة المعني من اثارت النعرات هاذي يبا هذولا مشاكل من بطن التاريخ شحقه نصحيها خلوها في التاريخ الحين مو قادرين نحل مشاكلنا انقوم نطلع ونخلق مشاكل من لاشئ يا عمي بلا سني بلاشيعي تعلمو مثل الناس السويه شلون تحل مشاكلها تالي استوردوا مشاكل علشان تغثونا فيها

سلمان السعدون يقول...

سامي صباح الخير

شفت ان مثالي واقعي وانت صدتها هههههه

يعطيك العافية

بس فواز ان شاء الله تاخذون كاس العالم

مو بعيده هههه

تحياتي يا نور عيني

SaRa almutairi يقول...

احمــ ياخوفي اتكفخ بعد هل التعليق بس بقووول وإلي فيهاا فيهاا ^_*

____

من رايي ان لاااازم لاازم نعلم الصغار ونأسسهم ونعلمهم شلون يصير ولاءهم سني بحتي ... لان للاسف إلي قاعد يصير ان الشيعه عيالهم داخلين بقوة تلقاه عمره 12 سنه عااارف اصولهم كلها ... واما عيالنا سأله سؤال بسيط بالعقيدة مايعرف يجاوب ... ( الشيعه على عيني وراسي :) )
وصح ان أول ماكان الاهتمام بالسني والشيعي كبير ...

بس اختلف الوضع الحين صار السؤال الشاغل انت سني , شيعي . حضري , بدوي . اصيل , من ساير الناس ؟؟ ...

فلاازم لاازم نوضح حق الصغار قبل الكبار ... وخاصة سالفة الحسين رضي الله عنه وأرضاه ... لازم نشرح لهم قصة موت الحسين وشلون وليش ... لان الياهل تثبت معاه من أول مره ... ( العلم في الصغر كالنقش بالحجر ) ...

< مجرد وجهة نظر بسيطه > :))

تفاصــيل يقول...

زين والله انك عرفت انك سني بالاربعتش..انا ماعرفت اني سنيه الا لما دخلت الكليه وشفت الانتخابات لوووول