Sewalefyal@
صفحة الفيس بوك
عدد الزوار (Unique)
قائمة المدونات الإلكترونية
-
بِك يا الله ..قبل 3 أسابيع
-
مرحلة بلا طعمقبل 10 أشهر
-
طوفان الأقصى ثورة عالميةقبل 11 شهرًا
-
التمسك بالأملقبل عام واحد
-
-
-
-
-
إلى أين أنت ذاهب يا "شيخ "بالله عليكقبل 5 أعوام
-
-
-
-
-
رسايل لـ مي عز الدينقبل 6 أعوام
-
رمضان طب علينا، من العطش ياويلناقبل 7 أعوام
-
-
السكوت علامة الرضاقبل 7 أعوام
-
سلمان الفاتح!قبل 7 أعوام
-
المشاركة والمقاطعة.. وجماعات المعارضة.قبل 8 أعوام
-
وقد بَطُلَ العجب... !!قبل 8 أعوام
-
-
زائر الليل ..قبل 8 أعوام
-
باص الحكومة و قطار القطاع النفطيقبل 8 أعوام
-
كاريكاتير مابعد أسعار النفطقبل 8 أعوام
-
صديقي... الشيخقبل 9 أعوام
الأحد, أغسطس 01, 2010 | 
مرسلة بواسطة
Sami
في الاونه الاخيره ..اصبح الحديث مع رامي يأخذ مجرى اخر غير ما كنت معتاده بالسابق ..بات الحديث معه كمن يقود سفينه بلا قبطان ..لا تعرف اين ستتجه دفة الحديث و اين سترسوا سفينة الحوار.
لا اعلم ما الذي طرأ على شخصيته ..اهو حب متواري ام شخيوخه مبكره
الزبده
امس كانت سالفته عن سفرة ميونخ ..اخليه يسولف لكم السالفه ..و انتوا احكموا منو فينا الغلطان..اتركم مع السالفه
طلعت مع السايق من البيت قبل ساعتين من الاقلاع
مريت " الدينماركيه" خذيتلي كيكة المنجا ..عجيبه ..انصحك فيها
مو هذا موضوعنا
المهم
عند طلعت اليرموك بنجرت السياره ..توهقت ..و الا بييت خالد ما غيره الي يهذر وايد ..و الله يزاه خير وصلني المطار ..تعال ترا ياله و لد
مو هذا موضوعنا
المهم
وصلت المطار ..بعد ما شحنت الجناط ..تذكرت اني حاط المقراضه بجنطة اللابتوب ..قلت اعطيها البنقالي الي دز الجناط ..ما لي خلق ايسوولي سالفه بالمطار
مو هذا موضوعنا
المهم
ركبنا الطياره..و هناك قعدت يمي عيوز قراقه ..ما خلتني اشوف الافلام الي نزلتها بالاي باد..بس عرفت انها خالة مبارك..بو صماخ..عرفته ؟
مو هذا موضوعنا
المهم
وصلنا هناك على الساعه خمس الفير ..و الا الشوارع منتلفه من الوصخ .. تقول داش جليب شيوخ مو ميونخ..سألت سايق التاكسي شسالفه ؟...قالي هذول السكارى بس يطلعون من البارات يتلفون المكان ..بس بعد ساعه راح تشوف المكان يلق ..قلت بقلبي ..اي ما عندهم بنغاليه عمال نظافه
مو هذا موضوعنا
المهم
وصلت الفندق ..عند " الشيك ان" اكتشفت اني ناسي الفاوجر ..قتلهم شفوا اسمي عندكم بالكمبيوتر ..عيالة اللذينه ..قالوا اسمك موجود بس لازم فاوجر علشان قسم المحاسبه بالفندق..دقيت على البيت..قتلهم يدزون الفاوجر بالفاكس..و الله بعد عشرين دقيقه وصل الفاوجر ..دخلت غرفتي بطلعت الروح..بطوا جبدي
مو هذا موضوعنا
المهم
اتصلت على هينز و واعدته اقابله العصر بقهوة " كرشتات" ..و هناك وصلت بالموعد.. نطرت عشر دقايق..عشرين دقيقه ..ساعه ..ساعتين ...اتصلت على موبايله ما يرد ..شفيه هالاهبل ..ادق مره ثانيه هم معطيني طناش ..دقيت على المكتب ..ردت على سكرتيرته ..خبرتها ان عندي موعد معاه من قبل ساعه ..بطتها بجوه ..انا قلبي طاح بطني ..شفيج تبجين عسى ماشر..قالتلي ان بيتر سوه حادث قبل قبل ساعتين ..و الله اخذ امانته..تصدق سامي ..هينز مات بييته لي
مو هذا موضوعنا
المهم
ميونج صارت ما تنبغى ..كلها خليجيين و عرب
ملاحظه
خارج الموضوع
صورة الاسبوع من نصيب الاخت لوير ..صوره تبعث التفاؤل في النفس ..شكرا جزيلا ..و في انتظار باقي المتقدمين :)
23 التعليقات:
لوووول
منو هذا رامي اللي كان يتكلم جذي
يا حليله
حبيت سوالفه
الا شنو اهو موضوعه
;p
**شالسالفة والله مافهمت شي ! رامي منو أصلا ؟؟
جاكليته ...لووووول المعذره ..مسحت التعليق لانه يفشل شوي ..رامي صديقي من كان عمري 10 سنوات ..اشكرج تواصلج معنا
واي مي .. موضوعه ان ميونخ صارت ما تنبغى :)
ميمة السبت ...شريكي بالمدونه :)
sami
بليز نبي عينه من سوالفه قبل علشان انقارن p;
صباح الخير
على الأقل بالأخير وصل لك إلي بيقوله أحسن من إلي يشط بالوسط و يدخل بموضوع فرعي بعيد و يتشعب فيه لين تمل من السالفه بالأساس و اتضيعها
أتمنى لك و للحضور يوم سعيد
وانت متابع معاه لين اخر السالفه
:)
والله زين منك
شكله ونيس رفيجك رامي
ترا الرفيج الكلوووس دايما يبي يعلم رفيجه
كل تفاصيل يومه عشان جذي إذا بدا بسالفه
يقطع فيها بتفاصيل إنت تحس ماله داعي بس أهوه واعليه مايبي يطوف شي بحياته مايقولك
وانا مع رامي والله صاج
ميونخ ماتنبغى كله خليجيين وعرب
وناسه شحلات صورتي
اللقطه هذي من سيدني
أستراليا سنة2007
توه عقب هالصوره بلوقك يصير حلو :-)
انا قرأت البوست بالكامل ..
وكنت متصوره انه الكلام طالع من بنت ..
زوجه .. خصوصا انه من وحي الخيال ..
وردي ماكان فيه ولا كلمة تخدش بالحياء ؟؟
اشكرك .. لفهمي الوضع ..
بالتوفيق
لول خوش بوست، بس مو هذا موضوعنا p; !
سلم على رامي .
عندي وايد من النمونة هذي
المشكلة إني ماقدر أركز بالأحداث
وأسرح
فجأة أقول ؟ وشنو علاقة هذا باللي قبل شوي
:/
لووووول
يبين إني فصلت!!
فشلة
بس صج صج شاطر انك متابع ماشاء الله..
___
وبالنسبة لرامي ، قريت مرة أن الذكي يدخل بأكثر من موضوع ويتكلم بعدة محاور متتالية.. ويكون سريع الكلام..
اعجبتني الفقرة الأولى
تصلح بداية قصة :)
أي مو هذا موضوعنا المهم اشلونك .؟
الجودي….سوالفه قبل ونيسه :)
الزين ..شفتي شلون :) الصديق وقت الضيق
لوير ... مبروك صورة الاسبوع :)
جاكليته...تعليقج الممسوح يخلوا تماما من اي نوع من انواع خدش الحياء , بل بالعكس كان في قمة الرقي ..لكنه انبنى على افتراض غلط ..عادي سوء فهم من الطرفين :)..بس الصراحه ضحكني وايد ..و كل ما اذكره اضحك ..انا سعيد اني تعرفت على مدونه راقيه مثلج .. السبب الرئيسي الي خلاني امسحه ..خفت رامي يقراه و يقعد يضغطني طول الاسبوع ..او يمكن طول السنه ..تحياتي و تقديري لج :)))
شيخه ...انتي مدونه كسوله :) وينج من التدوين ؟
مي ..اشك في واحد من نمونة رامي ..ما يتكرر ..يمكن تقليد :)
بوك مارك ..انتي قاعده تحرضيني اكتب قصه :) انزين ما قلتيلي شنو " النافذه المنبثقه "
عين بغزى ..هلا بالحبيب ..شلونك و شخبارك :))
هههههههههه
محد كدرني بسوالف رامي الا هالبيتر خنت حيلي مات قبل لا يوصله له .. المهم مو هذا موضوعنا p;
بوست خفيف وحلو ويعطيك العافية
لووول
أحلى شي عحبني
مو هذا موضوعنا المهم
ومع الاحمر صاير جو ;p
انا قاعده اهندسلك صورة وبدزها لك عالايميل
مو هذا موضوعنا المهم
والله امقدر اقولك شنو مشكلته بالظبط..
بس اعتقد انه عنده فلاينج ثوتس:)
من جذي افكار ادش ابعض
وبعدينا نا عاجبني السرد عنده
يقولك تسلسل الأحداث...
وعلى فكرة مادرينا ليلحين شنو الموضوع وشنو المهم!!!
مساك الله بالخير
Engineer A..نورتي المدونه :)
فيونا ..حاولت اضيف مدونتج ..لكن في مشكله في التحديث ..حاولي اتضبطينها
سلة ميوه ..اميه بالميه عند فلاينج ثوتس :)
وين موضوع الوحدة الوطنية ؟
مو هذا موضوعنا المهم لووووول صج ضحكني الموضوع ;p
مطقوق .. هونت :)
Tazmania ... اهلا و سهلا :)
اذا بغيت اقول سالفه حق رفيجتي من الصبح لي الليل
تلقاني للحين ماخلصتها كل شوي اقولها اي خل اقولج شصار ..... !
اتمنى لو مره ابي اسولف بموضوع ومادش
بمليون موضوع ! وادش بتفاصيل مو مهمه بتاتا (=
بالاخير موضوعي ضاع بالطوشه
وعادي تلقاني باليوم ثاني اتذكر إني للحيني ماقلت اللي ابيه
ميخالف طوفله :)
اذا بغيت اقول سالفه حق رفيجتي من الصبح لي الليل
تلقاني للحين ماخلصتها كل شوي اقولها اي خل اقولج شصار ..... !
اتمنى لو مره ابي اسولف بموضوع ومادش
بمليون موضوع ! وادش بتفاصيل مو مهمه بتاتا (=
بالاخير موضوعي ضاع بالطوشه
وعادي تلقاني باليوم ثاني اتذكر إني للحيني ماقلت اللي ابيه
ميخالف طوفله :)
إرسال تعليق