حكمة الشهر

ما ينفعك يا كويت بالعسر واللين إلا عيالك وخذي العلم مني

Sewalefyal@

صفحة الفيس بوك


عدد الزوار (Unique)

من نحن ؟

نبش في المدونة !!

قائمة المدونات الإلكترونية

Followers





تحت أنغام الموسيقى

محاط بالتلال من كل جانب

مستلقي على السرير

عن يميني رامي يقرأ جريدة الاخبار و عن يساري غزلان رابضة تحت الشجرة

و انا في عز انغماسي بتلك الأجواء الساحرة التي تبدوا غير واقعيه و لكنها حقيقه مائه بالمائة

تفتق ذهني عن أمور لم أكن أتوقع إن أفكر بها من قبل

استعدوا

بقلب كويتي

ليش إذا بغينا نعبر عن رفضنا عن شي نقول

لا لا لا لا لا

ما ادري ليش لازم انكرر "لا" خمس مرات

انا ما شفت امريكي يقول نو نو نو نو نو

" نو " وحده و كفى الله المؤمنين القتال

او لما حريمنا ودهم يستنكرون حدث معين يقولون

هو هو هو هو

معنى "هو" وحده كافيه لوصف حالة الاستنكار

او اذا يتلهم حنه من عيالهم يقولون

انزيز انزين انزين

اعتقد "انزين" وحده تأدي الغرض

او اذا ودهم يقرصون فخوذ عيالهم يقولون

تعتعتعتعتع

يعني تعال تعال تعال تعال

للحديث بقيه

17 التعليقات:

Crazy Girl in aGood Way يقول...

لان اغلب الشعب حنان ( بمعنى حنه )

وتكرار لا اكثر من مرة للفكه من الحنه :)

الجودي يقول...

sami

بوست خفيف الدم ماله تفسير عندي و حاولت أسأل أمي إلي تزامد وجودها بالغرفه و أنا اقرأ البوست و قلت لها ليش الكويتيين لما يستنكرون يكررون لالالالالا

و كان ردها قمه في الأنوثه الكويتيه ...

قالت ما نقول لالالا

نقول هو هو هو هو هو

لوووول

بانتظار تفسير منطقي .. متابعه لتعليقات

صباح السعادة

BookMark يقول...

يمكن من باب التكرار يعلم الشطار؟

خارج الموضوع:
ليش الصورة وايد كبيرة؟

و بداية الموضوع:
إجازة سعيدة :)

غير معرف يقول...

عليكم بالعافيه
إجازه سعيده:-)

صاجه كريزي أغلبية الشعب يحب الحنه

عاد شنو ماأحب كلمة انزين انزين

ولدي إذا قاله يعني نطري ساعتين

الله يهديه ويصلحه يااااارب

شاي الضحى يقول...

تعتعتعتع !!

هذي يديده

:)

AuThoress يقول...

تندرج تحت ثقافة شعب .. يعني في شعوب تستخدم اكثر من مرة ، وفي شعوب عربية كالشام مثلا.. يعبرون عن الرفض بــ الايماء .. برفع رؤوسهم نحو الاعلى ونصف إغماضة للعين .. دون كلمة ..
ونحن فعلا.. نكرر كلماتنا .. كما ذكرت ، ربما لأن لا أحد يسمع من أوّل مرة ؟ وصارت عادة :)

جميلة الالتقاطة

esTeKaNa يقول...

حين نكتب..نصر كثرا على القلم وكأننا نحفر الورق
وحين نتكلم..نكرر الكلام وكأن هناك احد لا يسمع
:)
التكرار:
لتؤكد لنفسك ما تقوله
ولتأكد للآخر احساسك بالرفض او الانبهار

ملاحظتد دقيقة ما شاء الله:)

الزين يقول...

عن نفسي اذا رفضت شي اقول لا وحده بس ممطوطه
لاااااااااااا

:)
او نووووووووو

واذا استنكرت شي اقول

هااااااو

هم ممطوطه

اذا حصلت تفسير للتكرار
دوري معاك عن تفسير للمط

:)

صباح الخير
ولا قبل لا امشي ابي اعرف وين مسافر!!
بلاغة شف
:)

الزين يقول...

دوري = دور لي

:)

الحياة حلم يقول...

اكرر كلمة انزين
لما احد يحن علي :)

جاكليته يقول...

هههههههههههههههه

موضوع بصراحة واايد حلو

صج ليش ليش ليش نكرر الكلام ههههههههههههههه
عندنا تأتأه ؟؟
انا اتوقع انها سمة اهلنا من قبل واحنا تعودنا عليها ..
ومااعتقد انها من باب التكرار يعلم ...!!
لانه العيب مو في المتلقي للتكرار .. باللي قايله .

رورو الشخبوطه يقول...

لانه التكرار يدل ع التاكيد..

وهم ساعات نقول اذا انصدامنا وي وي وي << الصبيان مايقولونها :)

شكرا..

Sami يقول...

....ردة فعل طبيعيه على " الحنه" :)Crazy Girl in aGood Way



الجودي ..الله يحفظ الوالده و يخليها لكم ..ما اعتقد في تفسير منطقي لهلحاله :)
بوك مارك ... خابر التكرار ينفع مع شي غير الشطار :)
لوير ..لوول يحليله الله يحفظه :)
شاي الضحى ..صج والله ؟
...راح اتمقل صديقي السوري :) AuThoress

استكانه ..ما ادري السبب يعود على الجينات او حرارة الجو :)

الزين ..حرقتي المفاجأة :) ما اتوقع في تفسير منطقي :)) ..جمعي الادله على بعض راح تعرفين و احنا فيه ..تلال و غزلان و صوره فوق

الحياة حلم ...كلما زادت الحنه ..كل ما زاد التكرار الرد على الحنه :)
جاكليته ..كلنا متهمين بالتكرار :)
رورو الشخبوطه .. ما اعتقد التكرار طريقه منطقيه للتأكيد على شي معين :)

Rami يقول...

سامي بقولك سر ..
وانة راجع الاوتيل بغينا ندعم مرتين ..
السايق أنهبل لما قلتله بعطيك فلوس اذا وصلتني خلال نص ساعة .. اشوف العداد ما ينزل عن ال 200 الا اذا مرينا على رادار او سيارة شرطة ..
اشوة ان السيارة بي ام 740 مو شفر كابريس ..
جان متنا .

Nikon 8 يقول...

التكرار هم تأكيد للكلمة
بس عاد إشدعوة جايبة نتيجة ؟

Sami يقول...

رامي ...انت رايح فيها ..الله يحفظك لنا من كل شر

نيكون ..اي و الله :)) ..صاجه

روان يقول...

آخر كلمة ،
ياني مشهد من المشاهد اللي أكون جاكة أخوي الصغير مسوي شي مع سبق الإصرار و الترصد و بباله مشروع نحشة!

:)