Sewalefyal@
صفحة الفيس بوك
عدد الزوار (Unique)
قائمة المدونات الإلكترونية
-
بِك يا الله ..قبل 3 أسابيع
-
مرحلة بلا طعمقبل 10 أشهر
-
طوفان الأقصى ثورة عالميةقبل 11 شهرًا
-
التمسك بالأملقبل عام واحد
-
-
-
-
-
إلى أين أنت ذاهب يا "شيخ "بالله عليكقبل 5 أعوام
-
-
-
-
-
رسايل لـ مي عز الدينقبل 6 أعوام
-
رمضان طب علينا، من العطش ياويلناقبل 7 أعوام
-
-
السكوت علامة الرضاقبل 7 أعوام
-
سلمان الفاتح!قبل 7 أعوام
-
المشاركة والمقاطعة.. وجماعات المعارضة.قبل 8 أعوام
-
وقد بَطُلَ العجب... !!قبل 8 أعوام
-
-
زائر الليل ..قبل 8 أعوام
-
باص الحكومة و قطار القطاع النفطيقبل 8 أعوام
-
كاريكاتير مابعد أسعار النفطقبل 8 أعوام
-
صديقي... الشيخقبل 9 أعوام
الأحد, يوليو 18, 2010 | 
مرسلة بواسطة
Sami
1955
رحمه مستغرقة في دق الهريس مردده أهازيج من نوع "يا الله و يا الله ...يا الله و يا الله
يا الله و يالله ...يا كريم يا هو "
الولد يقطع عليها أهزوجتها : رحمه... رحمه ..شفتي امي
رحمه : لأ ما شفتها
الولد و بأعلى صوت : يما يما ...يمااااااا
اليده : و صمه...شهالصيحه ...امك شالت شلايلها و طلعت بيت ابوها ..بنت ابليس
الولد : يعني انتي امي الحين ؟
اليده : أي انا امك
الولد : يما بروح الحبال مع صلوح و سلوم
اليده : يصير خير
الولد : اقولج بروح تقولين يصير خير
1965
الام مستلقيه على " الدوشق" بالصاله و مبروكه " العراقيه " تدهن و تهمز ريولها
الولد : يما يما ..يماااااا
الام : لا تلبح وايد ...شعندك قول
الولد : يما خلروح لبنان ..حمود يقول لبنان احلى من مصر
الام : يصير خير
الولد : يعني ما راح نروح لبنان
الام : قتلك يصير خير ..اذلف عن ويهي
1975
الام مندمجه بمشاهدة زيارة السادات بتلفزيون الكويت
الولد : يما يما ....يمااااااا
الام : اجعم جعمك الله
الولد : يما ميخالف اروح الحداق مع نواف بعد المغرب
الام : نوافوا ما غيره ...لأ طبعا
الولد : ليييش ...الكل بيروح معاه ..حمود و خلود..يماااا
الام : انزين يصير خير
الولد : يما لا تقولين يصير خير ...قولي انزين
1985
الام في حالة انشكاح ...حاطه جهاز البخار على راسها ..و قاعد تقرا مجلة سيدتي
الولد : يما ..يما ..يماااا
الام : الله يقطع ابليسك ..شتبي
الولد : يما عطيني ربع دينار ..يروح السينما مع رائد
الام : يصير خير
الولد : يبا ..يبا ...يباااا
1995
الام توها خالصه من صلاتها ..قاعد تفصخ ثوب الصلاة
الولد : يما ..يما ..يماااااا
الام : يعلك الغافيه اللي تعافيك
الولد : يما نقي فلوسج ..يلا بسرعه
الام : ليش
الولد : بروح الصالحيه
الام : يصير خير
الولد : يعني حامض على بوزي
2010
الولد منبطح بالصاله يطالع مباراة المانيا و اسبانيا
الام : عبداللطيف ..لطيف
الولد : هلا يما
الام : حبيبي ابيك تودي خواتك السبت الياي دبي
الولد : ما عندي رصيد اجازات
الام : من قال لازم تاخذ اجازه ..بتروحون الصبح و تردون بالليل
الولد : يصير خير
الاشتراك في:
تعليقات الرسالة (Atom)
17 التعليقات:
مسا الورد
امممم
انت تقرا افكاري!!!
امس انا وبقشة نقاشنا نص ساعه على
يصير خير!!!
:)
يصير خير
حتى الـ "يصير خير" تغيرت وتحورت خلال هذه العقود
وعلى (لاتقولين يصير خير قولي انزين)
أذكر كنا نقولهم لاتقولون ان شالله قولوا انزين :)
كنا نبي كل شي مضمون 100% ومو متعلق لا بظرف ولا مشيئة، استغفر الله :)
لووووول
اذكر قبل لما كنت اطلب من ابوي شغلة
ويقولي يصير خير
اغسل ايدي
جنه قايلي اذلف بس بطريقة محترمة
لووووووووول
:)
أنزين
يصير خير :)
** احسن طريقة للتصريف و تسكير المواضيع
سامي
إلي شدني في موضوعك أكثر من يصير خير و إنزين
تسلسل الطلبات وفق الزمن و وضع الأم من دق الهريس لي الدوشق لو زيارة السادات لي البخار ومجلة سيدتي و الصلاة تطور كويتي بحت أحس مر معاها شريط ذكريات من نوع خاص مر في كل هالمراحل باستثناء أول عشرين سنة ولا أقولك خلهم 30 سنة P;
أنا مثل الجودي
عجبني الحوار...والمشاهد المختلفه باختلاف الزمن
بصراحة:
رائع
:)
اما يصير خير:
فهي السبيل السريع للخلاص من حنة رنانه على الراس
:)
:) "يصير خير" هي الوجه اللطيف لكلمة *لا .
لطالما آرقتني هذه الكلمه في صغري ..
----------------------
آخر سطر:
وقفت كثيرا أمام يصير خير2010
لا أعلم هل كانت وقفة تأمل أم تحسـر ;)
عجبني تسلل الأحداث
وشلون تغير أسلوب الأم وطلبات الولد ؛)
إذا كنت أبي شغله ومصره عليها
ماأحب يصير خير أحب إي أو لأ
وزيد على تغير الطلبات عبر السنوات
طفل عمره 7سنوات يحن ويبي آي باد وبلاك بيري
عيل إذا صار عمره 10 سنين توقع شراح يطلب!!
الله يستر من السنين اليايه
لووول الزمن دوآر ، يالله سترك
" يصير خير " ،
يصير خير = غسلوا ايدكم = من امه لا
بسنة 95 ما كان في لا فنار ولا حتى سوق شرق
:)
خوش بوست كالعادة
عيالي يطفرون مني اذا قلت ان شاءالله!
سلة ميوه ....توارد خواطر :)
بوك مارك... اشاءالله يعني بالنسبه لنا بالمشمش :)
لو كويت ...اخترت الصوره الاولى و الثانيه ..ماشاءالله خوش صور ..الله يعطيك العافيه :)
عين بغزي ...يصير خير مالتك تهديد :)
ميمة السبت ...بالضبط :)
الجودي ..اخر كلام ثلاثين سنه :) ... الله يستر من مستقبل يصير خير :)
استكانه ... " يصير خير " و بالمشمش وجهين لعمله واحده :) .. شوعنا معنى " يصير خير "
البشاير ...اعجبتني مدونتج :)
لوير ...مو هذا الي انا خايف منه :)
ٵنثے ملآئكيـﮧ ~ ..شفتي شلون :)
nextwensday ... لووول
جندله ... صج والله :) ..ويه الكويت توها مطوره ..غيرتها خليتها الصالحيه :)
LOOL !
"يصير خير" ، طريقة للتصريفة من قبل الوالد
مُستنزفة بـ كثرة
p;
خووش بوست صج يوصف حال الازمان :)
إي والله إن الزمن تغير :)
يعطيك العافيه :*
Rawan....الله يحفظها لج :)
TaZmaNiA... شكرا جزيلا :)
Yousefiya..الله يعافيك :)
إرسال تعليق