سوالف يال

13 التعليقات:

الأستاذ مزيكا يقول...

السلام
خلصت التقرير ولا بعد:) المدير ناطرك

شوف مااعتقد احد يحب مديره
مديري السابق هو اللي مخلي صدري مكربن يعني يجيني بالخفاره وياه شيشته اول يوم احراج تكلمه وبعدين يوم السالفه امصخت حطيت استكر على الباب هيكل عظمي ويمها علامة التدخين ممنوع وهم مافاد فيه

واخر الشسهر هواش ويا رئاسة القسم وين تقارير هالصبي..هالصبي مره وحده ...استقاله
والمدير الحالي مايمديه يخلص الشهر ..ويين تقريرك ..هاك عدله مايمشي وياي ..وين ورني اللي اشتغلت فيهم..كاه شوف...شهر وكل هذا شغلك..بعد شسوي

انا اقول كمل تقريرك المدير ناطرك

والكلام يجب ان يكون مطاعا

31 يناير 2010 في 5:19 م

Sami يقول...

مديرك يشرب شيشه بالدوام !!!....الله يعينك ...و الله هانت علي مشكلتي :)

31 يناير 2010 في 10:04 م

الزين يقول...

انا جني علقت

هممم

وطار التعليق

دقت الساعة وبروح انام


تطالبني تعليق
واطالب مدونتك الي بلعت تعليقي هاااام تعليق

تصبح على خير

31 يناير 2010 في 10:17 م

Sami يقول...

انتي من اهله ..لازم اعرف تعليقج !! ..راح ابعث لج صوره من الكتاب الي قتلج عنه على ايميلج الخاص

31 يناير 2010 في 10:45 م

panadool يقول...

لوووووووووووووول

سامى

الظاهر تشتغل بقطاع خاص وأحمد ربك أن أمورك مرت لهذا الحد

والله لوتشوف مدراء الوزرات ؟؟؟؟؟؟؟؟؟؟؟

خصوصا إذا كان المدير زعول ... أو يحب صوغة السفر

بس وضعك زين ماعليك

وشكرا

1 فبراير 2010 في 1:44 ص

why me يقول...

صباح الخير سامي

ترا عادي جدا وتصر وايد وياما مرت علي هالسوالف
سو لا تحط في بالك
شغلك اهو مستقبلك وبالطقاق اللي يطقه .. لازم تستحمل اشوي وتسمع كلامه تالي انت اللي راح تربح مو اهو


انت خبره
مستقبل
ممكن اتحصل اوفر حلو من ورا هالخبره أشياء وايد
اسمع كلامي :)


وكمل تقريرك
;p

1 فبراير 2010 في 7:46 ص

الزين يقول...

صباح الخير يا سامي

شوف
مديرك هذا ذكرني بمديري السابق
بس الفرق ان كان واحد حبوب
ومسالم
عبقرى في مجاله
بس ما عنده تركيز
مخه كله مرفع
وفي مكان ثاني
عمره ما كمل جمله
يحتاح واحد يعرف يكمل الفراغات معاه
وينظم شغله
بالمعامله اعطيه الف
بالمرونه نفس الشي
ما يصلح اصلا للعمل مع كويتيين لأن راح يستغلونه

مو هني السالفه
السالفه ان كان على باله عندي العصايه السحريه
واقدر على حل المعضلات اللي يقطني فيها لأن مو مركز بضربة عصا
@@

ويمكن ان علمته على الشغله لأني سريعة البديهه وبسرعة اعرف اتصرف
فصار من يتوهق يطلب منو!!

اللي صار ان هالموضوع مع الوقت شتتني
مسؤولية ترى
صارت لي ظروف مرض
تالي سفر
تالي وفاة
ويمكن انشغلت
وصار البطل وايد يطيح بمطبات
لما ييه وقت التقييم السنوي
خاره معاي
الحييييييين .. على وقفاتي كلها
تنسى وتذكر بس اني بالفترة الأخيره انشغلت
وما كنت معطه العمل حقه 100%
وين التقدير
وين الإنسانية

وانوي له على نيه يا سامي
بوز لمدة اشهر
يعطيني شغل يوصل له بعد اسبوع
كل شي عندي بندنج
الريال طفر
لما ييه كلمني
بكل برود رديت عليه
انا قاعده اعطيك على قد التقييم السنوي اللي عطيتني اياه
@@

طبعا الريال
سكت ومارد
وعقبها ناداني يتعذر لي ان ما حسبها عدل
وان ان شاء الله بيعوضني
وان كان المفروض يقدر ان هالظروف خارجة عن ارادتي

:)
على بالك سكت
نوووووو
قلت له تبي ترضيني
انقلني من عندك
انا ما عندي الرغبة ان اكمل هني بهالقسم
وحتى لو اتم
ماراح اشتغل

شهر
وانتقل ومع درجه بعد
:)

شرايك فيني
اصلح يكون اسمي حصه
:))))

1 فبراير 2010 في 8:49 ص

الزين يقول...

:$

واكتشفت ان تعليقي عندك اطول من السي في مالتي

:)

1 فبراير 2010 في 8:50 ص

Sami يقول...

Why me ياليت اكون مثلج أخذ الامور بساطه و ما أحملها اكثر مما تحتمل .. الله يكثر من أمثالج :)

الزين ..تعليقج احلى من بوستي .... ودي أشيل البوست و أحط تعليقج ...تصدقين أني متعاطف مع حصه اكثر من فضه.. شخصية حصه تشكلت نتيجة الظروف الي مرت فيها ..الله يلوم الي الومها .

1 فبراير 2010 في 11:05 ص

Sami يقول...

بنادول العزيز ... مديري في كل الصفات الزينه ... مشكلته الوحيده انه وايد رسمي .. طبعا لا يقارن مع مدرا الوزارات :)
اقدر أتأقلم لا تحاتي

1 فبراير 2010 في 11:13 ص

Rami يقول...

اقولك يا سامي كما قال الامام الشافعي مع بعض التصرف :
أصبر على مر الجفا من مديرك .. فان فشل العمل من نفراته

ومن لم يذق مر الجفوة ساعة ... تذرع ذل الوظيفة طول حياته.

ومن فاتته الخبرة وقت شبابه .. فكبر عليه أربعا لوفاته .

وذات الموظف بالكرف والتعب .... اذا لم يكونا لا اعتبار لذاته.

1 فبراير 2010 في 11:31 ص

BookMark يقول...

امممم
تقدر تتغاضى عن الجوانب السلبية
وتشوف الجانب الإيجابي منه

مدير يقدر شغلك ومايظلم .. زين تحصل النوعية هذي

صح احنا مو مجبورين نتحمل تصرفاتهم الي تقلب نفسيتنا فوق تحت .. على قولتك مايتعامل مع خشبة اهوا

بس شنقول .. شي أحسن من شي
عالأقل لما تشوف تقييمك السنوي تنسى الي صار D:

2 فبراير 2010 في 7:02 م

Engineer A يقول...

هههه يلا زين صار عندك وقت لإنهاء التقرير .. عاد عسى خلصته قبل الاجتماع؟ :)

عندنا وعندك خير

الله المستعان :)

3 فبراير 2010 في 1:07 م

إرسال تعليق