حكمة الشهر

ما ينفعك يا كويت بالعسر واللين إلا عيالك وخذي العلم مني

Sewalefyal@

صفحة الفيس بوك

عدد الزوار (Unique)

من نحن ؟

نبش في المدونة !!

قائمة المدونات الإلكترونية

Followers


( بقت الصوره من جريدة الوطن)





اليوم القنوات التلفزيونيه على افا من يشيل

في شي اسمه يوتيوب

و في اختراع يسمونه بلوق

و الجهاز "الداثر" البلاك بيري يقدم برود كاست

و الاي فون ..حدث و لا حرج

و حتى اصحاب الدقه القديمه ما زالوا يستخدمون اس ام اس

و لي يبنا طاري الجرايد الي مثل الهم على القلب ..لازم نذكر الخدمات الاخباريه

و لا ننسى المنتديات و الجرايد الالكترونيه


يعني و انت بالحمام قاعد " و انتو بكرامه "على المرحاض تلبي نداء الطبيعه ..تقدر اتابع


فيصل المسلم و اهو يندد

مسلم البراك و اهو يلعلع

الطبطبائي و اهو يتنهوص

الدقباسي و اهو يتفذلك


الحكومه ما قالت لا تتحجى عن هذا و لا تذكر ذاك

ليش الاصرار على ندوه و تجمع

الظاهر و الله العالم نوابنا تيهم نشوه لي شافوا جمهور و تصفق

و علشان يشبعون نشوتهم ..يعفسون لنا البلد فوق تحت

الي بعرفه اهم يبون العنب و الا الناطور

العنب ..انك تقول رايك بالوسائل الي ذكرتها فوق

الناطور ...انك تبي تستعرض عضلاتك على حكومتك الي موفرتلك من البامبرز الي شخيت عليه الى الكفن الي بلفونك فيه بعد ما الله ياخذ امانتك

انا من حيث المبدأ مو ضد الندوات

لكن اذا ارتأت الحكومه انا الوضع الحالي ما يستحمل تجمعات و ندوات

خلاص في حلول بديله لايصال الراي

14 التعليقات:

عاجــل يقول...

هذا المبرر هو بداية تحولنا لدولة بوليسية
اما تقديرات الحكومة فهي دائما ترى ان الوضع حرج

يا عزيزي ليس هناك منطقة بين الحرية أو عدمها

~حَدِيـثُ الفَـجْـر~ يقول...

اتوقع قاعد يستعبطون ؟!!
لان يايستعبطون يايستعبطون
:\

قواك الله ..

الزين يقول...

انت وااااااااااااايد معصب

!!!!

Sami يقول...

عاجل... خلك من الحكومه ..ما تعتقد ان الوضع الحالي ما يستحمل تجمعات مثل الي صار بعقيله و الاندلس ..فتنه غير مسبوقه في تاريخ الكويت ..و مثل ما قلت في بديل ..لو هذا القرار انوخذ قبل عشرين سنه جان قلت قمع و كبت للحريات ..لكن اليوم تعددت الوسائل .. و الله الحمد ما كو شي بقلبنا ما نقدر انقوله .

حديث الفجر .. اتوقع جذي :)

الزين ...ما ادري حاس ان في غزو من نوع ثاني ..الله يستر

Engineer A يقول...

صح لسانك

خااالف تعرف يقول...

اذا سكتنا على منع التجمعات
راح تتطور الاجراءات لمنع تدوين ورقابه ع الصحف
حكومتنا ماينقال عليها ومستعده تمنع التجول للبقاء اطول مده !!
----
اما بخصوص الغزو فهو الظلم والتحيز والتفرقه
وما ان يهتز ميزان العداله في ملك ما
الا وبدأت ايدي الفرق تتخطف كفتيّ الميزان لاستمالتها نحوها
والله الحافظ

le Koweit يقول...

"ليش الاصرار على ندوه و تجمع "

لأن هذا حقي كمواطن كويتي
وبنص الدستور...

حنطفيس يقول...

ايولله وانت صاج

sa5er يقول...

على البركة ..

BookMark يقول...

الفتنة قادمة سواء بالعنب أو الناطور

الدســتور يقول...

هذا الربادي يقول جذي مو انته
:)

سلة ميوّة يقول...

أنا مع بوك مارك...


الفتنة قائمة...على حد السواء

Sami يقول...

المهندسه ابرار ...صح بدنج :)

خالف تعرف ..اختلف معاك بالفقره الاولى من التعليق ...جان كملتها بعد اغتيالات و تصفيات :)...و اتفق معاك بالفقره الثانيه من التعليق

لو كويت ..و ايضا من حق الحكومه اتخاذ اي اجراء تسحب فتيل الفتنه الي حاصله ..و بالنهايه القرار مؤقت في وقت حساس..و بعدين الي تشوفه انت كمواطن عادي غير الي تشوفه الحكومه

حنطفيس... اهلا و سهلا :)

صخر..:)

بوم مارك ..الله لا يقوله

الدستور.. ما فهمت :)..من تقصد بالربادي ..شخص معين او تقص المعنى الحرفي من الكلمه

سلة ميوه ..ماني خابرج متشائمه :)

KrKor يقول...

ناس تعشق الفوضى الواحد يكبر وده يـيشوف قدوه قدوه ما يشوف غير هذيله والفاظهم وتصرفاتهم الي تفشل

اعوذ بالله