-
طوفان الأقصى ثورة عالميةقبل عام واحد
-
-
-
-
خطوة أولى نحو الثقافةقبل 6 أعوام
-
ليالي اوجينيقبل 6 أعوام
-
حرية الراي العامقبل 7 أعوام
-
عبدالرحمن الراشد والهروب الى الأمام!قبل 7 أعوام
-
الإلحاد، يعتلي منصة الإدراكقبل 7 أعوام
-
-
هل للحزن طقوس !؟قبل 8 أعوام
-
-
وقد بَطُلَ العجب... !!قبل 8 أعوام
-
-
أضرب بِهِ صدرَك !قبل 8 أعوام
-
كاريكاتير مابعد أسعار النفطقبل 9 أعوام
-
يتعلم التحسونة براس القرعانقبل 9 أعوام
-
عرض منتجاتقبل 9 أعوام
-
اعادة الجدولةقبل 9 أعوام
-
لأنه بروح المدونات..سينجح!قبل 9 أعوام
-
شباب الكويت و الحراك السياسي تاريخياً ..قبل 10 أعوام
-
اموال الباطل زقووووووم فى بطونكمقبل 10 أعوام
-
هذا قدرناقبل 10 أعوام
-
قصيدة وضاح في صالح الملاقبل 10 أعوام
-
فوضى التحركقبل 10 أعوام
الجمعة, مارس 26, 2010 | 
مرسلة بواسطة
Sami
في ليله حالكة السواد و السماء ملبده بالغيوم ...في ذلك اليوم الذي هلت فيه طلعتي البهيه على وجه الدنيا...و انا احمل الكثير من التساؤلات المصيريه استعصى علي حلها...اسئلتي ليست من نوع اسئلة نائب "دايخ" لوزير " ما يدري وين الله حاطه"...اسئلتي من النوع السهل الممتنع ...اسئله قد تغير مسار التاريخ .
لذا اهيب لمن يملك الحقيقه ان يشفي غليل تساؤلاتي التاليه :-
1) ليش القطو اذا قلت له "بس بس " اييلك ..و اذا قلت له "تت تت" ينحاش ؟
2) كلنا نسمع ان البيت المهجور ..مسكون بالجن..هل الجن يحتاج لسقف و مسكن "حاله حالنا" ؟
3) ليش الهندي يهز راسه لما يتكلم ؟
4)ليش في ناس من الوهله الاولى نحبهم و ناس من الوهله الاولى نكرهم ؟
5)ليش الطباخين الرجال ابرع من الطباخين النساء و هذا الامر ينطبق على مصممي الازياء؟
6)ليش دائما اللون الوردي مقرون بالبنات و اللون الازرق مقرون بالاولاد ؟
7) ليش الافارقه ضروسهم بيض و تلق و احنا نفرشهم ثلاث مرات باليوم و يالله نلحق ؟
8) ليش الاكل المفيد دائما مر و غير مستساغ و الاكل الضار لذيذ ؟
9) ليش الجاي الحار يبرد اذا خليته جم دقيقه ..و الماي البارد بعد جم دقيقه يدفي ؟
الاشتراك في:
تعليقات الرسالة (Atom)
14 التعليقات:
امممم اهيا أمور بديهية بس لها أسبابها أكيد
4) المحبة من الله
7) الأفارقة جذي جيناتهم أتوقع
6) اللون الوردي لايق عالبنات مو؟ والعكس صحيح ^^!
بس مافيني أفكر أسئلتك صعبة
:)
لول
شنو هالاسئله الخطيره !
1) وين هذيل ؟ صاير لا الـ "بس بس " ولا الـ " تت تت "يأثرون فيهم !
2) اغلب الظن اي .
3) تعود أتوقع ، ذكرتني بدكتورتي ، لما سألتنا سؤال وهزينا روسنا على الطريقة الهندية !
جان تقولنا حسستوني انكم نفسنا لما نهز راسنا يعني لا اي ولا لأ .. مو محددين مصيرنا !
يحليلها ..
4)المحبة من الله ، بس غالباً الانطباع الاول له تأثير كبير احس ، حتى لو كان خاطيء !
5)صل عالنبي! بالذمه في احلى من طباخ الوالده ؟
انا بالنسبه لي امي افضل طباخه !
6)مادري ، ومو عاجبتني الفكرة إطلاقاً !
7) لان النجم يبرق بالسما ، لذلك الضرس يبرق عليهم ، ترى مو طنازه .. تحليل منطقي.
8)مو بالضرورة ، الفاكهة مثلاً مو مره!
9) الجواب له علاقه بالفيزيا اتوقع ، بس جد مشكلة كوب الجاي بسرعه يبرد =\ !!
LOL!!
مبروك الستايل اليديد ، حركات!
ما شالله
خوش ديكور
هذى فيها عزومةأو عشا الشكل الجديد للمدونة
ما كنت أبى أعلق على المقال
بس بتحرش فيك على الديكور اليديد الحلو
تحياتى الحارة
الصراحه اسئله عجيبه
1) ما جربت لا بس بس ولا تت تت لاني اخاف منهم
2) يمكن يحبون الهدوء مايبون ازعاج من الناس
3) ليش احنا لما نكلمهم نهز راسنه مثلهم؟!
4) الشكل يلعب دور
5) حتى مصففين الشعر والي يحطون ميك اب من الرجال افضل
6) الوردي ناعم وهادي مولايق للرجل
7) اللون يعكس :q
8) لان مافيه بهارات وشكر ودهن زايد الي يحلي الأكل
9) لأن الجاي يكون حار درجة حرارته مرتفعه عن حرارة جو الغرفه او المكان ... والماي يكون بارد لانه بالثلاجه لما نطلعه يدفى نفس حرارة الجو
يعطيك العافيه :)
LOL أصلاً قطاوتنا عينهم قويّة ;p !
و أغلب الأسئلة تنطبق "أحياناً" ، بس ضحكتني نقطة الأفارقة لول ،
~~
يعطيك العافية ، ..
1) بس بس .. نفس صوت الفار يثير فضوله واييك .
وتت تت .. يمكن صوت امصجمة !!
2) الجن يعيش في الاماكن المهجورة .. مثل الغيران والدحول في البر .. اما اذا حصل له بيت موقعه ممتاز على ثلاث شوارع مثل بيت الابراهيم الي كان في السالمية على تقاطع الدائري الرابع مع شارع الملك عبدالعزيز .. ما يقول لا .
3)يمكن يحاول يشغل مخه .. الهنود ينقسمون قسمين .. نصهم قوطي .. ونصهم الآخر عباقرة .
4) الأرواح جنود مجندة .. ما تآلف منها ائتلف وما تخالف منها اختلف .
5) الرجال حارين بطن ويحبون الاكل ..وبالنسبة للازياء .. ( من ثوارتهم )
6)لها سالفة ..
7) ربك ياخذ ويعطي
8) قرادة
9) الاثنين يتجهون الى درجة حرارة الغرفة .
7) ليش الافارقه ضروسهم بيض و تلق و احنا نفرشهم ثلاث مرات باليوم و يالله نلحق ؟
<< اتوقع لان اكلهم مافيه الواان
اذا لقيو اكل اساسا
خوصاا الشااي والقهوه عندنا اهم الي يصفرونهم
الحمد لله عالنعمه
حيرتني معآك !!
بـ البدآية ضحكت على أن مجرد " إستعبآط "
بس ألحين أبي الحل شلون :/ !!
خيرا رأيت ورجاءا لا تسأل مثل هالاسئلة تره فيها امن دولة
بوك مارك ... اعطيج درجه على رقم 4 و نص درجه على رقم 7 ..1.5 من 9
Why me...نبي جواب لو سمحتي ؟؟
Shaikha... بعطيج -1 من 9 , ما يصير تجاوبين تساؤل على تساؤل
على فكره هم مدونتج تصميمها فنكي .. من ذوقج
بنادول .. هذي بركات رامي
شاي الضحى ..نص درجه على رقم 8 و درجه على رقم 9 ..1.5 من 9 :))
Dreama | R.. الله يعافيج :)
ٌرامي ..درجه على رقم 9 ..1من 9
غير معرف .. ربع درجه ..ما اقنعتني :))
انثى ملائكيه ..الحال من بعضه :)) ..انا كتبتها على اساس استعباط و الحين صج ابي الحل :))
بوذياب ..تتوقع جذي ..كلشي جايز :))
مت مت من الضحك
الله يغربل بليسك
:)انا اسوي تحرياتي و اجاوبك
later :P
***********
مساء الخير .. خوش اسئلة الصراحه :)
1)القطو الحين ما ينفع معاه لا بس بس ولا تت .. ذيج المره لاحقني قطو تقول اسد انا خفت منه
بس ترا حتى لو تقلد له صوت الحمامه بييك .. فيه نسبه غباء :P
2) لاتعليق .. ماحب السوالف اخاف :<
3) يمكن عشان توضح له الرؤيه اكثر ويلقى افكار .. يسوي مشخال على افكاره :)
4) دايما ناخذ الانطباع الاول .. مع انه اللي كارهينهم لو نسولف معاهم شويه جان غيرنا الانطباع على طول وحبيناهم .. ساعات استغفرالله الويه يوحي انهم كريهين فا نكرههم .
5) انا عندي انهم ابرع في كل شي .. الميك اب .. الملابس .. الطب .. الخ
6) لانه نعووم يوحي في باربي واميره حالمه وبيبي بنوته مو واحد معضل مثلا كبر الكبت :P
7) اتوقع لانهم غامجين فا اللون كاسر .. لو اسناننا تركبهم على واحد افريقي يطلعون يبرقون بياض :)
8) كل شي مضر لذيذ .. الدهن والملح الخ .. مثل ما كل ممنوع مرغوب :P
9) اممممم مادري :<
AL-NOOR... نحن بالانتظار :))
Fishah .. صفر من 9 ...:))
إرسال تعليق