حكمة الشهر

ما ينفعك يا كويت بالعسر واللين إلا عيالك وخذي العلم مني

Sewalefyal@

صفحة الفيس بوك

عدد الزوار (Unique)

من نحن ؟

نبش في المدونة !!

قائمة المدونات الإلكترونية

Followers


شمعنه اهو حصل على ترقيه و انا لأ
تك
تك
ما شفناه بالعزا ...هذه مو اول مره
تك
تك
شسالفته هذا كل امركم الدوانيه ..ينقز
تك
تك
لألأ ..لا تقول ..طالعتلي شيبه ؟؟
تك
تك
حاط علي الدكتور ...مستقصدني
تك
تك
تصدق ما عزمني على عرسه
تك
تك
لا اسمحلي ما اركب على Economy
تك
تك
اذا بيطلع "فلان" ما ني طالع معاكم
تك
تك
لا انسه ...متروس سعرات حراريه
تك
تك
انا انزل نفسي له
تك
تك
خلص وقتك

حفره مترين في متر

16 التعليقات:

سلة ميوّه يقول...

تدري...


طرح عجيب...

عند كل جملة وقفت..وتخيلت موقف...

في النهاية اقشعريت...

فعلاً...


ماشالله عليك...


أنا هنا:)


كن بخير
احترامي

panadool يقول...

أهنيك على البوست اليوم

وتحياتى الحاره لك

BookMark يقول...

الدنيا ما تسوى
يالله حسن الخاتمة

حلوة الفكرة .. أبدعت :)

Shaikha يقول...

!Tick .. Tock
p;

بو ذياب يقول...

يعني تبينه مانزعل على احد او على اي شي مانعتبر كويتين اذا ماسوينا شي لازم نشرهه على كل شي وننقد على اي شي ..
تسلم الايادي على البوست

خااالف تعرف يقول...

قواك الله

والله يغفرلنا

Engineer A يقول...

اي والله الدنيا ما تسوى والوقت يمر ولاحد حاس او معتبر!!

وأخرتها؟

حفرة وثرى!


يعطيك العافية على هالطرح الخفيف بالاسلوب والثقيل بالمعنى! :)

why me يقول...

بوست عجيب

امبيه حسيت الدنيا صغيره

رورو الشخبوطه يقول...

بوست خفيف ومفيد ..

يالله حسن الخاتمه ..

مشكوور..

غير معرف يقول...

اخي سامي

قريت كلامك عجبني وطبقته

كل ما طري علي بالي شي سخيف سمعت صوت الساعه وضحكت

الله يا كثر ماسمعت التكتكه اليوم (:

جزاك الله خير

صرت انتبه لافكاري واحسنها قبل التكتكه

الزين يقول...

انا شاكه فيك شغال مع حملة وذكر

:)

كل الصور اللي فوق واقعية جدا
وموجوده حوالينا

ننتبه ساعه
ونغفل ساعه
وربك يهدي ويثبت من طلب الهداية والثبات

صباح الخير

why me يقول...

منور جريدة الوطن

:)


صباحك فل

جبريت يقول...

كلنا لهالحفره رايحين وبأسر مما نتوقع

مـي يقول...

ياربي تعيننا على يومنا..

اللي يحط الموت جدام عينه ، تهون عليه الدنيا..

الله المستعان..

Sami يقول...

سلة ميوه ... ما حسيت بقيمة الي كتبته الى بعد ما قريت تعليقج ..مشكوره :)

بنادول ...شكرا صديقي :)

بوك مارك ..ليش مسكره التعليقات عندج ؟؟ حاولت اعلق على البوست القبل الاخير ما قدرت !!

Shaikha...انا فاشل بالمؤثرات الصوتيه ..سالي رامي عني ..:)

بوذياب ...يسلم عمرك :)))

خالف تعرف ... الله يقويك ..اجمعين انشاله

Engineer A...الله يعافيج ..مشكوره على الكلام الطيب :)

Why me ...اهنيج هلى روحج الطيبه و المتفائله :))

رورو الشخبوطه ..كثرت كاوكاو بعد بوستج الاخير :))

غير معرف ...اهلا و سهلا ..نورت المدونه :))

الزين ..لوول ...ادري صاير مصلح اجنماعي هاليوميين ..بس و الله قاعد انصح نفسي قبل لا انصحكم :))

جبريت ..صاج و الله ..يالله حسن الخاتمه

مي .. امين :))

q8-lawyer يقول...

ماشاءالله المدونه روعه
وهالبوست بالصميم

عورني قلبي:(

صاج الناس لاهيه بالدنيا ركضه بركضه وناسين أهم شبي>>

((إعمل لدنياك كأنك تعيش أبدا
وأعمل لآخرتك كأنك تموت غدا))