حكمة الشهر

ما ينفعك يا كويت بالعسر واللين إلا عيالك وخذي العلم مني

Sewalefyal@

صفحة الفيس بوك

عدد الزوار (Unique)

من نحن ؟

نبش في المدونة !!

قائمة المدونات الإلكترونية

Followers








موسم الحج على الابواب 

اصبحت سوالفنا لا تخلوا من  حملات الحج  و ترتيبات الحج 

و كعادتنا احنا الكويتيين " لنا في كل عرس قرص " , لازم بل واجب علينا ابداء النصايح  الي دائما ما تكون في غير محلها

عسى سيارتكم بروحكم  مو باص ....اي اشوه
حرصي عليهم يحطونكم على الحرم
هالحمله بوفيهم مو ذاك الزود ..الله يزيد النعمه
ذيج النوبه اخرونا في الباص ساعه كامله

و غيرها و غيرها من النصايح الدنيويه الي لو فتحنا لهم الباب ما راح تخلص

شخصيا ما عندي مشكله مع الرفاهيه الزايده عن اللزوم في حال كنت مقتدر و الله منعم عليك
لكن اذا كنت طرق المعاش و عندك التزامات ماليه  فالافضل انك تبتعد شوي عن المظاهر و تذكر "الثوب إللي أطول منك يعتك" 

اغلبنا الحج بالنسبه لنا تجربة العمر ... و احتمال كبير انها ما راح اتكرر ... فما في مانع نتعب شويه و نسهر شويتين و نمسك اعصابنا ثلاث شويات

و بما اني كويتي و افهم بكل شي تقريبا  راح اتنزل  و اتفضل عيلكم اعزائي الحجاج بنصيحه يمكن تفيدكم و يمكن تضركم ..ما اضمن الصراحه

الكل يعرف انك في الحج راح تختلط بجميع الاشكال و الارناق ...راح تواجه طبائع مختلفه و عادات غريبه عليك و نفسيات متقلبه راح تصدمك و احتمال تجرك لمواقف تخرب عليك حجتك

و علشان تتلافى هالشي...يبييلك دوره تعامل مع الغير ... و افضل مكان ممكن تتدرب على مواجهة الغير اهو تويتر

بختصار شديد .. الشي اللي ما مر عليك بحياتك ...راح تلقاه في تويتر 

الخطوه الاولى :  افتحلك حساب في تويتر  بأسم وهمي

الخطوه الثانيه : الحق مدونتي 

الخطوه الثالثه : امدحني  و سو    "ري تويت"  حق تويتاتي 

الخطوه الرابعه : الحق النواب و الكتاب و اللي يقول عن نفسه  ناشط سياسي

الخطوه الخامسه: داحرهم  ..تهاوش معاهم ..خالفهم  الراي ...لازم تحط نفسك في اجواء مشحونه

الخطوه السادسه : شوف نفسك ذيج الليله نمت و الا لأ ... اذا نمت و ضميرك مرتاح فأنت مؤهل لدخولك معترك الحج ..لكن اذا حسيت ان ضميرك يعورك , عاود الكره في اليوم التالي  لين يصير جلدك جلد تمساح .

الخطوه الاخيره : صكر حسابك و انسى كل اللي سويته ..حط في بالك انك راح ترجع من الحج بدون ذنوب

بالاخير نقول حق كل حجاجنا  حج مبرور وذنب مغفور وسعي مشكور.


5 التعليقات:

عين بغزي يقول...

:)

Sami يقول...

اهلا و سهلا

t7l6m.com يقول...

خوش نصايح,لأن فعلا تصادف ناس هناك يخربون حجة حمله كامله من مصاختهم.وأهم نصيحه يسوون ريتويت حق تويتاتك ويمدحونك.تستاهل عقب هالنصيحه القويه.

Sami يقول...

بعد جبدي والله :))

الجودي يقول...

حج يا حاج

مالها تحوير في تويتر اشلون يتدربون عليها ... ترى تنفع

:)