حكمة الشهر

ما ينفعك يا كويت بالعسر واللين إلا عيالك وخذي العلم مني

Sewalefyal@

صفحة الفيس بوك


عدد الزوار (Unique)

من نحن ؟

نبش في المدونة !!

قائمة المدونات الإلكترونية

Followers


هل وظيفتك ( او تخصصك في الجامعه ) في المجال او المكان الذي كنت تحلم ان تعمل فيه ؟

ما هي الاعمال التي من المستحيل بالنسبه اليك ان تمارسها ؟



بودي ان اعرف اجاباتكم على السؤالين اعلاه ...في الحقيقه كانت خمسة اسئله و قد اختصرتها بسؤالين ..هو ليس استيبان او بحث اقوم به ..انما هو فضول لا اكثر و لا اقل

اتمنى ان لا تقتصر الاجابه على تلك الاسئله فقط على اخواني المدونين و ان كانت ذات اهميه بالنسبه لي , انما تشمل قراء المدونه


عن نفسي

اجدني محظوظ كوني اعمل في مجال كنت من الاساس احلم ان اعمل به

مجال الانشاءات

كم تمنيت انا في مرحله مبكره من عمري ان اصبح مهندس ...ابني العمارات الشاهقه ...المجمعات...المستشفيات

و قد تحقق ذلك .. لله الحمد و المنه

حلمت ايضا ان اعمل في مجال التصميم الداخلي

و بمساعده و بتشجيع من الاهل و الاقرباء نجحت في تحقيق ما اصبوا اليه



من سابع المستحيلات ..و اتمنى الموت على ان اعمل

جزارًا

طباخًا

حفارًا للقبور

منفذ حكم الاعدام ( عشماوي)

34 التعليقات:

بدون تعليق يقول...

والله شوف يابوالشباب .. انه مهندس واشتغلت في مجال المشاريع مدة من الزمن الشغل كان ممتع ولكنه متعب قليلا

بعدها رحت مجال هندسي ولكنه مكاتب كان اقل متعة من اللي قبله

بعدها ترقيت وصار الشغل اداري اكثر وانه كان في مجال هندسي ولكنه كله تقديم خدمة وادارة .. وانتقلت نقلة نوعية من الشغل الفني الى الادارة .. كمدير بالوكالة ..

كان خاطري اشتغل في مجال الجودة وتطبيق انظمة الجودة لانه مجال حلو وخذت فيه دورات مختلفة وحاولت اكثر من مرة بس ماقدرت للاسف ..

وكان ودي ايضا ارجع اشتغل في مجال المشاريع بس على مستوى ادارتها وبشرط تكون على المستوى الاعلى يعني ما اروح السايت واعور راسي .. بس بعد ماصارت فرصة مناسبة ..

والحمدلله : )

التصميم والديكور يعذبني بس طبعا ما املك فيه خبرة ولالقيت فرصة اني اشتغل فيه وان كنت اشتغلت في مجال المشاريع والتشطيبات ونفذت بعض المشاريع اللي فيها ديكور وتصميم على اعلى مستوى ..

غير معرف يقول...

تخصصي محاسبة و اعمل مدققة
وظيفتي مرضية و لله الحمد و لكنها غير مشوقة بالنسبة لي
بالصغر كانت لي ميول علمية بحته و كنت استمتع بدراسة مادة الاحياء و الجيلوجيا و الفيزياء و لكن القدر له دور كبير لان الوظيفة تحدد الارزاق و الارزاق بيد الله

غير معرف يقول...

اسفة نسيت السؤال الثاني :)
الاعمال المستحيل العمل بها بالنسبة لي
المحاماة لان المحامي يدافع عن المظلوم و الظالم "و انا ابي معاش حلااال صافي"
:) :)

Sami يقول...

عبدالله ...في جوانب مشتركه بيني و بينك :)

غير معرف ... " الوظيفه تحدد الارزاق و الارزاق بيد الله " ..صح لسانج :)..الله يسعدج و يعطيج على قدر نيتج

aL-NooR . يقول...

اممممممم انا كانت ميولي علمية بحته.. و اكنت ابدع بالرسم و التصميم الهندسي و الفيزيا
و من صغري احب احد يناديني دكتورة ..
ايا كانت المهنة
طبيبة ..او دكتورة بالجامعة
كل الاهل كانوا يشوفوني طبيبة بحكم كوني من اوائل الطلبة ! لكن اتخاذ قرار التخصص اللي انا فيه الآن هو القرار الصائب .. تخصصت في احد مجالات العلوم الادارية بتفوق و ظليت من اوائل الطلبة حتى التخرج مو عيب بالطب لا ابد بس احس اني ما القة نفسي .... والحين انا بصدد اكمل دراستي العليا..
لاحقق حلمي
و اصير دكتورة آآد الدنيا P;

وان شاء الله تصير انت
CHAIRMAN
نفس ما اتفقنا

لحظة لحظة في مهنة ودي اشتغلها
تصدق ودي اصير
WAITER

اممممم
ماقدر اعمل
محامية ..
احس وايد يدش بسوالف
الذمم و الحلال و الحرام ..
اخاف اظلم احد

اممممممم
وما احب اغسل صحون
هههههه مادري شنو اسم المهنة

سلة ميوّة يقول...

مسى الخير
وعيدك مبارك متاخره اتمنى انك تعذرني
عالتأخير والتقصير

اما بعد..



اشتغل في المكان الي ككنت احلم فيه من بدت ذاكرتي بالوجود.....


ربما يتني فتره تمنيت اكون طبيبة باطنيه لا جراحه...

لكن رجعت الى مخططاتي وتمنياتي...



ما اتخيل عمري اكون اي وظيفة من الي قلتهم...
جزار والا عشمواي والا..والا....
...

واعتقد ما اقدر اتخيل نفسي ابدا ابدا

مضيفة طيران او طيّار
لأني باختصار شخصية تعشق الاستقرار...
واكره الطيران رغم سفري الكثير...


يعطيك العافيه
ومسى الورد

Question mark يقول...

تحياتي,خل اتخرج واشوف الواقع شلون يصير,تحياتي سوالف اليال

Sami يقول...

النور ... من اليوم و رايح بناديج الدكتوره نور :)

سلة ميوه ..ما من قصور ..تصدقين انتي محيرتني ... جراحه و في نفس الوقت تمتلكين تمتلكين زمام قلمج بشكل محترف ..ماشاء الله عليج ..رائعه :)


Question mark... الله يوفجك :)

غير معرف يقول...

أنا اكره الروتين وأحب الانضباط يعني النظام ليس روتين الروتين جزء من النظام وراح اخلي الفلسفه وادخل في الموضوع :)
اعمل في التعليم
تمنيت اتخصص تاريخ لكن غيرت غصبا عني الزمون بالتغيير لسد احتياجات التخصصات الاخرى يعني حصلت على معدل لكن رفضوا ان اتخصص في المجال اللي احبه <<<واحد حاقدعليهم ههههههههامزح الخيره فيما اختاره الله الحمدلله على كل شي
وفي التعليم ممكن تبدع في طرق التدريس واستخدام الوسائل التعليم تحدي كبير يتطلب من المعلم مواهب متعدده وتيقظ كامل وليس موهبه فقط الخ اشعر أني متعدد المواهب يعني ممكن اعمل في الديكور ممكن اكتب قصص ممكن اعمل حوار يعني مذيع (مذيع !! قويه طوف )اعمل في التجارة الخ
تعجبني وظيفتي الحاليه لولا بعض المنغصات والاحباط الذي ينتاب المعلمين .

الجودي يقول...

لا إجابة السؤال الأول كان خاطري بطب بس ما درسته و درسة تخصص ثاني ليش التنسيق وما أدري ليش ما حولة ولا سعيت في التحويل المهم الحمد لله التخصص إلي درسته فتح لي باب العمل في تخصص نادر و أنا سعيده فيه و عالم جديد ماكنت أتخيل في يوم أكون أنا في وسطه و الحمد لله حابته يمكن لآن نادر و عمل رجالي نوعا ما .. يمكن :)

الجزء الثاني

جزارا لأني ما احب اللحم

و اكيد في شغلات ثانيه بس ما تحضرني
سباك ولو إنها مهنه مهمه

وبس

Sami يقول...

غير معرف ..انت تعمل باحسن مهنه ..مربي اجيال..الانضباط و النظام جزء لا يتجزء من شخصية المعلم الناجح

الجودي ..شوقتيني اعرف شنو تشتغلين :)

chandal/danchal!! يقول...

حبيت دراستي بس ما حبيت شغلي
الجو الدراسي ممتع, بس ادرس ما ادرّس


مستحيل اشتغل مضيف جوي او بري

الزين يقول...

عمري ما شفت نفسي بهالشغلة
وعمري ما تصورت اني بكون بهالموقع بالذات

ومع هذا احب شغلي وايد
ماله وقع واحد
وبعيد عن الروتين
ويعتمد على مهارات الإتصال بكل انواعها

تصدق ما فكرت شنو اللي مستحيل اسويه
يمكن لأن ما احب احط حدود اتحرك باطارها

بس اتصور ما اصلح اشتغل بالتدريس لأني عصبيه وممكن اكفخ عيال الناس
:)))

على طاري الشغل
يطري علي كان عمري ست او سبع سنوات
وكل يهال العايله ملتمين حوالين يدتي بالزواره
وهي قاعدة تسأل كل واحد شنو بتشتغل اذا كبرت
اللي قال دكتور واللي قالت ابله واللي شرطي

تهقا انا شنو قلت
لووووووووووووووول

رقاصه
:)))

يا حلو بساطة الأحلام

Sami يقول...

اكيد تشتغلين بوزاره ؟... ليش مستحيل تشتغلين مضيف جوي

Sami يقول...

الزين ...لووول اعرف وحده الحين اهي دينه ..و كله دروس دينيه..قالت نفس جوابج :)

Sami يقول...

واحد دزلي ايميل يستفسر عن المستشفى الي بنيته... جوابي ..انا شاركت في تنفيذ مستشفى الادمان بمنطقة الصباح الطبيه

غير معرف يقول...

عزيزي سامي

للأسف التخصص الذي اخترته بعيد كل البعد عن المجال الذي احب. انا اعمل في مجال الصيدلة وقد اخترته بسبب ضغط الوالدين ولو استطيع الرجوع للزمن لاخترت دراسة علم الآثار والتاريخ والشعوب.
اما المجال الذي لايمكن ان اعمل فيه فهو السباكة وتسليك المجاري :)

الطاف

Sami يقول...

الطاف ... الله ..حتى انا ودي ادرس علم الانثروبولوجي بجانب عملي الحالي ... اما موضوع السباكه و تسليك المجاري ..فما الومج الصراحه :)

ebtsamh يقول...

معلمة :)

لو قلتلي ايام المدرسة شنو بتصيرين

كنت اقولج اي شيء الا معلمة حتى لو

رقاصه ..لكن بعد التخرج غيرت تخصصي

أكثر من مره .. وأكتشفت اني مخلوقه

عشان اعلم :)

وبالنسبة للي ما احب اصيرهم أحس ان

شغلي يتفرع منه كل المهن تقريبا لاني

ادرسها :)

le Koweit يقول...

انا حاليا في السنة الاخيرة في كلية الحقوق
صراحة ما كنت حاط ابالي كلش مجال القانون
لكني لما دخلته حبيته وحمدت ربي اني دخلته

اما الشغلة اللي مستحيل اشتغلها
الطبيب بكل أنواعه :>

AM.SA.CHANNEL يقول...

تخصصي اللي انا فيه الحين المحاماة، ولله الحمد اني مستانسة فيه .. لكن ما كان أبدا حلم حــياتي، وبالعكس مب مجبوورة عليه، لكن كنت في مجال و حولت إلى مجال القانون لسبب حصلي في الجامعة و إنصدمت محد دافع عني، و إخترت القانون و حبيته حب، بالرغم من المعاناة اللي مريت فيها في فترة دخولي القانون، يعني تخيل الكل رافض دخولي هالمجال رفض تام، فيوم العالم يكون ضدك تتعب لكن إنت تقوى و تكبر بسرعة من ناحية التفكير طبعا هههههه.. يعني ساعات ربك يحطك في مشكلة عشان تغيير رايك و يكون التغيير افضل لك .. و هاللي إستوالي ..

أما الشغلة اللي ما أبااه موولية أشتغل في السجون أو المستشفى

BookMark يقول...

جزء من شغلي كان اهو الي ابالي من ايام الدراسة، وبالضبط مثل ماتخيلته،
والجزء الثاني
ماعمري تخيلت اني أشتغل بهالمجال
العلاقات الخارجية
الحمدلله حبيته وايد
بس تواجهني مشاكل باللغة لأن الانجليزي عندي مو لي هناك ونتعامل مع ناس من كل الدول..
ف مأذية المترجم لوول

ومااتخيل اني اشتغل أي مكان أرد فيه عالبدالة

شكرا باش مهندس .. نستعين فيك ان شالله بتصميم بيتي :)

BookMark يقول...

على طاري العشماوي
يارنا عشماوي
و حده يخرع نخاف منه
ماشاالله مصك وهيئته تدل على وظيفته
صج كل واحد له نصيب من عمله
بس الي محيرني شيسوي طول السنة اذا ماعندنا حالات إعدام وايد
:/

le Koweit يقول...

بس حبيت اعلق على الاخت بوكمارك
عن سالفة جارهم

ترا سمعت ان اذا مر وقت طويل وما كان في حالات اعدام
يجيبولهم خرفان او بقر يذبحهم
لان القتل يصير ادمان عنده

طبعا هالسالفة سامعها عن السيافين اللي بالسعودية
لان الاعدام عندهم بالسيف
اما عندنا بالمشنقة فمادري نفس الشي ولا لا

شرايج تسئلينه P:

رورو الشخبوطه يقول...

قبل جاوبت بوست ..

ميولي اعلاميه ..

امم درست اعلام شعبة صحافه ..

بس مو وايد جريئة لي الحين استحي من وايد ريايل واقط خيط وخيط و الصحافه يبيلها وحده مبلتعه ..

وتروح وترد انا بتل معاي امي :\ فما انفع حتى لما جربت بالميداني ماحبيته وايد متعب :\

ودي اصير معده او اشتغل بسوالف اعلانات << مو وجه اعلاني هذا يومين بالكثير واصير وجه اعلاني للمقبره خخخخ واحب شغل تنظيم مؤتمرات وهالسوالف..

وهم ودي اكمل واصير دختوره ..

والحين ماشتغل بمجالي مع انه بادارة اسمها اعلام بس كلش مو نفس اللي درست او اللي احبه وابيه :\

شنو لايمكن اشتغل ؟؟

بداله - ببنك ربوي- طبيبه يبيله قلب و هم اشتغل ع اوادم مااحب :\ - ولا قرسونه او مضيفه ..

ويتلي فتره كنت بطلع من المدرسه واصير خدامه ببيتنا بس يعطوني معاش بس مارضوا :\

ومرسي..

kal ho na ho يقول...

يمكن مرات أحس إنه شغلي ممتع..بس مرات والأغلب أكرهه وأفكر بالاستقالة..!؟

خلني أقولك..ما قعد شيء ما حلمت فيه.. كل يوم ولي راي..حتى تشعيبي بالثنوية أبيه كذا.. وغيرته إلى كذا.. يعني أنا بالعربي راعية هبة..بس الدراسة اللي صملت أبيها ولا حصلتلي كلية (فنون جميلة) أصير عقبها رسامة محترفة..!

كنت أحلم أصير ممثلة بأفلام هندية وأتفنن بالرقصات الجماعية وأضبط الـ (فيسال) تعابير الوجه ..والـ (أوفر آكتنغ)..والله لي ألحين بيني وبينكم يراودني هالحلم..ولكن..!؟


المهم .. أنا أموت ولا إني أصير بناي أو أصير العامل اللي يمسح جامات العماير من بره أو ناطحات السحاب.. يعني أي شغله فيها ارتفاع أكثر من مترين وسقالة أموت ولا إني أشتغلها..!

.

ودمتم

BookMark يقول...

le Koweit
من صجك أخاف يشنقني
;)

Sami يقول...

ابتسامه ... ارقى المهن :)

لو كويت ...الظاهر انت مثلي تخاف من الدم:)

AM.SA.CHANNEL ... عاد مهنتج مرتبطه بالسجون :)

بوك مارك .. مصجج .. و قادره تنامين ؟..انا حسبالي ان العشماوي عندنا انييبه من مصر

رورو الشخبوطه ...لا تحاتين شوي شوي راح تبلتعين :)

kal ho na ho .. لوول ميولج فنيه

Amwaj يقول...

السلام عليكم :)

بالنسبة لي فالحمدلله آنا الحين بالجامعة وبالتخصص اللي كنت أبيه

وإن شاء الله راح أكون بالوظيفة اللي كنت أحلم فيها من صغري ( اللي إهيا ... ولا تدري لي تخرجت أقولكم :p

أما الأعمال اللي ما أحبها, إهيا سوالف المحاسبة والشركات

يعطيك العافية :)

غير معرف يقول...

أتوقع إني لا يمكن أشتغل مدرسة
مممم ما أتخيل نفسي كاتبة بمستوصف
طبيبة أسنان
موضفة بمختبر
صيدلانية
موضفة بوزارة


واايد أحب تخصصي وودي أدرس وأتخصص فيه أكثر وأكثر .. إلي هو هندسة الكمبيوتر

ما أتوقع إني أبي اشتغل بعد سنتين ..بعد التخرج

أحب اللغة العربية واايد وأتمنى أدرسها
أتمنى أكمل دراستي بعد التخرج

أتمنى أشتغل بمجال بتخصصي .. ومجال في إنتاج وإبداع
أتمنى أشتغل بشركة خاصة كبيرة
أتمنى أشتغل بمكان أتعامل فيه مع الناس مباشر
:)
she is me

صفحات مُلطخّة بحروفي يقول...

"لمست الوتر الحساس" مثل ما يقولون ..
حلم حياتي الطب ، أعشق الأحياء والدراسة عن جسم الانسان .
لكن مع الأسف [ عِشِر ] واحد فصلني عن حلمي ..
ما قبلوني طب بجامعة الكويت ، كان بامكاني إني أكمل دراستي برا مع العلم إنه نسبتي عالية وراح أنقبل بأي مكان أبيه (بأي ديرة) .
لكن السبب اللي ما خلاني أسعى لتحقيقه إني أكره الوحدة ، ماقدر أهّد أهلي وأسافر برا وادرس 7 سنين بروحي .
فالوحدة اهيا السبب الرئيسي اللي خلتني ما أحققه .
والحين انه طالبة بكلية الهندسة مع إني أكره شي اسمه رياضات ، واكره الآله الحاسبة والمسطرة والمنقلة والفرجار وإلخ .
الحمد لله على كل حال شنسوي بعد =|
-
أمّا بالنسبة للوظايف اللي مستحيل أمارسها :
مهنة التدريس لأنّي ماأملك الجرأة الكافية إني أوقف جدام بنات واشرح درس .
وإنّي أبيع برّد أو بَنَك .
-
بوست جميل ، فضفضت بما فيه الكفاية =)

غير معرف يقول...

سؤالك حلو جدا جدا جدا

أنا مهندسة بترول..ليلحين ما اشتغلت لأن توني متخرجة وأكيد أكيد ماراح أشتغل الا بمجالي انشاء الله لسببين:
الأول: لأني أحبه وايد وماعرف شي غير عن هندسة البترول.
الثاني: إن مافي مكان راح يقبلني غير شركات البترول:)


شنو الش الي ما حب أسويه...

ممممممم مايحضرني شي بصراحة

شكرا

~حَدِيـثُ الفَـجْـر~ يقول...

1.صج اني ماتخرجت لي الحين
بس حاطه ابالي المكان الي راح اشتغل فيه
الـ knbc مهندسه بترول =) وان شاء الله راح احبه =)
فجوابي للسؤال الاول اي نعم الي احلم فيه

2. مستحيل اكون مدرسه (ما اتحمل )
طبيبه ( اخاف من الدم ونتلوع جبدي =s )
نادله > احس وايد لوييه وانا احب الشغل مرتب ومنظم

احب غير الهندسه
اداره > ومستعده اخذ شهاده ثانيه فيها بعد الهندسه طبعا
هم اشترك معاك احب التصميم الداخلي
و الصيدله

احس براحه بعد ماكتبت هالكلام
لاني كنت متردده من دراسه الهندسه
وضليت اول سنه مابين اكمل وله اسحب او احول =)

وقواك الله

Sami يقول...

امواج .. انشالله تتحقق احلامج قريبا :)

she is me .. واضح ان العمل الادراي ما يناسبج :)

صفحات ملطخه بحروفي .."عسي ان تكرهوا شيئا وهو خير لكم وعسي ان تحبوا شيئا وهو شر لكم" ما تدرين وين الخير :)

مجرد امنيات ... ماشاءالله الكل بالهندسه :) ..الله يوفقج

حديث القجر ... زهبي الواسطه :)