حكمة الشهر

ما ينفعك يا كويت بالعسر واللين إلا عيالك وخذي العلم مني

Sewalefyal@

صفحة الفيس بوك


عدد الزوار (Unique)

من نحن ؟

نبش في المدونة !!

قائمة المدونات الإلكترونية

Followers


اليوم يعتبر عود من حزمه الايام الكئيبه الي مرت علي خلال الخمس الايام الماضيه ... بدات " القراده" من بداية الويكند و بالتحديد حادثة طلعة البر سيئة الذكر ..( ادري رامي راح يزعل) .. لن اذكر تفاصيل الرحله حتى لا نكشف ( بضم النون) من اصدقائنا المرافقين لنا بالطلعه .. المهم اننا وصلنا لاخر نقطه وصلها اي كويتي للتخييم ..توغلنا في البر من اجل بقعه اوصى بها احد اصدقاء رامي .... و بعد جهد جهيد و تركيز من رامي وصلنا المكان المحدد ... تركنا البر الفسيح و نصبنا " الخيمه" بالقرب من مصنع خرسانه مسلحه و باطلاله جميله على محطة كهرباء و كانما ضاقت علينا الدنيا بما رحبت .. انطبق علينا المثل صام و فطر على بصله . ومن بعدها و انا مو مترقع ....ليش انا اليوم مقلدم و مبوز ... الجواب كالتالي .
1) اول معلومه وصلتني من صديق ان حجم الخشم ( الانف ) و الاذن يستمر بالتضخم حتى اخر يوم في حياتك .. الاذن ما عندي اشكاليه معاها لكن الخشم ما اعتقد يحتاج ان يكبر اكثر .
2) فتحت ايميلي ..من عرض الرسائل , كانت رساله من زميل ( مصري الجنسيه) تحث على التوبه و الرجوع الى الله.. و الغريب في الموضوع ان الرساله موجهه لي و سي سي ( نسخه) لكل موظفي الشركه ..مع العلم اني ما اطوف صلاة الجماعه بالدوام .. هذه الرساله كانت بمثابة الصفعه .. على اثرها اخذت اجازه حتى نهاية الاسبوع .
3) رجعت للبيت ملهوف على الغدا ... برياني ربيان .. وجبتي المفضله .. فتحت غطاء الصحن .. غرست المعلقه بوسط الطبخه ..فكانت المفاجاه الغير متوقعه .. فقط ثلاث " ربيانات" بحجم الخمسين فلس . ( ملاحظه : بما اني نباتي لا اكل اللحم و لا الدياي .. فمثل هذه الوجبه تعتبر جزء لا يتجزء من حياتي ) .
4) خذيت " شور" ثاني كالعاده لكن بدون شامبو على غير العاده .. النتيجه شعر مدهن ..زاد من طين الكابه بله .
5) صار لي اكثر من اسبوع ما مريت جدتي الله يطول بعمرها ...و خايف من الشرهه ..زادت كأبتي بعد ما اخذلت توقعاتي ..ما حصلت زفه.. فقط كلمة " لا تبطي علينا " بعد ما ودعتها .
6) اقترحت على الوالده الله يحفظها ان نخرج على الفطور غدا ..لكن اعتذرت بعد ما اعرفت ان اختي ما تقدر اتيي معانا ..ليش انا مو تارس عينها .
7) التهاب حاد بالبلعوم مصحوب بسعال شديد لم ينفع معه " ماي دافي مع زنجبيل " .
8) اخر معلومه اوصلتني بان اليوم المفضل للمنتحرين اهو يوم الاثنين ..حسب دراسه امريكيه .

11 التعليقات:

why me يقول...

lool


شنو هذا أبو الكآبه اللي انت فيها

انا اقول اطلع اخذ لك كوفي جابل البحر يتغير المود و شرط ويا احد


صفي ذهنك


واكل كاكاو يعدل المود
:)


وصباحك كرز

عسى يكون اليوم وايد حلو

have a nice day

الأستاذ مزيكا يقول...

السلام عليك
وصلتني من صديق ان حجم الخشم ( الانف ) و الاذن يستمر بالتضخم حتى اخر يوم في حياتك ...اما انا احس انفي كل يوم يصغر صرت افنس

اما بخصوص الانتحار لا ليس الاثنين بل ليلة الاحد الساعه 12 !!
بس بشنو راح تنتحر ...سم الفيران هذه شغله قديمه!
وخاصة وانت ب 2010 يعني لازم شي كووول


الكويت جميله! تفاءل

Rami يقول...

سامي : الهون ابرك ما يكون.
لك مني اطبخلك احلا باستا الفريدو بالربيان .

واي مي : أنة اقترح يروح نفس المكان الدايخ الي بالبر ( وداوها بالتي كانت هي الداء )

مسمار : أرررررررحب .

Sami يقول...

أبشركم ... ما تهورت ..مازلت على قيد الحياة :)
شكرًا على الدعم المعنوي

why me يقول...

حوض السمج اللي بالمدونه حدا عاجبني

قاعده بالدوام و أوكل السمج

ماكو شغل لوووول بس ترا صج يونس

;p

الزين يقول...

:)))))))

اضحك الله سنك
صار لي مدة مو ضاحكه هالشكل
عجبتني مدونتك

واكيد لي عودة
بس بعد ما انبش فيها زياده

peace

بنت الشاميه يقول...

الحمدلله اليوم الثلاثاء
ولا اخبار عن منتحريين.....هههههه
سلاماااات الازمه عدت على خير

بعد هالاسبوع بيصير عندك منااااعه من الكااابه
هذى الكويت صلى على النبي

تحياااتي

Sami يقول...

Why me ما يغلا عليج :)

الزين. هذه الساعه المباركه و مشكوره على الاطراء :)

بنت الشاميه الله ستر ازمه و عدت ... :)

enter-q8 يقول...

لو الدراسة الامريكية تنطبق على الكويت كان كل ايام الاسبوع هي افضل الايام

Shaikha يقول...

والله مو خوش خبر !
عيل الخشم يستمر بالتضخم ؟ انزين بمعدل شكثر ؟

أما عالايميل ، فـ الموضوع عادي ..
انت خذييتها بحساسيه شوي ، لان مودك مو مضبوط .
لان بأي حال من الاحوال " الذكرى تنفع المؤمنين "

عموماً
الحمدلله ... " جات سليمه "
p;

Sami يقول...

Enter-Q8. الله يكافينا الشر :)

شيخه .. أنا ماعندي مشكله مع محتوى الايميل .. المشكله كانت ليش دازه لي. و نسخه حق باقي الشركه .. ابشرج تعدل مودي عدل :)