حكمة الشهر

ما ينفعك يا كويت بالعسر واللين إلا عيالك وخذي العلم مني

Sewalefyal@

صفحة الفيس بوك


عدد الزوار (Unique)

من نحن ؟

نبش في المدونة !!

قائمة المدونات الإلكترونية

Followers


و ايضا عبر " الواتس اب " وصلتني مشاعر المتبادله بين البنت و البنت و ايضا بين الشاب و صديقه

البنات :

الاولى : يلا حبيبتي .. وصلت

الثانيه :، يلا نازلتلج ياقلبي

الاولى :، أوكي حياتي ناطرتج

(و الله لا يراويك الحقد الي بينهم)


الشباب :

الاول : يالحيوان ترى أنا بره

الثاني : انزين انطر &$# بعينك

الاول : لا تطول يا الجلب

الثاني : جب

الاول : ييب وياك ماي

الثاني : اوكي

(ويظلون على قلب واحد)



نكشه اخيره

بما اني اعزب و الله الحمد و المنه , اضطريت استعين بصديق انقرد و تزوج علشان اعرف شنو راح ايسوي اهو زوجته بالاف المنحه
مصاريف المره
) جنطة كريسيتان لاكروا 600 د.ك
2) جلسة مساج " بانين تري" برويال حياة 50 د.ك
3) كريم ليلي و كريم نهاري و كريم داخل الجنطه و كريم بالسياره و كريم داخل الشغل 150 د.ك
4) بروش من لويس فتون 49 د.ك
5) بووت فرساتشي 150 د.ك
6) مواقف السياره 750 فلس
7) كسر خاطرها البنغالي 250 فلس

مصاريف الريال
1) تجديد اشتراك زوجته للمعهد الصحي 750 د.ك
2) استلام طلبية المانيا من الصيدليه 160 د.ك
3) فواتير مكالمات المدام 85 د.ك
4) باكيت زجاير 500 فلس حقه مو حق زوجته طبعا

20 التعليقات:

BookMark يقول...

بالدوام ممكن بس واصلة بيتهم وبتركب معاها السيارة ماظنتي فيها أحقاد

عسى يكون الأخير .. لأني صج مفكرة أنزل بوست الفرق بين الرجل والمرأة بلسان المرأة .. إذا ما بطلتوا :)

Sami يقول...

اي والله نزلي بوست بلسانكم ..خنعرف شنو يدور براسكم

why me يقول...

لوووول


;p

Sami يقول...

اهلا و سهلا :))

Unique Girl يقول...

لووووول صاج صاج خخخخخ

بس مصاريف البنات مو لي هالدرجه وايد :p

سلة ميوّة يقول...

اممم ليش دايما يشغل المرة والريال

شنو يدور في راس الثاني؟؟؟

ترى انا شغلي الشاغل..شيدور براسكم:)



و ضحكني الحوار:)


بس ترى مرات البنات لسانهم حلو..


ومو شرط من داخل شايلين عالباجين..
انا وحده احب اقول كلام حلو للي جدامي..واحب ارفع معنوياتها بالحق..بس من داخل قلبي ابيض عليها حتى لوضارتني..:)



هههه بس موقف مضحك..بقولك شي اخف يطقوني

نبي رااابع...
رابع..رابع...رابع (هتافاً ):)




مساك الله بالخير ياسامي..

مودتي

سلة ميوّة يقول...

أنا جني رديت عن الثاني على الثالث:)
الحوارات والصالون :)




عموما ً كل الأجزاء فيها خفة ظل...ومبالغه لكن مضحكة ...


يعطيك الف عافيه...

( عادي انعلق مرتين:P )



مودتي

Sami يقول...

يونيك غيرل .. العهده على رفيجي .. اكيد لازم نزيد ابهاراتنا :)

سلة ميوه .. الجزء الرابع عندج او عند بوك مارك .. خبرينا في فرق بين المريض و المريضه ؟

I7na 3shagnaha يقول...

mako shay 7ag el yahal ?

Engineer A يقول...

أعترض !!


:)

اللي عندي ألفه حقه مقه وفوقهم ألاف العياااال :(

بس ولا يهمك نسحبهم بطريقة أو بأخرى .. ونشوف لنا سفرة تغسل الجبد

p;

الجودي يقول...

مو لي هالدرجه كنت بصفك في الأول و الثاني

بس الثالث نووووووو

مو شرط الكل جذي كلامهم حلو وهم مو طايقين بعض بس صج صج في ناس جذي للأسف :/

مو وايد اشويه p;

رورو الشخبوطه يقول...

مثل ماقالت بوك بالدوام في وتكون التوب بالاداره كثر ماتنافق تنحب خو ,ااما اتعنى لها وانا مااحبها لا طبعا الا اذا بادبها خخخ..

ومرت رفيجك فسقانه وهو معطيها ويه :\

منصور الفرج يقول...

صراحه هذه زيارتي الأولى و لقيت المدونه من المدونات الخفيفة و المتزنه بدون استضراف مثل كثير من المدونات الباقي

و من رايي ان الريال مايقول حق زوجته نزلت المنحه عشان يستانس فيها المسكين .


كل الخير لك اخوي

Sami يقول...

احنا عشقناها .. في البنك :)

مهندسه ابرار .. سفره تغسل الجبد ما ترهم مع " الفه حقه مقه " ..مسكين كسر خاطري

الجودي .. العادة انا معاج نتفق !!

رورو الشخبوطه .. اعتراف الصبح : حتى احنا عندنا هالسوالف

منصور الفرج ..مشكور على الاطراء و حياك الله :)

ocean يقول...

حلو البوست هذا !
اعتقد هذا رد على مدونة
( طز بالرجالة) اللي شايلة وايد على الرياييل.

aL-NooR . يقول...

هههههههه
خف طينة ...
بس مو كل شي صح
مبالغين ترى


انا مع سلة
نظااااااالب بالرابع
هههه

الليوان يقول...

على جذي شكلك موناوي بالمره اتزوج
واااايد متحامل علينا هالمره...

ترى حتى الرياييل...فيهم وفيهم

:)

غير معرف يقول...

سامي سامي انتا عدو المراءة واذا ترشحت بالانتخابات ماراح اصوتلك واقول صقطوا عدوا المراءة ويا ويلك منا احناالحريم اذا تازرنا تري نعجبك موبس سوالف بسيطه فلوس وما فلوس اتغشمر وياكم ها لاتاخذون الموضوع جد

غير معرف يقول...

انا أقول يعطيها الألف كله واهي تعطيييه نص دينار حق الزقاير أحسن.....

:)

أشوة انك تبت عن الحرين وماراح تطفرهم خلاص....وأخيرا وصلنا الحلقة الأخيرة:)))

كنا محتاجين هالسوالف الي تضحكنا شوي:)

keep it up

nnosha2011 يقول...

ثقافه الكره والحسد في قلوبكم مو بقلبونا ولله الحمد ( حتى بالقلوبنا ومشاعرنا مناشبينا )

بخصوص الحمد لله انك عزوبي خو انت ريال حر ولد حر ماراح تقاطع ربعك لي تزوجت ولا راح تاخذ اذن المدام على كل طلعه ودخله ولا راح تهد دراستك وتقط ليسنك وتقاطع اهلك وتستقيل من شغلك عشان خاطر عيون (المراة ) السود
سو تزوج لا تحاتي انت حر