حكمة الشهر

ما ينفعك يا كويت بالعسر واللين إلا عيالك وخذي العلم مني

Sewalefyal@

صفحة الفيس بوك


عدد الزوار (Unique)

من نحن ؟

نبش في المدونة !!

قائمة المدونات الإلكترونية

Followers





ودي تشاركوني تجاربكم في موضوع ما

الا و هو

ان تظهر عكس ما تبطن

شعور شنيع يتملكك بعد ما تقوم بهالتصرف

مثل

جلد الذات

يتعزز الشعور بالنقم و الحقد

طبعا ما يحوشك هالشعور الا اذا كنت صاحب ضمير حي

متى و وين اضطر امارس هالتصرف

اذا بنجز معامله ...و معاملتي عند واحد حاشاكم حقير

بعض الاحيان مع مديري ...و خاصه لما يكون على حق و انا على خطأ

مع "التي بوي" ابتسمله اذا غلط.. علشان ما يتفل بالكابتشينو و ما يحوس الجاي بصبعه

مع مخلص الجوازات عند الحدود البريه

ما ابي اكمل علشان ما اطيح من عينكم وايد:)

الحين ابي اعرف مواقفكم

ما ابي اجوبه ملائكيه ...مثل انا صريح ..او انا عيبي اني عفويه


____





بعد تسكرت كل الابواب بويهي ...و بعد ما تعقدت العقد اكثر...و بعد ما صارت شرباكه بيني و بين البلديه
لجأت لصديق ينتمي لقبيلة العوزام ...طلبت منه يتوسطلي بأداره وحده ..لكن الله يجزاه خير.. خلصني من ثلاث ادارات و بيوم واحد
تشكرت منه وايد ... لكن اهو حاول يقلل من شأن مساعدته لي و قال ..ما سويت شي و الله لو انت عازمي جان خلصت المعامله بروحك
صاج
لو انا عازمي ...و خوالي رشايده ...و مناسب كنادره ...جان خلصت المعامله و انا بالبيت
انا من هذا المنبر اعرض نفسي للتبني من اي اسره تنتمي لقبيلة العوازم او الرشايد او حبايبنا الكنادره
تكفون تبنوني ..بس اسبوع ..مو مشكله
ترى و الله انا مو متطلب ... يكفي غرفة نوم و حمام خاص ..و هم بعد ما اكل ايدام ...تدرون انا نباتي
للجادين فقط ارسال طلب التبني على عنواني الالكتروني
الشيخ طلال الفهد يقول ابتسم انت قدساوي
و انا اقول ابتسم انت عازمي
ابتسم انت رشيدي
ابتسم انت كندري

14 التعليقات:

رورو الشخبوطه يقول...

سهالات..

ناسبهم :)

انا ولا وحده من هذيل ولا اهلي يمشون الواسطة ولا جان خليت امي تتبناك خخ..

وماعندنا حمام خاص الا جان تبي غرفة اختي مالت النفاس :p

Sami يقول...

لوووووووول

الزين يقول...

تعال نحط همك على همي ونسوي لنا قبيله بروحنا

بس تدري
الخمال مو منا
الخمال من ديره عنصريه بكل انواع العنصريه القبيحه

مذهب
قبيله
انتماء
تيار

نقول ان احنا كويتيين
بس فعلنا يقول احنا شي ثاني
شيعي
سني
عازمي
كندري

عمى بعين التمدن والمدنية
لو اقول عمى بعيون العنصريه

قاعده اخربط
ادري

سلام

aL-NooR . يقول...

فيهم البركة الصراحة ..ولو ان التفرقة ولا الوسطات صارت هالايام اكبر من جذي بمراحل .. صارت ترد حق مصلحة الشخص فقط لا غير ..

احس الموضوع يفرق بين كل شخص و شخص و مدي تعرفيهم له ..ان كان واصل اول لأ
و اني اجهل هالتعريف اصلا !!

مع احترامي لكل منهم و و بالعكس انا احبهم كلهم ناس طيبين سنعين ..
عيل اذا ابي واسطة ما كو الا انت
تضبطنا بما اني ولا وحدة منهم
مستر جيرمااااااااااان
:)

ناقد سياسي يقول...

السلام عليكم
اخوي انا واحد من قبيلة العوازم ومادري هالبوست شنو تقصد فيه انك تبي احد يتبناك منى اذا نيتك صافيه الله يجزاك خير واذا نيتك شي ثاني مادري والله عنك
انا مابي ادش بنيه الله لوحده عالم
بس بصفي النيه :)
لنا الشرف انك تصير منى اصلا اهل الكويت منى وفينا واحنا نفزع للكل
وانا حاضر بلي تبيه اي شي يوقف عندك انا حاضر لايردك الا ايميلك
وصاحبك العازمي ما قالك هالكلمه الا يدري ان العوازم في كل مكان بالكويت حمدالله واهل فزعه ومايخلون رفيجهم بس فيهم فزعه زود لولد عمهم واهل الكويت يدرون بشي هذا وهالشي مفخره لنا ماهو نقص
وارجع وقولك ياهلا ومرحبا فيك حنا اهلك والي تبيه حاضر

Sami يقول...

الزين ... يلا نسوي قبيلة الزين

النور ... ديرة واسطات

ناقد سياسي ... اكيد نيتي صافيه ... قبيلة العوازم بذات لهم افضال كثيره علي ..و انا الي اتشرف :)

panadool يقول...

ياإني ما أحب هالسوالف

وشنو اللى مأخرناورادنا ورا غير هذا الفساد الإداري ( الواسطه والفزعه)

le Koweit يقول...

افا عليك
استصدرلك طلب تبني من الوالد
بس انطر علينا شوي
تدري اجراءات روتينيه P:

اذكر يوم رحت اختبر عشان الليسن
الشرطي اللي اهناك عازمي
يوم شافني عازمي ويمسك الاختبار النظري
ويحله عني
مع اني ما طلبت منه شي ولا احد موصيه علي
لووووول يحليله يدور الاجر P:

الجودي يقول...

اعتقد الحين مو محتاج لتبني عقب رد ناقد سياسي ولا ؟

و بالنسبة للجزء الأول عني علشان ما أظهر غير ما ابطن اتجنب الناس إلي ممكن ينصدمون برأيي بأفكارهم و لو صار والتقيني الحجي يكون في شغلات عامه ماتخص أحد يعني و بشكل عام إذا رايي ما يأثر ولا يعلق مع الشخص إلي بقوله الكلام ماله داعي أقثه و بس ف طاف وايد أريح لا أزعجه ولا أزعج نفسي فيه ببساطه
ايه و تذكرت أحيان يصادف و يقولون حجي يدرون أنا ارفضه أو رأيي مختلف اكتفي بالإبتسامه و إذا زوروا علي هزيت راسي بالرفض هذا الإسلوب اتبعه في دوامي ...

BookMark يقول...

أظهر عكس ماأبطن
مو جواب ملائكي بس ماأذكر اني سويتها
***

أجدع ناس والله
أذكر سنة من السنين عازمي يبي ينتخب واحد (كفؤ) وخلاص معزم انه يصوت له ..
يقول لما مسكت الورقة شفت اسم عازمي ما هان علي :/
وترك صاحبه وانتخب العازمي

طبعا هالشي وإن دل على طيبهم وفزعتهم بس تصرف مو صحيح ويدهور الأمة،
ومنتشر بالمجتمع كله مو بس القبائل الي ذكرتها!!


وحياك الله إذا تبي تبني بس ترى مو متأكدة من صفاء نيتك :)

سلة ميوّة يقول...

مسى الخير

سؤالك الأول...

اممم قلت ماتبي ردود ملائكيه :)
وانا عفوي

عيل اسمع خل اقولك
ههه( لازم اضحك قبل اي اعتراف )

شوف يا صديقي سلمك الله...
التي بوي..فوق الكل...
ايني بدينار...ويروح بدينار..وان يابلي مريض يتوسط له
ادخله قبل الوزير ان بغى...
..كلش ولا يتفل بكبشينوي ..ويقول رغوة..
والا يحوس بصبعه...وعو...كلش عاد الا مشروباتي الروحيه ...اصلا العياده ماتمشي من غير ماقند راسي بذيج القهوة الفرنش...فلزوم كل ذلك...
:) انغنغ ولدنا..وادلعه...
وان بغى اناديه عمي ههههههه
اما بعد...
باجي الناس..عادي..عموما
انا نوعي مبتسمه على طول:)
فاعتقد اني احرج الي جدامي بابتسامتي...
والحمدالله من يعصلق معاي موضوع
اتبجبج أبد ماغشمر..ام دميعه..
ههه لا اتغشمر... بس قصدي اني الزم مرات إلى العنف وازف زفه عنونه...


واذا كنت بوزارتنا وما ادراك ماوزارتنا...افضل اروح بوايت كوت:)
لأن الله يهداهم كله يفزفوني اذا مو لابسته! مادري ليش!

:)
وغير جذي..مايطري ابالي الحين...
واذا تذكرتك برجع ههههه


اما عن الواسطات....

اممم جني ماني متكلمة..تكفي اعترافاتي اللي فوق:)


مساك الله بالخير

ناقد سياسي يقول...

الله يسلمك سامي لنا الفخر انا نخدمك وانشالله مالنا فضل على احد وانا قلت لك الي تبيه حاضر والله لفزعلك بللي تبيه :)
وانا مدير في احد الجمعيات جان عندك بضاعه حاضر
لو كويت توني ادري انك عازمي عاد انا متابعك حيل !!
على سالفة الشرطي بقولك سالفه
مرة بالخطوط الكويتيه داخل الطياره كنت راد من السفر ومعاي دولارات زايده قلت خلني احول من سياحيه لي رجال اعمال المهم ناديت المظيف بدفع له وبروح جدام لما سمع كلامي وركز علي قالت انت عازمي قلت اي جان يقول حط فلوسك بجيبك ولحقني على الفيرست  بس اهو مو عازمي خواله عوازم :)
والثانيه كنت عسكري انا قبل وكنا ثلاثه نبي نطلع اجازه نفس الوقت ولازم واحد يطلع بس الضابط قال للوكيل ييسوي لنا قرعه والوكيل عازمي جيته وقلت تكفى بطلع قالي احاول قلت لا تكفى قالي والله لتطلع !!!
نهاية الدوام جمعنا وحط اسامينا بصحن وعطاها للضابط قاله اختار اسم منهم سحب جان يطلع اسمي استغربت انا لما اطلعو سئلته قالي ابلشتني جان يفتح اوراق القرعه الا كلهم اسمي

Eng. Elegance يقول...

بالنسبه لموضوعك الاول...مشكلتي مو صراحتي كثر ما انه يبين علي ..انا والنفاق مو ربع..بس مااحرج احد وحتى اذا مو متفقه معاه عيبي اكتم افكاري احترام للي جدامي خاصه اذا كان يستاهل الاحترام..
قاعده احاول اخفف من هالشي عن طريق المناقشه البسيطه اذا كان الشخص ذو مكانه وان لم يقتنع اسكت واقوول ان شاءالله
--------------------
بالنسبه لموضووووعك الثاني...
بقوووولك ان اللي ذكرتهم اجدع ناس بدون قصور بالجميع..صراحه يكفي طيبة قلوووبهم ..ونيتهم ..
اعرف وحده من احدى القبائل اللي ذكرت بدون مبالغه ماشاءالله تقدم لها خدمات بس لانها من هالقبيله بالرغم ان مقدمين الخدمات من خارج قبيلتها ونصهم مو بدو اصلا بس يقولون دام انتي ...... تستاهلين..
وانا اقول بعد ...تستاهل
وعسى الله لايفرقنا ولاتنمو الفتنه بينا ..ويديم محبتنا كويتين مترابطين..مثل اهلنا الاولين..وايام الغزو تشهد على وحدتنا

تفاصــيل يقول...

فديت عيال عطا والله...

اي والله ابتسم واحمد ربي مليووون اني من لابه ترفع الراس ... وحاضرين اكلم الوالد يتبناك مع انه معروف عنا نساعد الكل القريب والبعيد عازمي او غير عازمي .. والسبب طيبة قلبنا الله لايفرقنا