حكمة الشهر

ما ينفعك يا كويت بالعسر واللين إلا عيالك وخذي العلم مني

Sewalefyal@

صفحة الفيس بوك


عدد الزوار (Unique)

من نحن ؟

نبش في المدونة !!

قائمة المدونات الإلكترونية

Followers



اكيد... اليوم انا زعلان


و راح اظل مخنجر ليه الساعه تسع و نص الصبح


و حدي ما لي خلق اجابل الزملا السوريين و ملاقتهم الي يتميزون فيها


و مو مستعد حق شماتة الاعداء ...اصدقائي المصريين..و خاصه بعد ما لوعت جبدهم بمباراة مصر و الجزائر


بس تصدقون ...و الله العظيم


انا مو زعلان من نتيجة المباراة


لان كرة القدم ربح و خساره... و اهي بالنهايه طمباخيه


و لا ضايق خلقي لان فراس الخطيب تعمد ما اييب قول


لاني ادري ان فراس ما يجرأ ييب قول على نظامه البعثي


و لاني زعلان من ثيل الملعب المحوحي و الي يفشل


لاني ادري ان ما كو شي يقدر يقاوم شمسنا الحنانيه

انا زعلت و تكدرت و خنجرت و عقدت النونه يوم عرف ان

200 الف سوري عايشين عندنا

20% من تعدادنا...و هذا بس على جنسيه وحده


بره الموضوع

كل الشكر و التقدير للاخت " الجودي " على صورة الاسبوع و الشكر موصول للمهندسه ابرار على تجاوبها و تزويدنا بمجموعة صور .. نختار منها لنعلقها بمدونتنا في الاسابيع القادمه


21 التعليقات:

ناعمة الهمس يقول...

20% بس قاعدين يخدمون ديرتنا
وما قاعدين يضرون
حال بقية الجنسيات
وانت ادرى
وجهة نظري المتواضعة

Engineer A يقول...

عاد انا زعلانه ..

وضايق خلقي ..

وحيل حيل مكتأبه .. وصج حسيت فراس هذا تعمد ما اييب القول ويضيعه بس هم الشرهه مو عليه على المدرب اللي حاطه! :(

وبرا الموضوع انا ما شفت المباراة بس لحقت على البلنتيات :)


صباح التفاؤل

Sami يقول...

ناعمة الهمس..بغض النظر عن كونهم يخدمونا او نخدمهم ..و انا قاعد اتكلم عن نسبة اي جنسيه كانت ..سوري او غيره ..مفروض ما تتعدى 5% ناهيك عن 20% .

المهندسه ابرار ... مبروك لاخوانا السوريين :)

chandal/danchal!! يقول...

سلامتك من التخنجر
ترى سر الخسارة اني كنت لابسة اصفر امس المغرب

انا اللي كشحتكم

وكان مشوقني بشت اصفر شفته بالمباركية عند السعيد وكنت باخذه, بس ذاك اليوم لو واقفة فبيتنا ورايحة المباركية مشي جان ابرك
ما حصلت موقف ورديت البيت ايد ورا وايد جدام

اما بخصوص النسبة اللي ذكرتها
تصدق انهم يطحنون عمري
الاجانب العرب بشكل خاص
والباكستانيين بشكل اخص لأني اموت عليهم
:p

رزقهم والله يبارك لهم فيه, الغربة عن الوطن والأهل شي مو سهل
ارتاح لما اشوفهم مرتاحين بديرتنا


والزمن دولاب
عسى الله لا يغير علينا الا للأحسن

Fishah يقول...

طافت الساعه تسع ونص .. شلونك الحين :)

صباح الخير

Sami يقول...

جندله ... اذا بنتكلم من الناحيه العاطفيه ..انا معاج و اشاركج الشعور .. و خاصه الهنود ( مو الباكستانيين ) .. انا جربت الغربه و حاس معاناتهم..لكن العاطفه شي و السياده شي ثاني ... 200 الف رقم خطر وايد

Sami يقول...

Fishah ...منشكح :)

Sami يقول...

جندله .. رجعتلج مره ثانيه :) ..خلنا نوع شوي .. 5% سوريين ..3% مصريين ...8% هنود..10% باكستانيين (علشانج بس )...0% بنغال ..الخ

خالف تعرف يقول...

هذول غير البدون اللي يدعون انهم كويتيين !!

يعني زيد ٥٪

بس شهادة ان السوريين المقيمين نشيطين اقتصاديا بشكل كبير في مجالات عدة وحتى الحرفيين كذلك

عالاقل لايقارنون بالشرق اسيويين

الجودي يقول...

أنا ما أدري إن فراس سوري @@ ؟؟!!!

ليش مخلينه يشوت البلنتي يعني حركه عادي ما انفرق وهو في فريقنا.. قوعنا زين جذي :\

يالله ما عليه عليهم بالعافيه ربي كاتبه لهم ...

وأخيرا أخذت الصورة ما هقيتها هذه حلالك يا ولد الحلال بالعافيه عليك وعلى رواد مدونتك و الشكر أكيد لك على فكره الصورة هذه الصبح الساعه تقريبا 10 و الجو مطر اشحلاته

سلة ميوّة يقول...

وأنا اقووووووووووووووول ليش امس الدنيا نايمه
والشوارع هادية...
اثره في مبارات ....


والله وايد!...


صباح الهنا

chandal/danchal!! يقول...

خل ارجع لك شويتين
:)


الباكستانيين حبايبي بعكس الهنود
:p

طيب منو اللي فاتح النسبة عالبحري وخلاها بهالفوضى؟

BookMark يقول...

عادي!
أصل التعداد عندنا ملخبط من زمااان
يت على السوريين


والصورة رووعة :)

Sami يقول...

خالف تعرف و بوك مارك ...ليش مصرين اني اقصد السوريين ..انا المعلومه اصدمتني .. ما ودي لا سوريين و لا غيرهم يوصلون هالعدد ..و لنا في الفلسطينين ايام الاحتلال اسوه غير حسنه

الجودي..خوش صوره :)

سلة ميوه ..انتي بعالم ثاني :) ..بس اكيد احلى من عالمنا

جندله ..الحكومه و تجار الاقامات ..نبي نعرف سر الباكستانيين

Hadeel يقول...

مو بسبب فراس .. بسببي أنا .. أنا ما أطالع مباريات كلش .. بس أمس انطقيت على راسي وشفت ..

ترا مو من فراس من الثاني نسيت اسمه الي شاتها فوق .. الله يهديه بس

وهالفراس أول ما حطو الكاميرا على ويهه قلت لا يودرنا هذا

le Koweit يقول...

عزيزي سامي
عدد سكان الكويت (مواطنين ووافدين)
اكثر من 3 ملايين
شلون صار 200 الف يمثلون 20% ؟؟

Sami يقول...

She is me....لا ما اعتقد

لوكويت...خاني التعبير...الي اقصده المواطنين الكويتيين ...لو نفترض جدلا ان المليونين الوافدين ما منهم خوف ...يفضل ان الجنسيه الواحده في المليونين ما تتعدا نسبه معينه..على سبيل المثال 5٪
يعني بالمختصر المفيد ...ما عندي مانع ان الوافدين ككل يشكلون 200٪ ...لكن من الخطورة بمكان ان نسمح بوجود جنسيه واحده تشكل 20٪ منا إحنا يا الكويتيين

ebtsamh يقول...

آنا ما قهرني الا فراس ..

والشكوى لله ..

هارد لي ولك :) ويوم سعيد ..

غير معرف يقول...

معاك حق

واللي يحر اكثر ان كل جاليه محتكره نشاط معين ويا ويله اللي ينافسهم في

وعدد كبير منهم عايشين علي المساعدات الخيريه ويتكاثرون علي حساب اللجان الخيريه يعني من غير انتاج للبلد

غير اللي يطرون برمضان ايبونهم مخصوص بكرت زياره

الله يحفظ الكويت

Sami يقول...

ابتسامه...صبحج الله بالخير :))

غير معرف ... عاله علينا

Sami يقول...

لوكويت .. لحظه انا ما خاني التعبير ...توني رجعت قريت البوست ..انا ما يبت طاري سكان الكويت ..انا قلت تعدادنا