حكمة الشهر

ما ينفعك يا كويت بالعسر واللين إلا عيالك وخذي العلم مني

Sewalefyal@

صفحة الفيس بوك


عدد الزوار (Unique)

من نحن ؟

نبش في المدونة !!

قائمة المدونات الإلكترونية

Followers


" احنا " الاغلبيه الصامته ..حب الكويت يسري مسرى الدم في عروقنا .


" اهم " الاقليه الفاسده .. حبهم للمال و السلطه طغى على حبهم للبلد


" احنا " نوعا ما سلبيين ..مو عاجبنا الي قاعد يصير بهالديره .. بالنفس الوقت ما حاولنا نتحرك نوقف الفساد بأيدنا او بلسانا ...اكتفينا بس ننكره بقلوبنا .


"اهم" عصاميين ..فاعلين ..يحولون الكلام الى افعال ..و الافكار الى انجازات على الواقع


" احنا" طيبين ..مسالمين … نمشي تحت الساس ..شاطرين بالتحلطم ..شعارنا .."ابعد عن الشر و غني له "


"اهم" عدائين ..صدامين ..ينطبق عليهم المثل " فوق شينه قوات عينه "


" احنا " عيال حمايل تهمنا سمعتنا … و سيرتنا الطيبه بين الناس


" اهم" من طقة عوير و زورير و المنكسر و الي ما فيه خير …ويوهم مغسوله ….


"احنا " نتحسر ..و ناكل بنفسنا


"اهم" ينجزون ..و يبنون بمصالحهم






"احنا" نؤمن ان شعب الكويت جماله بتنوعه





"اهم" يحاولون يفرضون وصايتهم علينا






"احنا"
نحلم بتطور الكويت





و " اهم" ما تهتز براسهم شعره لما الكويت تصير جذي





و " اهم " يعتاشون على التأجيج الطائفي




و " احنا" نحلم بغد افضل و مستقبل مشرق






15 التعليقات:

الجودي يقول...

متعب هالبوست :(

يالله صباح خير

صبحك الله بالخير و الكرامه إنت و الحضور

esTeKaNa يقول...

أحنا..
لازم نتحرك
نقرر نخطي خطوة للجدام
نغير ولو بأبسط الافعال
احنا..
وايد ..بس ماحد يدري عنا
:))
خوش بوست

SHOOSH يقول...

المهم

المبارة بتخلص على شنو ؟؟

جم النتيجه ؟؟

panadool يقول...

هذا اللى صاير

ناعمة الهمس يقول...

عجيب عجيب عجيب

اصفق لج على كلامج و اثني عليه

بالظبط على الوتر الحساس

غير معرف يقول...

احنا اللي مادروا عن هوا دارنا

يالله صباح خير :-)

le Koweit يقول...

بس احنا مو ساكتين
كا قاعد ندون
وانا اشوف ان التدوين القطرة اللي بأول الغيث
قول يارب :)

Engineer A يقول...

احنا اللي لو انتحجى مني لي باجر بيظلون "اهم" عمك أصمخ!!

:)

BookMark يقول...

عقبال ما نصير "اهم"
بالتحرك وترك السلبية

عين بغزي يقول...

الحياة حلوة

الوحده الوطنيــــه يقول...

احنا ندج القاع
اهم يقولون امباع
لووووول

خوش موضوع يا السمي

ميمة السبيت يقول...

** منو اهم ؟

الزين يقول...

احنا واهم

المفروض نكون بكفه وحده
الكويت وبس

بس احنا سلبيين
واهم ما يعلجون يزرطون سيده

احنا نعرف نتحلطم بينا وبين بعض
بس لين صارت الصجية سكتم بكتم

:)

اكو شغلة بقولها بس مستحية

الجزئية اللي قلت انهم ويوهم مغسوله .....

عقبها قلت احنا نتحسر

انا قريتها ترى شي ثاني
احم
العتب على النظر
:))))


وعلى فكرة ترى اهم عندهم اهم عيال الحمايل
واحنا اللي يايين من البصره
:)

خالف تعرف يقول...

احنا واهم

يجب ان نخضع لقانون واحد
حب الوطن والعمل لمجده

Sami يقول...

الجودي ...هذا الواقع

استكانه ... صح لسانج

شوش ... 30 صفر لصالح الاقليه

بنادول ... للاسف

ناعمة الهمس ... انا اصفقلك مو اصفقلج ..لووول ..هذي الساعه المباركه

لوير...صباح النور و السرور

لو كويت ...بالضبط بس جم نسبتكم من اجمالي الاغلبيه

المهندسه ابرار ...العم يسمع بس يتصيمخ

بوك مارك ..امين :)

عين بغزي ...الحمدالله على النعمه :)

الوحده الوطنيه ... لووول ..هلا و الله بالسمي

ميمة السبت ..."اهم" شوية نواب على شوية تجار على جم وزير مشوش عليهم شوية كتاب مقالات

الزين ..لووووووووووول صاجه مفروض اعدل الترتيب ..تفاديا لسوء الفهم

خالف تعرف ... صح :)