حكمة الشهر

ما ينفعك يا كويت بالعسر واللين إلا عيالك وخذي العلم مني

Sewalefyal@

صفحة الفيس بوك


عدد الزوار (Unique)

من نحن ؟

نبش في المدونة !!

قائمة المدونات الإلكترونية

Followers

خلصنا من عشر الرحمه بالمواجيب و زيارة الاقارب و الدواوين


ليلحين عندكم وقت لا تحاتون


و هم خلصنا من عشر المغفره و احنا ضايعيين بمعمعة الغبقات


تطمنوا ...في عشر ايام تقدرون تغتنمونها


اليوم بدينا عشر العتق من النار


اتمنى انها ما تضيع على مسلسلات هابطه مثل زوارة الخميس


في الايام الماضيه انفجعنا بوفاة اكثر من انسان


و هذا خله جرس الانذار يرن


و قررت اني اتلاحق عمري من الحين


تولدت عندي فكره حبيت اشاركم فيها لتعم الفائده على الكل


خمسة دنانير



اعتقد اغلبنا يقدر يصرف هالمبلغ على خرابيط ما لها داعي


لكن في احد فيكم قرر ان يستثمرها ...استثمار اخروي مع الله


خنشوف شنقدر نسوي بالخمس دنانير هذي

وجبة خفيفه لشخص واحد تتكون من





الافنديه الوحده قيمتها 30 فلس


المعمول سعره 28 فلس


البسكوت قيمته 55 فلس




الكرواسون سعر الحبه 100 فلس




الكب كيك سعر الحبه 62 فلس




علبة اللبن قيمتها 100 فلس





علبة عصير قيمتها 110 فلس



مجموعهم تقريبا اربعميه و خمسين فلس للشخص الواحد


و بحسبه سريعه


الخمس دنانير تغطي احدعش شخص ...تخيل اطعمت احدعش شخص ...احدعش دعاء يالك ...هذا غير السيل العرمرم من الحسنات ...و غير مقدار السعاده و الطمانينه الي راح توصلك من ورا هذا العمل




"وفي ذلك فليتنافس المتنافسون"


اللهم اجعل عملنا خالص لوجهك الكريم


بره الموضوع

عائلة الغنام الكريمه تفتح ديوانها العامر بالضاحيه ليكون قبله للعمال و المحتاجين .. و تقيم موائد الافطار طوال شهر رمضان المبارك ...اللهم اجعل هذا العمل في ميزان حسناتهم ..اتمنى كل العوائل تحذو حذو عائلة الغنام .


13 التعليقات:

عين بغزي يقول...

برافو حجي ..

Sami يقول...

عين بغزي .. ترددت قبل لا انشر ..خفت ان يدخل فيها الرياء ..لكن بعد ما فكرت شوي ..شفت اني مو معلن عن شخصيتي ..انشاءالله ما في ضرر بل بالعكس ممكن تكون عامل حث الغير على عمل الخير

الجودي يقول...

جزاك الله خير

:)

مركبنا يقول...

عجيب بارك الله فيك مشكور على التذكرة ..

تقبل الله منك صال الاعمال يااارب

le Koweit يقول...

اهنيك صراحة على هالمشروع :)

الله يجزاك خير

غير معرف يقول...

لا بالعكس مافيها رياء. و على قولتك انت ما اعلنت عن اسمك.
يعطيك العافية والله ذكرتني بأهمية الصدقة الي نسيتها مع مشاغل رمضان.

ماتقصر يالغالي.

Unique Girl يقول...

يعطيك الف الف عافيه صج فكره رووعه

مشكووور في ميزان حسناتك ان شاء الله

سلة ميوّة يقول...

الرياء كان لو حاطلك صورة وانت تعطي فقير:)

بالعكس لازم مرات الواحد يذكر الأشياء الزينه الي يسويها مو لمجرد الكلام بالعكس
على شان اللي حولينه يستمدون أفكار ويوتعون

بارك الله فيك ولك
وعسى ربي يتقبل صالح أعمالك

ويزقنا وإياك سعة مغفرته ورحمته



خووووووووووووووووووووووش بوست


مودتي

ebtsamh يقول...

خوش فكره ..

الله يكثر من امثالك ..

ولا يحرمك الاجر :)

ميمة السبيت يقول...

** مشالله عليك بالعافية انشالله بميزان اعمالك

آلاء يقول...

ماشاء الله مشروع حلو

بس احنا مودينار عملتنا ريا ل هههه

اتغشمر

يعطيك العافيه بموازين حسنااتك ان شاء الله

may يقول...

ماشاء الله
ترتيب وسنع

تسلم الأيادي والله ياجركم ويهنّيكم على الأجر ويتقبل منكم يارب..

Sami يقول...

أشكركم ..أخجلتم تواضعي :)