حكمة الشهر

ما ينفعك يا كويت بالعسر واللين إلا عيالك وخذي العلم مني

Sewalefyal@

صفحة الفيس بوك


عدد الزوار (Unique)

من نحن ؟

نبش في المدونة !!

قائمة المدونات الإلكترونية

Followers



نـــــار .... من اللاهوب والواهي والحرارة العالية

شــرار ..... من الموافق الي تحرق القلب وتشعل شرار الاعصاب

النار والشرار ، حسب المقصود ، أمرين لا تطيقهما النفس البشرية منفردين.

فما بالك اذا اجتمعا في وقت واحد .. !

نـــار

بدون لا أكتب وأشرح وأفصل ، الكل عايش معاناة الحر خاصة .. الظهر

أبلغ صورة تعبر عن مدى ما وصلته الحرارة :





شــــرار

مهما وصلت فيكم سعة الصدر وطولة البال ...

يتروالي صعب تتحملون هالمواقف الي بذكرها لكم

خاصة تحت تأثير حرارة شمسنا الملتهبة





اهدار وقت العمل

باختصار ... في احدى وزارات الخدمات في الدولة ...

وفي معاملة قانونية 100% ممكن تخلص في عشر دقايق

وبسبب دورة المستندات الغبية .. طولت معاي العملية اكثر من ثلاث ايام

دخلت مكتب احد المراقبين ( كبر بيتنا ).... واذا بالاخ اللطيف ذو اللحية الغنية ..

يسولف مع احد الاصدقاء الى قاعد على الكرسي الي يمه .. سوالف ماصخة مالها شغل بالعمل

بعد انتظار عشر دقايق تقريبا ... انتبه ان اكو (...) واقف جدامه ينتظره يخلص من سالفته .

وباسلوب غير محترم .. دزني على مدير آخر من نفس طينته .. ووللأسف .. تكرر نفس الموقف مع الاخر .
--------------------------------------------------------------------------------------------------------------------

جلب بوليسي

بعد مرور يومين .. وبعد الدوران في حلقة مفرغة .. رجعت لنفس المراقب الي تيقنت ان معامتلي عنده

الا الحبيب حاطله عزكم الله جلب بوليسي على باب مكتبه ... يغلط على المراجعين ويسفل فيهم ( اغلبهم مندوبين ) .

الصراحة .. الشرهة مو على الجلب الي قاعد ينبح .. الشرهة على هالي حاطله لحية ولاهو خايف ربه

من الفعايل السودة الي قاعد يقوم فيها الموظف الحقير الي عنده.

تغافلت البوليسي ودخلت المكتب وقعدت على احد الكراسي ..

قلت في قلبي .. مايقومني من هالكرسي الا ملك الموت .

وتمنيت وقتها ان هالكلب عزكم الله .. يغلط علي !!

لحسن الحظ .. ما جرب صوبي ..

وقدرت امشي معاملتي بفضل من الله بدون نجرة .

------------------------------------------------------------------------------------

مستشار .. فهمان

في احد اجماعاتي في مكاتب احدى الشركات

بدأ أحد المستشارين بالحديث عن مخططات المشروع .. واستمر في الحديث لمدة طويلة دون مقاطعة من احد ..

على الرغم من الاخطاء الفنية والمعلومات المغلوطة .. محد فكر يصحح معلوماته لكبر سنه وخبرته الكبيرة

بعد الانتهاء من حديثه .. صار دوري اتكلم عن الجزئية الي تخصني في المشروع .. ومن أول جملة .. الحبيب نزل لي سلايت

لاااااءااا .. ميصحش كدا .. انزين خلني اكمل .. كلمت جملتي الثانية .. ويرد الحبيب بسلايت ثانية ..

المشكلة ان معارضته في غير محلها .. وكلامي كان صحيح باجماع الحاضرين

وتكررته مقاطعته .. وتحولت الي اسلوب غير محترم .

عقبها صارت الدنية شرار .. ما اذكر شنو قلت من قوة انفعالي...

عرفت أول ما ركبت السيارة من المهندس الي معاي .. يقولي اهو غشيان من الضحك

(( أول مرة أشوف مقاول يزف استشاري ))

الحلو في الموضوع .. ان كل الي نبيه صار .

والاستشاري كان وضعه ... لا تعليق

أهو الي ياب الحجي حق عمره ..

------------------------------------------------------------------------------------------

اتصال .. ناري

لا يخلو هالموقف من الطرافة .. على الرغم انه مثير للاعصاب

يومها كانت توني داش المكتب عقب مشوار طويل تحت لواهيب الحر .

طلبت من محبوب اييبلي 4 بطول ماي ابراج .. وقبل لا توصل بطول الماي

رن تيلفون المكتب ..

قال :ألو ..... قلت :ألو

قالي : انتو متأخرين علينا كتير ... لي محدش قانا المصنع لاعتماد التصميم

(( وقتها فعلا كنت متفق مع مصنع ثاني اني امرهم .. بس بناء على اتصال منهم ))

قلت له : عفوا من معاي .. قال: مهندس × مدير المصنع

قلتله : عفوا .. أنا متفق مع المهندس ÷ انه يتصل اذا جهزت العينة

أهني الحبيب فصل .. وقال ( بصراخ ) : لاااااءااااااا مش كدا .. انتو مأخرينا

وحتتحملو غرامة التأخير .. ووو ... ووو ...

وانة احاول أهديه : بس عفوا .. العفوا ... بس اخوي

فجأة .. حسيت اني صج قاعد اتهزأ منه

جان تتحول المعركة .. الي صراخ وشرار يطشر من الصوبين

الي ان .. عرفنا آخر شي الى الموضوع فيه .. سوء فهم .

---------------------------------------------------------------------------------------

الخلاصة

أكيد مرت عليكم مواقف اقوى من جذي .. واحترقت اعصابكم

صدقوني ماكو شي يسوى بهالدنيا العصبية وحرق الاعصاب

Be COOL













8 التعليقات:

Unique Girl يقول...

واااااااااايد مرت بس مو بالشركات تو الناس علي

ههه اي والله ماينفع نعصب ونرفع ضغطنا be cool على قولتك

مشكوور على الموضوع

الوحده الوطنيــــه يقول...

صدقت يا السمي
و اذا الواحد شاف مصايب الناس تهون عليه مصيبته .
اخذ الزين و ادفع فيه و خله يدفعك للامام
و الشين لا تلقيله بال
و تسلم يا الغالي

غير معرف يقول...

أنا اقترح على مجلس النواب يطلعون ويخلونك مكانهم
يااخي تستاهل تترأسهم be cool

le Koweit يقول...

شعقبه بي كول يمعود
لوووول
وين اصرفها بي كول هذي P:

بو عبدالله يقول...

يا حيالله رامي .. طولت علينا الغيبة ياخوك

حديد ونار حديد ونار يا رامي مثلك ما صار

Be Cool

يا حلو بانت لبتك
بعد ما دابت قشرتك
تحرم عليا محبتك
وراح أتوب عن سكتك
القلب منك مليان جفا
والصبر من قلبي إتنفى
وراح معاك كل الصفا
ضيعته بعندك يا قفا
آه يا قفا آه يا قفا

عين بغزي يقول...

و بالاخير اقول لك خلك طبيعي

why me يقول...

ولكم باك يارامي

بقولك شي .. تدري انك تقدر تحتسب الاجر من هالحر واللاهوب :)



وبجذي يصير الحر نعمه من الله علينا





وبعدين يالمهاوشجي عقب شنو
be cool



looool




صروعت الاوادم

;p

غير معرف يقول...

ههههههه
Be Cool

عقب شنو للأسف إحنآ نحب نحرق أعصابنا لو بس
نعرف او نتعلم نكون COOL جان ارتحنا :)

مشكوور عالبوست