حكمة الشهر

ما ينفعك يا كويت بالعسر واللين إلا عيالك وخذي العلم مني

Sewalefyal@

صفحة الفيس بوك


عدد الزوار (Unique)

من نحن ؟

نبش في المدونة !!

قائمة المدونات الإلكترونية

Followers


ماني قادر احسم رأيي بالخصخصه 100%

كلمه تيبني و كلمه توديني

الي اعرفه ان الوضع الحالي لا يمكن الاستمرار عليه

و بيي اليوم الي الحكومه راح تعجز عن الالتزام بالمصيبه الي حطتنا و حطتة نفسها فيها

و في نفس الوقت اشوف ان شعبنا غير مهيأ للنظام الجديد

عقلية الكويتي صارت معروفة للقاصي قبل الداني

شعب يزور المرضيه علشان يسافر عمره

شعب يطالب بالكوادر و انتاجيته ما تتعدى الربع ساعه باليوم

شعب يقترض علشان يشتري جنطه ماركه حق زوجته ..و بعدها يطالب باسقاط القرض

شعب يداوم متأخر و يطلع من الدوام مبجر

شعب شاطر بالتحلطم ..( هذي ما ابرأ نفسي منها )

شعب يزدري الاعمال الي تعتمد على الحرفه

اغلب الشعب مدرا

منو الشركه المقروده الي بتوظف عقلية طفل مدلل

اكتب هذا البوست من مواقف بلدية الكويت فرع الاحمدي .. ناطر المدير الفرع ... اراجع معامله "لا مانع من ايصال التيار الكهربائي " لمشروع سكني .. صار لها ثلاث اشهر بالتمام و الكمال ..40% من التأخير راجع لعدم التزام مدير البلديه بالدوام و 30% من التاخير راجع للتطفيش المتعمد لمندوبنا السبب ما عندنا كهربا "تصريح غير رسمي " ..30% طلبات جديده من الوزاره ...هذا السيناريو يتكرر مع كل المشاريع الاستثماريه او التجاريه .

مشروع بالملايين واقف على الكهربا ... هذول بعد الخصصه شلون بترقعون ؟!

9 التعليقات:

why me يقول...

ما يترقعون

الوحده الوطنيــــه يقول...

تبي ترسالك على قرار يا السمي
الحل عندي و آنا بو هندي
اسمع رولا و العنجري و السعدون شيقولون عن الخصخصه
و اسمع راي البراك و بورميه و الوعلان بالخصخصه
و تالي سو جاب كتب
:))

الزين يقول...

هم ما يتلم

:$

Rami يقول...

قايلك من زمان سامي ...
ركب بنكات ( مراوح ) توليد الطاقة في البناية
ما طعتني : )

شوف حجي ..
المدراء نوعين .. نوع يمشي بالطيب ونوع يمشي بالصيحة والنجرة ..
والنوع الاخير يمشي بدقة خشم .
من اي نوع بهي الطلة ؟

غير معرف يقول...

صج لما قال:

البلديه مايشيل فسادها بعارين:(

BookMark يقول...

تفاءلوا بالخير تجدوه :)

صدقني الجيل الجديد قادم نحو التغيير وبقوة،
شباب مثلكم وشرواكم مستعدين للعمل
أيًا كان حرفيًا أم غيره،
فقط هم بحاجة لإعطائهم الفرصة،
فليتزحزح أولئك الديناصورات عن مقاعدهم
وليفسحوا المجال لمن لديه رغبة صادقة في التغيير،
وسترون النتائج :)

Sami يقول...

Why me...لَا طبعا ما يترقعون :))

عاضه ...أنا من الأسامي حددت موقفي :))

الزين ..اي والله هم ما يتلم ..صدقتي :))

رامي ..كلامك عدل مدل :))

لوير..أنا سميتها بلوى و اذيه ( بلديه) ..خشيتولنا كيكه :))

بوك مارك ... كلامج صحيح ...لو خليت خربت :))

عين بغزي يقول...

أهمممممممم

msha3erha يقول...

شعبنا شعب خصخصة؟؟؟ ايه هين!!!
إن ما سوونا فيران تجارب و لوعوا جبودنا من هالقوانين ما يكونون كويتيين!!!

الله يعينك بس