حكمة الشهر

ما ينفعك يا كويت بالعسر واللين إلا عيالك وخذي العلم مني

Sewalefyal@

صفحة الفيس بوك


عدد الزوار (Unique)

من نحن ؟

نبش في المدونة !!

قائمة المدونات الإلكترونية

Followers





يكذبون ان قالوا اليوم من كل سنة للأم عيد .


اليوم الي يبونه مصلحة لأجل هالتاجر يستفيد.


حب الأم ماهو بس يوم ، كل يوم عن يوم يزيد .


حبي لأمي ماهو سلعة ، حبي لها يجري في الوريد.


الله يحفظج يا الوالدة ، ويعطيج العمر المديد .


لو تطلبين عيوني عطيتج ، فهل من مزيد ؟



قال الله تعالى في كتابه الكريم :


{ وَقَضَى رَبُّكَ أَلاَّ تَعْبُدُواْ إِلاَّ إِيَّاهُ وَبِالْوَالِدَيْنِ إِحْسَانًا إِمَّا يَبْلُغَنَّ عِندَكَ الْكِبَرَ أَحَدُهُمَا أَوْ كِلاَهُمَا فَلاَ تَقُل لَّهُمَآ أُفٍّ وَلاَ تَنْهَرْهُمَا وَقُل لَّهُمَا قَوْلاً كَرِيمًا . وَاخْفِضْ لَهُمَا جَنَاحَ الذُّلِّ مِنَ الرَّحْمَةِ وَقُل رَّبِّ ارْحَمْهُمَا كَمَا رَبَّيَانِي صَغِيرًا } {الإسراء/23-24}

10 التعليقات:

Engineer A يقول...

الله يحفظ لنا أمهاتنا يارب ويطولنا بأعمارهم ويخليهم لنا اللهم آمين

فآطِمهْ يقول...

صدق الله العلي العظيم
:
و صح لسآنك
وعسى الله مآ يحرمنآ من أمهآتنآ

Shaikha يقول...

يكذبون ان قالوا اني جبت طاريك ،
لا هذي اغنية مالها شغل p;

المهم ،
اي رامي مانختلف ، بس مايمنع تييبلها شي يونسها اليوم ، وجانك خوش ولد وكل يوم بتييبلها شي هم ما يمنع ..
الوالده والتاجر يستفيديون p;
أكيد القدر مو بالهديه ، بس الهديه لها اثر حلو عالنفس مو ؟

Rami يقول...

انجنيرا : أجمعين ... ويحفظ امهات المستقبل ذخر للاجيال القادمة .

ملاك : آمين .. شكرا على المرور

شيخة : توقعت احد بتطري عليه الاغنية ..
الهدية امر حثنا عليه رسولنا الكريم عليه افضل الصلاة واتم التسليم لقوله (( تهادوا تحابوا ))
وهو امر يؤلف مابين القلوب ويسر النفوس ..
ولكن تخصيص هاليوم بالذات وتسميته " عيد " هني الامر الي نختلف عليه .
على طاري هالسالفة بقولج شي :
أمس الوالدة الله يحفظها المفروض توصل من السفر .
وطلبت كيكة من باسكن روبنز احتفالا بعودتها.
قدر الله وتأجل وصولها الى اليوم .. وتعالي يا الفلبينية وحطي كيكة الايس كريم في الثلاجة .
قمت اليوم الصبح ( حار بطن ) وقلت بذوق منها .
اكتشفت انها ذايبة بالثلاجة .
طبعا طلبت وحدة يديدة .. ومن غير قصد صارت كأنها احتفال في " يوم الام " .

رورو الشخبوطه يقول...

اهو اكيد مو بس يوم للام حلاته بكل وقت بس مو حلو يطوف هاليوم بدون لا نذكرها بشي بسيط ..

والله يرد امميمتك بالسلامه يارب..

والله يخليلنا امهاتنا ويكول بعمرهم يارب..

خوش بوست ماشاءالله..

مشكوره..

why me يقول...

الله عليك يارامي
الله عليك



عجبني هالبوست الرقيق وايد في حق الام .. لو شنو نسوي من نطلع من يزاها




رامي


كل عام و والدتك بخير :)

عين بغزي يقول...

كلام كبير

بو ذياب يقول...

مو لازم التاجر يستفيد على الاقل دش قولها كلمة حلوه بالمناسبه هاذي ..
اوكي خل ايامك كلها تحت خدمتها بس مايمنع ايصير لها يوم زيادة .

Rami يقول...

رورو : نذكرها اليوم وكل يوم بدون لا تسميه "عيد"

واي مي : وانتي بخير : )

عين بغزي : شكرا .. الكبير يبي كبير

بوذياب : الكلمة الحلوة مطلوبة . والله يقدرنا دائما عليها .

شاي الضحى يقول...

اكيد كل يوم نذكر امهاتنه ونقدم لهم هدايا وكل شي بخاطرهم مو بس بهاليوم !!!

والله يخلي امهاتنا ويطول بأعمارهم يارب

احنا من غيرهم ما نسوى شي بالدنيا

الله يوفقك :)