حكمة الشهر

ما ينفعك يا كويت بالعسر واللين إلا عيالك وخذي العلم مني

Sewalefyal@

صفحة الفيس بوك


عدد الزوار (Unique)

من نحن ؟

نبش في المدونة !!

قائمة المدونات الإلكترونية

Followers



من عشر سنوات تقريبا ، او أكثر قليلا ، سمعت عن موقع اسمه واحة.نت . يقدم خدمة طلب مطاعم الفاست فود عن طريق الانترنت .

أتذكر ان كان فيه مطعم او مطعمين اقدر اطلب منهم ، يومها جربت اطلب من احد مطاعم البيتزا الشهيرة عن طريق هالموقع . ولا وصلني الطلب ، فغسلت ايدي منه ، وقلت في قلبي مايشوفون شر ، وعلى ما أظن الموقع اختفى من الساحة .

عقبها بجم سنة ، شفت اعلان في احدى المواقع عن موقع توصيل مطاعم اسمه طلبات دوت كوم . قلت بقلبي ، ما راح يكون افضل من الي قبله .. الناس وين واهما وين . الواحد يشيل السماعة ويتصل على المطعم اسرع له .

مرت الايام ، وجربت مرة اطلب من خلاله . بصراحة كان الفرق كبير بينه وبين الواحة . توصيل سريع ، خدمة اون لاين شات .. يعني اذا عندك مشكلة موظف الدعم الفني يرد عليك بسرعة . وكل يوم عن يوم ، يزيد عدد المطاعم الي في قائمتهم ويتضاعف .

اليوم موقع طلبات أصبح من أنجح مشاريع التجارة الالكترونية في الكويت. في اليوم الواحد يستقبل طلبات من اكثر من 600 عميل ومرات يوصل اكثر هالرقم . الي يميز طلبات انك تدش وتطلب من المينيو على راحتك وانت واثق ان جميع ملاحظاتك الدقيقة وصلت بشكل كامل .


الله يبارك لصاحب الموقع .. واقوله كفو والله .. انتمانك التوفيق دائما . وانشاء الله نشوف مشاريع الكترونية جديدة من شباب الكويت .


6 التعليقات:

غير معرف يقول...

والله انا ماني متطورة ولا اعرف بالنت ذاك الزود

واحب الشي المباشر
بس صار من جم شهر اني توهقت واحتجت اطلب
وفعلا مثل ماقلت...
بالظبط جنه عندي دريول شاطر وشقردي ويعرف كل شي:)

يابولي كل اللي ابيه من اغراض جمعيه لي اكل من 3 مطاعم ولا بسرعه عجيبة...وتالي الليل بعد..



من عقبها الله لايقول ادش النت يوعانه :)



خوش بوست
تحياتي

رورو الشخبوطه يقول...

خبري فيه من زمان ..

الحين بعد يد تطور ماشاءالله..

بجربه ان شاءالله..

ومشكور..

why me يقول...

nice


س ما جربت انا لي الحين

Rami يقول...

سلة ميوة : اهلين وسهلين
يعني تب النفيش لازم دائما يكون يم الكيبورد : )

رورو : انصحج في مطعم اسمه ليفينق كولورز .
عجـــــيـــــــب ( اذا تعرفينه الي في مجمع التلال في الشويخ )

واي مي : من طول الغيبات ياب الغنايم
اذا نويتي تطلبين لج .. لا تنسين تطلبين حق سامي
تراه يحب الفلافل والبطاط :)

BookMark يقول...

عسى الله يبارك له

مااذكر اني طلبت من النت غير مرة وحدة من موقع (ماجلة)
لا وكنسلت الطلب
^_^

why me يقول...

LOL

لا بما أن سامي بطيني ويحب الفرايز .. ف بطلب له فرايز ;pppp