حكمة الشهر

ما ينفعك يا كويت بالعسر واللين إلا عيالك وخذي العلم مني

Sewalefyal@

صفحة الفيس بوك


عدد الزوار (Unique)

من نحن ؟

نبش في المدونة !!

قائمة المدونات الإلكترونية

Followers


شلون الواحد يروح السينما بروحه او يسافر بروحه او يروح المطعم بروحه او امارس أي نشاط في الحياة بروحه ؟؟

شلون الواحد تاخذه العزه بالاثم و يحاول يدافع عن نفسه على خطأ اقترفه ؟؟

شلون الواحد يتجاهل شخص و يوجه حديثه لشخص اخر في أي موضوع يتم تداوله بين ثلاث اشخاص ؟؟

شلون واحد انطوائي و ما يحب يتواصل مع الناس و بالنفس الوقت كله "يتشره" ؟؟

شلون الواحد يصادف صديق او قريب في مكان عام. .. يتصدد و بتعمد ايسوي روحه مو شايفه ؟؟

شلون الواحد يعرف جانب نقص في اجد ما و يحاول يحرجه من هذا الجانب ؟؟

شلون الواحد وايد وايد يهذر و يتكلم و لما يتنقل الحديث لشخص اخر يقاطعه ؟؟

شلون الواحد يتبسط بالكلام مع البنات ..جنها واحد من الربع ؟؟

شلون و شلون و شلون ... ماراح انخلص خلني اجابل عيوبي ابرك

14 التعليقات:

عين بغزي يقول...

انا اعشق السفر بروحي لانه اكثر راحه :)

يعني مافي اقروب مرتبط معاه او شباب ترتبط معاه
عرفت اشلون بالعكس وناسه صج مغامره يمكن الخطر في هذه المغامره هي اذا صحتك خونت فيك و طحت مريض منو يبي يدري عنك ؟؟ او اذا تعرض لحادث لا قدر الله لذالك لا انصح بها ولكني اعشق السفر بروحي :)

Engineer A يقول...

امممم

ماشاءالله اسئلتك وايده !!!


شلون بارد عليها كلها؟ :)))))


يعطيك العافية

BookMark يقول...

يروح السينما بروحه أو ياكل بروحه << احسها ايزي عند الشباب بس البنات لأ مستحيل تسوي شي بروحها !
مثلا انا اتييني البجية اذا شفت واحد ياكل بمطعم بروحه :/ والغريب ان اهوا عادي سهالات ومستانس و"مندمج" ^_^

خالف تعرف يقول...

العزيز سامي

اقبل مروري الاول على مدونتك المفيدة بخواطرها وروحها


اما الاسئلة فهي وجيهة

وخاصة اللي دايما بروحه
والثاني اللي دايما يتشره وهو انطوائي

هذول مادري شلون عايشين

وعلى قولتك احنا يالله بعيوبنا

Sami يقول...

عين بغزى.. Engineer A...بوك مارك

ما ادري المفروض استخدم اداة الاستفهاميه ليش او شلون ...على العموم البوست كان "مكروت" و " سلق بيض" , التساؤل الاول ما يتناسب مع التساؤلات الي تحته .
اعوضها بوست ثاني ...التساؤل الاول راح اتكلم عنه بشكل مفصل لانه ضرب وتر حساس عندي .

خالف تعرف ...هذه الساعه المباركه و مشكور على كلماتك الرقيقه

عثماني يقول...

شلون .. شلون ... وايد الشلونات يا خوي .. وحنا محنا عارفين لها اجابات

:)

سعيد جدا لاكتشافي مدونتك الجميلة

غير معرف يقول...

تبي تثبت لنا انك ملاك ما يخطي

why me يقول...

وأنا شلون انباق ايميلي؟؟


عادي
الحياه مليقه

Be Cool

-_- يقول...

ههه
شلونك اليوم ؟؟

Sami يقول...

عثماني ...تسلم ..دائما تمتعنا بمواضيعك الشيقه

غير معرف ... شلون عرفت ...صج انك فطين

Why me ... اوف خطاج السو ...الله يعوضج باي فون

Sharm ...الله.. ذكرتني بشرم الشيخ ..متعه ما بعدها متعه...اليوم انا تمام ...على فكره مدونتك وايد متعوب عليها ..الله يعطيك العافيه

Sami يقول...

Why me ...ما ادري ليش قريت انباق موبايلي ؟؟...بس هم الله يعوضج باي فون ...ما له علاقه ادري

why me يقول...

سامي لوول

تكفا لا تفاول على موبايلي.. بليز يعني بليز بروحه فيني اكتئاب من ايميلي اللي انباق :(

الوتيــــــــــن يقول...

تصدق قبل كنت اروح السينما بروحي واسافر بروحي" اهي مره " .. بس احب هالخلوه لأني اعتبرها me time..واللي الحين ما احصله ابددددد إلا بالجيم ... ونبي اجابات باجي الاسئلة يا سامي

مسالورد:)

Sami يقول...

الوتين .. هالموضوع وايد حساس بالنسبه لي "الوحده" .. راح اتطرق له بشكل مسهب